Eusko Jaurlaritzak SPRI Taldeko zuzendari izendatu du Aitor Urzelai Inza
Ekintzailetza, Berrikuntza eta Informazio Gizarteko zuzendaria 2013tik, Alex Arriola ordezkatuko du, zeinarekin batera hainbat estrategia abiarazi baititu, hala nola, Basque Industry 4.0, BIND 4.0 azeleragailu publiko-pribatua, Zibersegurtasunerako Euskal Zentroa eta Basque Research & Technology Alliance (BRTA)
Aitor Urzelai Inza izango da SPRI Taldeko (Arantxa Tapia sailburuak zuzentzen duen Ekonomi Garapen, Jasangarritasun eta Ingurumen Sailari atxikitako erakundea) zuzendari berria. Urzelai Sail horretako kide da 2013tik, non Ekintzailetza, Berrikuntza eta Informazio Gizarteko zuzendari kargua bete baitu.
Aitor Urzelai oñatiarrak Alexander Arriola Lizarriturriren lekua hartuko du, zeina enpresa pribatura itzuliko baita. Azken bi legealdietan lankidetza estuan aritu dira biak, hainbat estrategia garrantzitsu eta arrakastatsu martxan jartzeko, besteak beste, Basque Industry 4.0, BIND 4.0 azeleragailu publiko-pribatua, Zibersegurtasunerako Euskal Zentroa eta Basque Research & Technology Alliance (BRTA).
SPRI Taldeko zuzendari nagusi berria -2013tik bere kargua bete duena Arantxa Tapiaren Sailean- doktorea da Ekonomia eta Enpresa Zuzendaritzan, eta lizentziatua Enpresa Zientzietan (Marketin espezialitatean). Eusko Jaurlaritzara iritsi baino lehen, Mondragon Innovation & Knowledge (MIK) kooperatibako zuzendari izan zen 2009tik 2012ra, eta bide luzea egin du Mondragon Unibertsitatearen barruan. Hala, Mondragon Unibertsitateko Estrategia, Antolakuntza eta Ekintzailetza Saileko zuzendaria izan da, Enpresa Zientzien Fakultateko Zuzendaritza Batzordeko kidea, eta Logistikako irakaslea eta ikertzailea unibertsitate bereko LADEn eta MBA programan.
SPRI Taldea Ekonomi Garapen, Jasangarritasun eta Ingurumen Sailari atxikitako zuzenbide pribatuko erakunde publiko bat da, eta bere helburua da euskal enpresen lehiakortasuna babestea, bultzatzea eta sustatzea, bide horretatik, aberastasuna sortuz Euskadin eta herritarren ongizate-maila hobetuz, giza-garapen jasangarria indartuta Eusko Jaurlaritzako Ekonomi Sustapenerako Politikaren arloan.
SPRI Taldeak euskal enpresari laguntzen dio zortzi arlo estrategikotan: 4.0 Industria, Zibersegurtasuna, Nazioartekotzea, Inbertsioak erakartzea, Ekintzailetza, Eraldaketa Digitala, Teknologia, Berrikuntza eta Lurzoru industriala. Laguntza hori emateko, sail bereiziak dauzka SPRIren sozietate filialen barruan (Sprilur, Nazioartekotzeko Euskal Agentzia, Zibersegurtasunerako Euskal Zentroa eta Arrisku Kapitaleko Sozietatea) eta, bestalde, parte-hartze maioritarioa du Euskadiko Teknologi Parkeen Sarean eta BIC Araban, eta % 50ekoa BIC Gipuzkoan eta BIC Ezkerraldean (Bizkaian).
Orobat parte hartzen du Basque Research & Technology Alliance (BRTA) partzuergo teknologikoan, Enterprise Europe Network (EEN) sarean, Garapen Agentzien Europako Elkartean (EURADA) eta, besteak beste, ADR Foroan, eta, horrezaz gain, Euskadiko Klusterrekin koordinatzeaz arduratzen den Jaurlaritzako agentzia da.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.