Euskadiko Parke Teknologikoek, 2022an 6.500 milioi euro inguru fakturatu zituzten 647 enpresa hartzen dituzte dagoeneko
- Parkeetako Campusetan 21.750 pertsonak baino gehiagok egiten dute lan, eta horietatik 6.588 Ikerketan eta Garapenean ari dira
2022ko ekitaldiari dagokion Euskadiko Parke Teknologikoetako enpresen jarduera-txostenak, berriro ere agerian utzi du bere enpresa-sarearen indarra. Izan ere, 6.480 milioi euro fakturatu zituen, hau da, aurreko urtean baino % 12 gehiago. Gainera, 65 enpresa berri instalatu ziren Campus desberdinetan, eta horrek konpainia aktiboen kopurua 647ra igo zuen. Guztira 136 enpresa ari dira inkubagailuetan negozioa garatzen.
Bildutako datuak konpainiek eurek eman dituzte, 2022ko ekitaldia itxi ondoren, eta langileen kontzeptuan ere hazkundea iraunkorra izan dela erakusten dute. Horrela, 21.757 pertsonak egiten dute lan egunero parke teknologikoetako enpresaren batean, eta horietatik erdia baino gehiago –12.123– unibertsitate-lizentziadunak dira. Gainera, 1.905 doktoreak dira eta 5.327k LHko titulua dute. Parkeetako enpresen baterako plantilla 2021ean 20.305 pertsonakoa izatetik 2022an 21.757 pertsonakoa izatera igaro da, eta horrek % 7,15eko igoera erakusten du.
Nabarmentzekoa da I+Gn diharduten profesionalen ehuneko handia, 6.588 pertsona guztira. Plantillen gaztetasuna ere garrantzitsua da, izan ere, 3.861 pertsonak 30 urte baino gutxiago dituzte. Generoari dagokionez, gizonek emakumeek baino presentzia handiagoa izaten jarraitzen dute, baina alde hori murrizteko joerari eusten zaio. 2022ko ekitaldia 13.301 gizonekin (guztizkoaren % 61) eta 8.456 emakumerekin (guztizkoaren % 39) itxi zen parkeetan dauden enpresetako plantilletan. Parkeetan dauden 647 enpresetatik 146 (hau da, enpresa guztien % 22 baino zertxobait gehiago) emakumeek zuzentzen dituzte. 126 enpresak, emakumeen eta gizonen arteko tratu- eta aukera-berdintasuna lortzeko eta sexuagatiko diskriminazioa ezabatzeko neurriak jasotzen dituen Berdintasun Plana dute.
Datu ekonomikoei dagokienez, 6.480 milioi euroko fakturazio-zifra bateratuaz gain, Parkeetako enpresek 588 milioi euro bideratu dituzte I+Gko gastura. Era berean, horietako 60k atzerriko kapitalaren partaidetza dute.
Jarduera-sektoreei dagokienez, IKTen esparrua da nabarmenena, guztizkoaren % 20 inguru –127 enpresa–, 5.158 pertsona lanean, eta 1.957 milioi euroko baterako fakturazio-bolumena. Enpresa kopuruari dagokionez, Biozientzien sektoreak jarraitzen dio, 121 enpresa baititu. Hala ere, enpleguari dagokionez, bigarren esparru garrantzitsuena I+G da, 4.029 pertsonarekin, eta fakturazioari dagokionez, Aeronautika nabarmentzen da, Euskadiko Parke Teknologikoetan dauden enpresen fakturazio osoaren % 25 baino gehiago hartzen baitu –1.664 milioi euro–.
Beste sektore garrantzitsu batzuk hauek dira: Ingeniaritza, 398 milioi euroko fakturazioarekin eta 2.325 pertsonako plantilla globalarekin; Elektronikaren sektorea, 995 milioi euro fakturatuz, 2.242 langilerekin; eta Energia eta Ingurumena, 391 milioi euroko fakturazioarekin eta 2.049 pertsonako plantillarekin.
Azkenik, jarduerari buruzko beste datu batzuen artean, nabarmentzekoa da Euskadiko Parke Teknologikoetako enpresek 121 patente nazional eskatu zituztela 2022an, eta horietatik 55 eman zirela.
Gainera, 17 enpresa 2030 Agendaren –pertsonen, planetaren eta oparotasunaren aldeko 2030erako asmo handieneko ekintza-plana– bazkide dira edo sinatu dute, eta euren jardueran garapen jasangarria lortzen laguntzeko konpromisoa hartu dute
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan