Histocell enpresak azken belaunaldiko kosmetikoen fabrikazioa ekarriko du Bizkaira
Lankidetza-hitzarmen bat sinatu du Enoc Pharma enpresarekin, kosmetika eta osasun arloetako produktu berritzaileak fabrikatu eta garatzeko.
Fabrikazio-ildo berri honek 30.000 produktu-unitateko ekoizpena izango du datozen hilabeteetan.
Histocell euskal enpresa biofarmazeutikoak lankidetza-hitzarmen bat sinatu du Enoc Pharma konpainia katalanarekin, kosmetika eta osasun arloetako produktu berritzaileak garatu eta fabrikatzeko Bizkaian. Hitzarmen horri esker, Histocell laster hasiko da ekoizten nazioarteko merkatura bideratutako 5 kosmetiko. Fabrikazio-ildo berri honek 30.000 produktu-unitateko ekoizpena izango du datozen hilabeteetan.
Hitzarmen horri jarraiki, Histocell-ek Enoc Pharma konpainiaren Advanced Liposomes teknologian oinarritutako produktuen fabrikazio-ildo berri bat irekiko du Larrabetzuko lantegian. Mugarri garrantzitsua da enpresa bizkaitarrarentzat, ildo berri horrek fabrikazioaren alde egin duen apustua indartuko baitu bere produkzio-zentroa martxan jarri eta hilabete gutxira.
Esparru osagarrietatik garatutako 5 urteko elkarlanaren ondoren sortu da bi enpresen arteko aliantza hau, zeinaren helburua baita teknologikoki berritzaileak diren produktuak kosmetikaren nazioarteko merkatuetara eramatea. Hitzarmen honen bidez, Larrabetzuko produkzio-zentroaren jarduera globala hirukoiztu egingo da. Ildo horretaz gain, enpresak beste produktu propio batzuekin osatzen du bere fabrikazio jarduera, hala nola: Reoxcare, zauri sendagaitzak tratatzeko, eta Wharton Gel Complex eta Histoessence, azalerako produktu kosmetikoak.
Espektatiba horiek egia bihurtzeko ezinbestekoak dira biofarmazeutikako produkzio-zentroaren ekipamendua eta goi-mailako gaitasuna. Instalatu den fabrikak lantegiaren azalera osoaren (2.000 m2) erdia okupatzen du, eta bereziki diseinatuta dago eskaeraren arabera hazi ahal izateko. Une honetan, urteko 200.000 unitateko produkzio gaitasuna du, baina kopuru hori hirukoiztu edo laukoiztu egin daiteke premien arabera. Ekipamenduari dagokionez, baditu likidoak eta solidoak liofilizatzeko teknologia, erreaktoreak, nahasketa tankeak, esterilizatzeko soluzioak bialetan prestatzeko ekipoak… funtsean, badu beharrezko prozesuak garatzeko behar duen guztia.
Hitzarmen honi esker, Histocell enpresak gaitasuna izango du Bio-zientzien sektoreko jardueraren ziklo osoa burutzeko: laborategietako ikerketa, osasun arloko produktu berritzaileen sorkuntza, patenteen erregistroa, lantegiko fabrikazioa eta merkaturatzera. Jarduera, teknologia eta patente horiek Euskadin bertan garatzen dira.
Histocell, I+G-tik fabrikaziora
Enpresa biofarmazeutikoa 2004an sortu zen osasun arloko produktu berriak eta terapia zelularrerako medikamenduak garatzeko eta, bide horretatik, pertsonen bizi-kalitatea hobetzeko. Produktu terapeutikoen dibisio espezializatu bat dauka azala babesteko eta birsortzeko (bai zauriak tratatzeko eta baita ere kosmetikarako). Eta beste bat, medikuntza birsortzailera bideratuta dagoena eta ama-zeluletan oinarritutako terapia zelularreko medikamentuak garatzea helburu duena. Dibisio honek bi medikamendu dauzka fase klinikoan Espainiako hainbat ospitaletan, eta esan beharra dago emaitza oparoak eman dituztela.
Larrabetzuko produkzio-lantegiaz gain, enpresak Bizkaiko Zientzia eta Teknologi Parkean (Derio) dauzka bere instalazio zentralak, non Medikamenduaren Espainiako Agentziak egiaztatutako gela zuri bat baitaukate.
Histocell enpresaren produktuak ondo babesturik daude, 53 patente baitituzte erregistratuta. Konpainiak diziplina anitzetako 30 profesionalez osatutako lantaldea dauka bere plantillan.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.