Durangaldea “Cycle Friendly Employer” eskualdea izango da
Estrategia publiko-pribatu horrek enplegua sortuko du kolektibo kalteberentzat.
Durangaldeko mankomunitateak estrategia bat bultzatu du CFE (Cycle Friendly Employer) ziurtagiria duen lehen eskualdea izateko. Ziurtagiri horrek aitortza egiten dio enpresa eta erakundeek bizikletaren erabilpena sustatzeko eginiko ahaleginari. Mankomunitateko presidentetzak zuzentzen duen ekimen honen helburua da mugikortasun jasangarria ahalbidetzea administrazio publiko desberdinen, erakundeen eta enpresen arteko lankidetzaren bidez.
CFE zigilua Europako Batzordeak European Cyclist Federation erakundearen bidez sustatutako aitortza bat da, eta Durangaldearen kasuan Bike Innovation Hub euskal elkartea ari da prozesua koordinatzen. Eskualdeak datorren uztailaren 17an jasoko du ziurtagiria, baina hori abiapuntua baino ez da izango, 3 urteko ekintza-plan zabal bat gauzatu beharko duelako.
Hala, Durangaldea da zigilu hori eskuratu duen lehen eskualdea nazioartean. “Helburua da enpresa eta administrazio publikoen arteko sinergiak bilatzea elkarren osagarri izateko eta onurak lortzeko, bai enpresentzat, bai langileentzat eta baita ere herritarrentzat” azaldu du Aitzol Fernándezek, Bike Innovation Hub elkarteko presidente eta Axalko enpresaren fundatzaileak, “proiektu aitzindaria da eta dagoeneko eredu bihurtzen ari gara beste eskualde batzuentzat: hainbat kontsulta iritsi zaizkigu Europatik eta Latinoamerikatik”. Halaber, Bizkaiko Foru Aldundiak proiektu hori aukeratu du Bizikletaren Liburu Zurian sartzeko.
Estrategiak ibilbide-orri bat dauka hainbat lan-eremurekin, besteak beste, komunikazioa eta kontzientziazioa edota zerbitzu eta azpiegitura berriak bultzatzea. Esaterako, antolatuko diren ekintzetako batzuk dira bide-gorrientzako ibilbideak proposatzea gune industrialetako langile-fluxuak koordinatuz, aparkalekuak kudeatzea bizikletaren erabilpena lehenetsiz edo puntu publikoak sortzea tresnekin edo konponketa-tailer txikiekin.
Asmoa da ekintza horiekin tokiko ekonomia bultzatzea eta kolektibo kalteberen enplegua lehenestea. “Sortuko diren ekintza, zerbitzu eta produktuak bazterkeria sozialeko arriskuan dauden pertsonek egingo lituzkete, horrela aukera berriak sortuz tokiko ingurunean” azaldu du Aitzol Fernándezek.
Estrategia horrekin, Durangaldeko mankomunitateak lortu nahi duena da mugikortasun jasangarriak eta, bereziki, bizikletaren erabilpenak ingurumenean eta maila sozial nahiz ekonomikoan eskaintzen dituen askotariko onurak aprobetxatzea. Bike Innovation Hub erakundeko presidenteak dioenez, “osasun arloko onurak eta inpaktu ekonomikoa kuantifikatuta daude: gaur egun, urtean 150.000 milioi eurokoak dira Europan”. Izan ere, aurreztu egiten da osasun arloan eta azpiegituretan, trafikoa hobetzen da, negozio-eredu jasangarri berriak bultzatzen dira, eta inpaktu positibo handia sortzen da ingurumenean.
CFE ziurtagiria beraizik zuzentzen zaie langileen edo herritarren artean bizikletaren erabilpena sustatu nahi duten enpresa publikoei, pribatuei nahiz eskualdeei. Bike2Work proiektu europarraren bitartez sortutako bereizgarri horrek auto-ebaluaziorako tresnak eta ikuskapenak eskaintzen ditu ekintza-plan bat bultzatzeko.
Bike Innovation Hub irabazi asmorik gabeko elkarte bat da, honako hauek osatua: Urbegi, kolektibo kalteberentzako lan-aukerak sortzen dituen enpresa taldea, Bike Friendly ziklo-turismo enpresa eta Axalko, bizikleta pertsonalizatuen fabrikatzailea eta mugikortasun jasangarriko aholkularitzan aditua.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean