Bilibin Circular, zero hondakin sortzera bideratutako ekintza-plana
Bilibin Circular proiektua duela urtebete inguru sortu zen, Dawamoru Fernández eta Aitor San Francisco ekintzaileek bultzaturik. Dawamoru jasangarritasun arloko prestatzailea da, eta Aitor ekonomia zirkularrean espezializatutako ingeniari industriala; biei interesatzen zaie jasangarritasuna, eta horregatik erabaki zuten bat egin eta Bilibin sortzea. Bilibin startupa aholkularitza bat da, konponbide berritzaileak garatzen dituena, enpresa eta antolakundeek euren ingurumen-aztarna murriztu dezaten, metodologia propioa erabiliz.
“Hasierako egoeraren diagnostikoa egiten dugu, jarduera-arlo guztietan sortzen diren hondakinak neurtuz; hortik abiatuta, 5 R direlakoetan (murriztu, konpondu, errefusatu, berreskuratu eta birziklatu) oinarritutako planteamendu bat egiten dugu” azaldu du Aitor San Franciscok, “pixkanaka egiten dugu aurrera, helburua ez delako antolakundeak batere hondakinik ez sortzea, baizik eta helburu horretarantz hurbiltzea, beretzat erosoa den puntu batean kokatuz”.
Lehen proiektua Emaus fundazioarekin egin zuten, eguneko eta gaueko zentroetan sortutako hondakinak murrizten laguntzeko. Diagnostikoaren ostean hainbat neurri hartu zituzten, eta horien bidez lortu zuten hondakin kopurua % 65eraino murriztea. Emaitza horiek ikusirik erabaki zuten metodologia zabaltzea hotelen eta jatetxeen sektorera, eta joan den urtearen amaieran hainbat proiektu pilotu hasi zituzten Donostiako hainbat establezimendutan. Baina orduan Covid-19aren pandemia iritsi zen, sektore hori ziurgabetasun handi batean murgilduz, beraz, beste arlo batzuetarantz dibertsifikatzea erabaki dute.
Horietako bat da ikus-entzunezkoen mundua, eta zinemako produkzio-etxe batekin lanean hasi dira filmazio jasangarriak lortzeko. “Film labur batekin hasi ginen, eta datorren urterako cero waste film luze bat egin nahi dugu, hondakinak ahalik eta gehien murriztuz arlo guztietan: erabiltzen den energia, mugikortasuna, catering-a…”dio San Francisco-k. Horrek esan nahi du mugikortasun jasangarria ahalbidetzen duten tokiak lehenetsi behar direla, behin bakarrik erabiltzeko elementuak saihestu eta, besteak beste, menu ekologikoak eskaini.
Industria arloan proiektu bat abiarazi dute hainbat enpresa aztertzeko eta diagnostikoak egiteko, ekonomia zirkularraren printzipioetatik eta Garapen Jasangarriko Helburuetatik abiatuta. Prozesu hori urtarrilean hasiko da. Aholkularitzaren helburua da konponbide berritzaileak aurkitzea enpresek ingurumen-inpaktua murriztu dezaten eta eraginkortasuna eta errentagarritasuna hobetu ditzaten.
Bilibin hiru irabazleetako bat izan zen Naturklima fundazioak eta Gipuzkoako Foru Aldundiak antolatzen duten Enpresen erronkak klima aldaketaren aurkako borrokan sariketan. Sari horri esker, lan-espazio bat lortu dute Naturklimak sortutako Ekonomia Zirkularreko Hub-ean, eta hantxe hasi dira beste proiektu bat garatzen: Zero Skan. “Gure metodologia digitalizatzen ari gara; tresna bat sortu nahi dugu hondakinen kudeaketaz gain, beste aldagai batzuk ere kontrolatu ahal izateko” azaldu du ingeniari industrialak, “gure asmoa da prozesua ahalik eta gehien automatizatzea etengabeko hobekuntza lortzeko”.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.