Ezagutu BDIHren aktiboak: Lorteken lotura aurreratuak aztertzeko planta pilotua
Hainbat soldadura-gelaxka ditu, hainbat ekipo eta baliabiderekin, hala nola sentsoreak, monitorizazio-gailuak edo CAD/CAM softwarea, prestakuntza, erakustaldi, ikerketa aplikatu eta garapen jardueretarako. Aktibo hori erabiltzen duten enpresek kontzeptu-probak edo bideragarritasun-probak eska ditzakete laborategi-eskalan, baita prozesua industrializatzeko eta produkzio-katean integratzeko azterlanak ere. Soldadura-prozesu eta/edo teknologien arteko konparazio azterketa bat egiteko aukera ere ematen du, eta enpresek lehen prototipo bat egin dezakete planta pilotu horretan, Lortekek soldaduran duen esperientziaz baliatuta, teknologiak eta produktuak garatu ahal izateko.
Arrakasta kasua
Hispavista eta Nippon Gases Euskal Herrian plantak dituzten bi enpresa dira. Lehenengoa, internet eremuan zentratzen du bere aktibitatea eta Smart Cities-ekin konektatutako ekosistema teknologikoa izanik personal adituaren laguntzarekin industria-eremuari zerbitzua emateko gaitasuna du. Bigarrena, berriz, gas industrialen, sendagarrien eta elikadura-gasen horniduran zentratzen da.
Beren industria-prozesuetan irtenbide digitalak eta jasangarriak txertatzeko asmoz, enpresek Lortekengana jotzeko beharra ikusi zuten, fabrikazio gehigarrian eta adimendunean espezializatutako zentro gisa. Horrela, Hispavistak aktibo hau erabili zuen Smart Cities-erako soluzioa eraldatzeko eta IIoT soluzio baterantz bideratzeko. Soluzio horrek informazioa atzemateko, aztertzeko eta bistaratzeko azken aurrerapenak hartuko ditu, datu sentsorikoak monitorizatzeko eta aztertzeko industria-prozesu konplexuetan. Halaber, Nippon Gases-ek aktibo honekin soldadura-modulu berriaren zehaztapenak eta beharrak definitu ahal izan ditu, eta, horrez gain, funtsezko baliozkotze-probak definitu, bere tresnekin bezeroaren ingurune erreala ezin hobeki simulatu ahal izateko.
LORTEKen aktibo horren moldakortasunak aukera ematen dio Hispavista-ri industria-prozesu konplexuak kudeatzeko irtenbide integral bat garatzeko, eta horrek etorkizuneko bezeroei hobeto laguntzeko tresnak emango dizkie, une bakoitzean behar dituzten konponbideak eskainiz. Bestalde, Nippon Gases-ek bere soldadura-aplikazioetan dituen beharrei erantzutea lortu du, baita enpresak egin nahi duen industria digital eta jasangarriaren eremuan soluzio eta zerbitzu berriak garatzeko oinarriak finkatzea ere.
Lortekekin egindako kolaborazio hauei buruz gehiago jakitera gonbidatzen zaitugu. Hispavista-ren bideoan Hispavistako IT Project Manager-a den Eva Dominguezek proiektuaren xehetasun guztiak eta lortutako emaitza onak ematen ditu. Nippon Gases-en bideoan negozio garapenean aditua den Pablo Achak eta Igor Ayala ingeniariak aktibo honetaz nola baliatu diren kontatzen dizute.
