“Informazioa kontsumitzeko modua asko aldatu da eta zientziak ere joera horrekin bat egin behar du”
Artearen eta zientziaren munduen artean diraute bere egunerokotasunean, zientziaren mundua irudiei esker gizarteari modu errazagoan hurbiltzeko. NorArte Estudio-Visual Science euskal enpresa bultzatzen duten Izaskun Alberdi, Ana Madinabeitia eta Vega Asensio zientzialariek argi dute koronabirusaren pandemiak joera areagotu duela eta hurrengo urteetan zientziak gero eta irudi gehiago erabiliko dituela bere aurkikuntzak plazaratzeko.
Noiz sortu zen NorArte Studio – Visual Science? Zenbat pertsona lan egiten dute bertan eta zer motatako profesionalak dira?
Estudioa 2011.an sortu zen Vega Asensio doktorearen eskutik, eta 2018.an Izaskun Alberdi eta Ana Madinabeitia batu ziren. Vega eta Izaskun zientzialariak dira eta Ana Artean graduatua, baina hirurak ilustrazio zientifikoan espezializatuak daude: Izaskun eta Ana Ilustrazio Zientifikoan Unibertsitateko espezialistak dira, Vegak, ordea, urteetan zehar autodidakta moduan ikasi du lanbidea.
Zertan datza zuen enpresa?
NorArte Visual Science ilustrazio zientifikoko estudio bat da, komunikazio eta dibulgazio zientifikoa hobetzeko kalitate handiko irudiak sortzen aditua. Ondo ezagutzen dugu zientziaren mundua, argitaratzeko prozesua eta erabiltzen diren formatuak; infografiak, animazioak, posterrak, diagramak, memoria grafikoak, eta abar sortzen ditugu. Gure bezeroen artean ikertzaileak, museoak edota dibulgatzaileak daude.
2020an inoiz baino gehiago hitz egin da komunikabideetan eta gizartean zientziari buruz. Zientziaren inguruko irudien gorakada nabaritu duzuen NorArten?
Bai, urteekin eskariek gora egiten dutela nabaritu dugu. Bi arrazoi nagusirengatik (1) komunitate zientifikoa bere komunikazio-helburuak betetzeko kalitate oneko irudiak erabiltzea guztiz ezinbestekoa dela konturatu delako eta (2) irudi hauek sortzeko profesional espezializatuen merkatua gero eta ezagunagoa delako, orain dela urte gutxira arte profesional mota honen existentzia ezezaguna zen.
Aldatzen ari da Euskadin edo mundu mailan zientzia eta berrikuntza komunikatzeko modua? Arlo guztietan bezala, zientzia eta berrikuntzan ere informazio eta lehia handia dago, denok gure publiko objektibora modu eraginkor batean heltzea nahi dugu, beraz, inpaktu altuko formatuak/irudiak bilatu beharra dago. Edukia ez da nahikoa, hau begietatik sartu beharra dago. Beraz, esperimentazio batean gaudela esango genuke, formatu berriak bilatzen non irudia ezinbestekoa den eta adituen arabera, bideoak/animazioak zeregin handia izango duen.
Etorkizunera begira, zein da zuen ustez gailenduko den komunikazio modua, irudiena edo testuena?
Bi hizkuntzak beharrezkoa dira, baina orokorrean irudien erabilera handitu behar da testua osatzeko, hobeto eta azkarrago ulertzeko, hobeto gogoratzeko eta erakartzeko. Formatuaren eta hartzailearen arabera irudi/testu erlazioa aldatuko da: esaterako, herritarrei zuzentzerakoan bisualagoak izan behar gara. Adituei zuzendutako artikulu zientifikoetan berriz, testuek izango dute pixurik handiena, baina irismen handiagoa izango dute eta askoz ulerkorragoak izango dira kalitatezko irudiekin lagunduta doazenean.
Tokiko enpresa eta erakundeekin lan egiten duzue edo atzerriko proiektuentzat ere irudiak sortzen dituzue?
Gure bezeroen %60 gutxi gora behera bertakoa da. Estatuan ere hainbat bezero finko ditugu, batez ere Katalunian. Gure inguruan ikerlari eta enpresa ugari ditugu eduki zientifikoak sortzen eta garatzen dabiltzanak. Baina gure arloa, zientziaren komunikazio bisuala, ez dago atzerriko zenbait herrialdetan bezainbeste garatuta oraindik. Hala ere, azken urteotan gorakada eman du bai komunikazio bisualean espezializatzea erabaki dugunon kopuruak eta baita egiten dugun lanarengatik apustu egiten duten ikerlari eta dibulgatzaileen kopuruak ere.
Zeintzuk dira zuen etorkizunerako erronkak?
Erronka asko daude, baina gaur egun zientzialarien heziketa grafikoa hobetzea ezinbestekoa ikusten dugu. Beraz, irudiak guk egiteaz gain, zientzialariek euren kabuz kalitatezko diseinuak sortzeko tresnak eta jarraibideak ematen dizkiegu ikastaroen bitartez. Oraingo osasun egoera dela eta, online ikastaroen formatuan murgildu gara guztiz. Bestalde, informazioa kontsumitzeko modua asko aldatu da eta uste dugu zientziak ere joera horrekin bat egin beharko lukeela. Animazioa horretarako formatu ezinhobea dela sinisten dugu, edozein gailutan eta denbora motzean informazio asko transmititzeko aukera ematen baitigu. Horregatik, formatu animatuetan eta interaktiboetan sakontzen jarraitu nahi dugu etorkizunean.
Lotutako albisteak
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.