Barakaldoko Burtzeña, Erandioko Plaiabarri eta Santurtziko Etxeuli proiektuak, aurtengo lehen seihilekoan eta 33 milioi euroko balioarekin, Eusko Jaurlaritzak Sprilurren bidez lizitatutako egitasmoen artean
2025.urtea hasi zenetik hona Eusko Jaurlaritzak, industria-lurzorua kudeatzen duen eta Spri Taldekoa den Sprilur erakunde publikoaren bidez 12 lehiaketa argitaratu ditu, 5 urbanizazio- eta eraikuntza-obrak egiteko dira eta beste 7ak obra horiei lotutako zerbitzuetarako. Industria-lurzorua berreskuratzea eta enpresentzako kokapen egokiak egituratzea helburu duten lan hauetan, besteak beste lurrak deskontaminatzea, garbiketa industrialak gauzatzea, hondakinen kudeaketa eta urbanizatzeko jarduketak daude aurreikusita.
Urbanizazio- eta eraikuntza-obrei dagokienean, hauek dira esleitu diren lizitazioak: Burtzeñan (Barakaldo) UERT partzela zaharra lehengoratzeko eraikuntza-proiektua gauzatzeko obrak; Erandion, D sektorea eta Plaiabarri bidea urbanizatzeko obrak, Arriagatik Sakonira bidea eta hirigintza-garapenerako beharrezkoak diren azpiegiturak barne; lehengo Arcelorren pabilioietan garbiketa industriala eta hondakinen kudeaketa; eta Bildosola Artean, pabiloien estalkiak berreraikitzeko lanak. Guztira 18.554.958,50 euroko kontratuak egin dira lanok gauzatzeko. Esleipen bidean dago Santurtziko Etxeuliko obren lehiaketa, 13 milioi eurotik gorako aurrekontuarekin lizitatu dena.
Zerbitzuei dagokienean, urbanizazio- eta eraikuntza-obrei lotutako zerbitzuak dira esleitu direnak, besteak beste Burtzeñako UERT partzelako obren zuzendaritza, Erandioko urbanizazio lanen zuzendaritza eta kalitate kontrola, Gasteizeko Azucarera eraikinaren mantentze-lan eta sarbide-kontrola edota Urdulizko Dorrearen garbitasun eta mantentze-zerbitzuak. Guztira 882.776 euroko kontratuak egin dira zerbitzu hauek gauzatzeko. Esleipen bidean dago Aholkularitza Juridikoko zerbitzua, 500.000 euroko aurrekontuarekin lizitatu dena.
Burtzeñako UERT partzela
XIX. eta XX. mendeetako ezkerraldeko industrializazio-prozesuarekin eta 70eko eta 80ko hamarkadetako industria-birmoldaketarekin lotutako espazioa da. 2025eko uztailean, 7 milioi eurotan esleitutako proiekturen xedea da Burtzeñako UERT (Maser) lursail zaharra albotik eta azaleratik iragazgaizteko behar diren obrak definitzea, maila freatikoetan lixibiatuaren balizko efektua murriztuz eta partzela kota bateraino handituz, etorkizuneko urbanizazioa urpean gera ez dadin. Obra honek lurra egokitzeko, bentonitazko pantaila plastikoa jartzeko, metxa drainatzaileak jartzeko, ukitutako zerbitzuak egokitzeko eta lurrak mugitzeko jarduketak ekarriko ditu.
Proiektu hau gauzatzeko obra-zuzendaritza ere esleitu da, 287.928,00 euroko aurrekontuarekin.
Erandioko Plaiabarri
Asua ibaiaren eskuinaldea urbanizatzeari buruzko lehiaketa, Erandioko Plaiabarritik igarotzen den tartean. Lau urbanizazio proiektu jasotzen ditu: D sektorea deiturikoa eta Plaiabarri bidea, bai eta Arriaga Sakoni bidea eta BI735 foru errepidearekiko bidegurutzea hobetzeko eta egokitzeko proiektua eta D sektoretik kanpo kokatutako PEIrako 1. mailako azpiegituren proiektua ere. 2025eko ekainean 9 milioi euroko aurrekontuarekin esleitu zen jarduketaren xedea da Erandioko D sektorea hirigintzaren aldetik garatzean. Horretarako, ezinbestekoa da haren urbanizazioarekin batera hainbat jarduketa egitea, bai ibilgailuentzako sarbidearen eremua eta beharrezko azpiegiturak hornitzeko, bai Asua ibaiaren bi ertzetan (Plaiabarri-Sakoni) kokatutako eremuen etorkizuneko hirigintza garapenari erantzuteko. Lan hauek guztiak gauzatzean 21.353 m2ko partzela industriala sortuko da D sektorean. Proiektu hau gauzatzeko obra-zuzendaritza 239.040,00 euroan esleitu da.
Egitasmo honen sustatzaileak ETS eta SPRILUR dira, bi erakundeok Erandioko Udalarekin egindako hitzarmena medio.
2025eko bigarren seihilekorako aurreikuspenak
Urtearen bigarren seihilekoan beste 14 lehiaketa martxan jartzea aurreikusten du Sprilurrek, besteak beste Navacel (Trapaga) birgaitzeko obrak; Pradoko (Mungia) lurzoruaren kalitate-adierazpena lortzeko indusketa-plana gauzatzeko obrak eta dagokion obra-zuzendaritza eta ingurumen-kontrola; Oikiako (Zumaia) industrialdea berrurbanizatzeko proiektua idazteko eta obra zuzentzeko zerbitzuak; eta Herrera Iparrakdean (Pasaia) 7 pabiloi berriren proiektua idazteko eta hirugarren sektoreko eraikina handitzeko zerbitzuak, eta hauen guztien obra-zuzendaritza
