HAND-AI proiektuak adimen artifizialeko plataforma bat sustatuko du hirietan airearen kalitatea eta zarata hobetzeko
Bost euskal enpresa eta Aclima, ingurumenaren euskal klusterra, batera ari dira lanean adimen artifizialeko plataforma berri bat sortzeko. Plataformak hiri-inguruneetako airearen eta zarataren kalitatearen monitorizazioa eta ebaluazioa hobetzea ahalbidetuko du.
Aclimak adierazi dutenez, “ezinbestekoa da kutsadura atmosferikoa eta akustikoa minimizatzea hiri bizigarriagoak eta iraunkorragoak planifikatzeko”. Ildo horretan, Europako Airearen Kalitateari buruzko Zuzentarauak beharrezkotzat jotzen du “hainbat puntu hartzailetan, isurtze-mailak eta kutsatzaileen presentzia kontrolatzea eta zaintzea”, euskal klusterrak adierazi duenez.
Testuinguru horretan, HAND-AI proiektuaren helburu nagusia udalerriek emisio kutsatzaileak murrizteko hartutako neurriak zehaztasunez ebaluatzeko gai izango den tresna bat garatzea da. Era berean, gizartea kontzientziatzen lagundu nahi du, hiri jasangarriagoak, erresilienteagoak eta osasungarriagoak bultzatzea ahalbidetuko duen kalitatezko informazioaren beharra dagoela adierazten.
Ebaluazio-elementu berritzaileak
Plataforma berri bat landuko da ebaluazio-elementu berritzaileekin, teknologia berriak integratzen dituena, bai neurketan, bai telekomunikazioan. Horrela datu-bolumen handia lortuko da software aurreratuarekin tratatu daitezkeenak.
Metodologia berri horiei esker, trafikoaren eta zarataren eredu aurreratuen emaitzak kontrastatu eta aireko ereduak garatu ahal izango dira. “Ebaluatzeaz gain, etorkizuneko agertokiak aurreikusi ahal izango dira, adimen artifizialaren eredua erabiliz”, Aclimatik ziurtatzen dutenez.
Egingo diren lanak hiru fase nagusitan banatzen dira. Lehenengoan, ikerkuntzakoan, HAND-AI ereduaren diseinu kontzeptuala egingo da. Bigarren fasean, monitorizazio-sistemak diseinatuko dira eta plataforman integratuko dira, era berean, ereduen eta plataforma integratuaren garapena gauzatuko da. Hirugarren eta azken fasean, Gasteizen plataforma balioztatuko da eta etorkizuneko agertokiak aztertuko dira.
Proiektu honetan zehar, partzuergoko enpresek (AAC Akustika Aplikatuko Zentroa, Datua, Sercontrol, Leber eta Teknei) airearen eta zarataren kalitatea ebaluatzeko, gaur egun erabiltzen diren tekniketatik haratago joan nahi dute, neurketa-elementu berritzaileak eta ohiko neurketa jarraituak kontrastatzeko metodologia berriak erabiliz.
Halaber, proiektuarekin honakoa lortu nahi da, “jarraipen-parametro berriak integratzea, trafikoaren eta ingurumen-zarataren eredu aurreratuak kontzeptualizatzea eta adimen artifizialeko ereduak aplikatzea, emisio-patroiak doituta eta kutsatzaileak murriztuta”, klusterrak ziurtatzen duenez.
Plataforma berriak, ziurtatu dutenez, “tokiko gobernuek erabakiak hobeto hartzeko tresna bat garatuko du, informazio kritikoa emango die hiri-kutsaduraren kontrolean egindako inbertsioei lehentasuna emateko eta etekin eraginkorra lortzeko”. Azken tresnak, gainera, proposatutako kontrol-neurrien benetako inpaktua baliozkotzea eta frogatzea ahalbidetuko du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da