Hepyc-ek material gogorretan interpolazio bidez hariztatzeko fresak merkaturatu ditu
Hepyc enpresa gipuzkoarra txirbil-harroketa bidezko ebaketa-tresnetan espezializatuta dago duela 75 urtetik. Sofía Taboada Gómez Hepyc-eko Marketin zuzendariak azaldu duenez, “edozein metal mota lantzeko tresnak fabrikatzen ditugu, 800N/mm2 baino gutxiago duten altzairu bigunak eta 65 HRC-ko altzairu gogorrak besteak beste, altzairu herdoilgaitzetatik, aleazioetatik, superaleazioetatik eta fundizio-prozesutik pasata”. Mota horretako metalen mekanizazioa hainbat modutan egin daiteke: zuloak, barautsen bidez; hariak, hariztatzeko arrak erabiliz; fresatuak edo artekatuak, fresen bidez; abeilanatuak, hurrupatzaileekin; eta eskariatuak, eskariatzaileen bidez.
Enpresak tresna berri bat merkaturatu berri du: interpolazio bidez hariztatzeko fresak, material oso gogorrekin operazio bakar batean hariztatu eta bizarra kentzen duena. “Metal Gogor Integral (HM-MD) materialarekin fabrikatuta daude, eta TiAlCN geruza anitzeko estaldura du (Titanio-Aluminio karbonitruroa); horri esker, 500ºC-ko tenperatura maximoak jasan ditzake”, zehaztu du Marketineko zuzendariak. Gainera, fresak 15º-ko geometriarekin fabrikatzen dira, eta propietate horrek hausteko probabilitate txikiagoa ematen dio mekanizazio-prozesuan. Azken batean, interpolazio bidez hariztatzeko fresa horiek ia material mota guztietarako egokiak dira, baita 50 HRC baino gehiagorako ere.
Hernaniko enpresan hariztatzeko gailu sorta oso handia nabarmentzen da, bereziki Hunix arrak. Sofia Taboada Gómezek zehaztu duenez, “gure produktuek piezak mekanizatzeko balio dute hainbat sektoretan, hala nola aeronautikan, trenbide-sektorean, automobilgintzan, energia berriztagarrietan, ontzigintzan edo makina-erremintan.
Produkzio guztia bere fabrikazio-zentro aurreratuan ekoizten da. Marketineko arduradunaren arabera, “Industria 4.0 kontzeptuan oinarritzen da, azken belaunaldiko makineria eta teknologia baitu ebaketa-tresnak eta, bereziki, hariztatzeko arrak fabrikatzeko”. Apustu horrekin kalitate handiko produktuak eskaintzen ditu, modu eraginkor eta produktiboan, mundu mailan lehiakorra izateko ezinbesteko baldintzak.
Nazioarteko presentzia
Hepyc-ek 28 langile ditu, eta ia 6,5 milioi fakturatzen ditu urtero; horietatik % 20 esportazioetatik datoz. “Gaur egun 30 herrialde baino gehiagotan dugu presentzia. Eta, Europa inguruko herrialdeetan zentratuta gauden arren, gero eta gehiago saltzen ari gara Latinoamerikan eta Asian”, Marketineko zuzendariak dioenez.
Etorkizunari begira, Hepyc-ek helburutzat hartu du “enpresa gehiago digitalizatzea eta merkatu berrietan sartzea, digitalki zein tradizionalki”, Saioa Taboadak aurreratu duenez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean