Deltecok Fabrikazio Aditiboko dibisio berri bat sortu du eta urtarrilean artezketa prozesuetarako beste bat sortuko du
Deltecok, Espainian eta Portugalen makina-erreminta merkatuan banatzaile bezala aritzen den enpresa, fabrikazio aditiboko dibisio berri bat sortu berri du. “Gehitu berri dugun negozio-lerro berri horretaz gain, urtarriletik aurrera artezketa-prozesuak jorratzeko beste lerro bat ere sortuko dugu, betiere bezeroei zerbitzurik onena emateko asmoz”, Javier Torres Deltecon presente dagoen Hermle marka alemaniarraren arduradunak aurreratu duenez.
Euskal enpresa SLM Solutions enpresaren produktu eta zerbitzuak banatzen hasi da Iberiar Penintsulan. Akordio horri esker, bi erakundeek erabiltzaileei 3D metalikoak fabrikatzeko teknologia berri horiei buruzko aholkularitza eskaintzea dute helburu. Gainera, Desktop Metal enpresaren banatzaile esklusiboa da, 3D inprimaketako teknologia guztiak eskaintzen dituen enpresa bakarra.
Automatizazio-dibisio propioa ere badu, eta, bertan, automatizazio- eta robotika-soluzioak eta makina-erremintako munduko teknologia aurreratuenak integratzen ditu.
Mende erdiko ibilbidean, Deltecok bere bezeroei aholkularitza-zerbitzuak eskaintzen die, kasu bakoitzean egokiena den teknologia eskainiz. “Enpresa guztiek ez dute gauza bera behar. Enpresa bakoitzak bere behar espezifikoak ditu, eta guk ematen diegu. Aholkularitza da gure zeregin nagusia”, azpimarratu du.
Puntako ekipoak
Konpainia gipuzkoarrak goi teknologiako produktuak eskaintzen ditu. Izan ere, “Euskadin bezeroek ekoizpen baliabide onenak izatea eskatzen eta baloratzen dute”. Ildo horretan, euskal enpresak banatzen dituen ekipoak Alemaniatik, Japoniatik edo Koreatik datoz, alor horretan punta-puntako merkatuak baitira.
Bere produktuen artean Hermle marka alemaniarrarenak nabarmentzen dira, “fresatzeko soluzioetan nazioarteko liderra, azken urteetan hazkunde handia izan duena, bereziki aeronautikaren sektorean”, enpresaren ordezkariak aitortu duenez. Gainera, mekanizazio aeroespaziala, automozioa edo moldeko mekanizazioa behar duten sektore guztientzat lan egiten du Deltecok.
Euskal enpresa DN Solutions markaren banatzailea ere bada. Enpresa korear hori liderra da tornu eta mekanizazio-zentroen fabrikazioan, munduko produktu-gama handiena eskaintzen du eta urtero 18.000 unitate baino gehiago fabrikatzen ditu.
Gaur egun, Deltecok 80 langile baino gehiago ditu, eta “etengabe handitzen ari gara, batez ere saldu osteko zerbitzu-sailean; izan ere, argi dugu garrantzitsuena bezeroari azkar erantzun ahal izatea dela”, Javier Torresek adierazi duenez. Euskal enpresak 50 milioi euro inguru fakturatzen ditu urtero, eta automatizazioan haztea du helburu, “eskari handia baitago bertan. Bezeroek soluzio automatizatuak bilatzen dituzte”, Torresek aitortu duenez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean