Adimen Artifiziala
Elkarrizketak 16 ekaina, 2025

Decidatak adimen artifizialean eta machine learning-ean erreferente izan nahi du estatu mailan

Bizkaiko enpresak 10 urte daramatza konpainia eta erakunde publikoei datuetan oinarritutako erabakiak hartzen laguntzen.
-

Decidata Bilbon egoitza duen enpresa bat da, eta konpainia eta erakunde publikoei laguntzen die data-driven erakunde bihurtzen, hau da, erabakiak intuizioetan oinarrituta hartu beharrean, datuetan oinarrituta hartzea. Hori neurrira egindako eraldaketa-proiektuen bidez lortzen da: bezeroen ihesa aurreratzen duten eredu prediktiboetatik hasi eta prozesu operatiboak hobetzen dituzten optimizatzaileetaraino, betiere bezero bakoitzaren teknologia, kultura eta lehentasunetara egokituta. 

2011n, Pedro Ruiz Aldasorok Decidataren negozio-eredua planteatu zuen “enpresaburuei eta zuzendariei datuetan oinarritutako erabaki egokiagoak hartzen laguntzeko beharretik abiatuta”, Gonzalo Artiach Decidatako presidenteak azaldu duenez. Hori ez zen gauzatu 2015. urtera arte. Orduan, Iñaki Pertusa, Decidatako CEOa, Pedro Ruiz Aldasoro eta Pablo Monfortek proiektu pilotu bat garatu zuten Arteche Taldearentzat, bere bideragarritasuna frogatu eta etorkizuneko enpresaren oinarriak finkatu zituena. Gainera, Euskaltelekin eta Mercedesekin kontratuak lortu zituen, eta enpresa txiki eta ertainentzako BIND laguntzen lehen deialdian parte hartu zuen. “Horrek ikusgarritasun handia eman zigun”. Enpresa 2017an sortu zen, eta, ordutik, hazkundea organikoa izan da. 

“Decidatak teknologia, metodologia eta prestakuntza uztartzen ditu, datuaren kultura erakunde osoan sar dadin eta emaitza ukigarriak sor ditzan”, adierazi du Gonzalo Artiachek. Kultura hori sustatzen du, zuzendaritza-batzordeentzako hitzaldien, zuzendarien goi-bileren, datu-gelen eta laborategi praktikoen bidez, “non taldeek informazioa irizpidez interpretatzen, eskatzen eta erabiltzen ikasten duten”. Datuaren kalitatea eta gobernua ere zaintzen ditu: iturriak ikuskatzen ditu, estandarrak zehazten ditu eta fluxu seguruak ezartzen ditu, “informazioa fidagarria izan dadin eta erakunde osoan ondo administratuta egon dadin”. 

Enpresa bizkaitarrak Euskadiko, Nafarroako, Kataluniako, Andaluziako eta Madrilgo tamaina ertain eta handiko erakundeekin lan egiten du, sektore jakin batera mugatu gabe. Industria- eta automobilgintza-fabrikatzaileekin, telekomunikazio-operadoreekin, aseguru-etxeekin, retail-kateekin, nekazaritzako elikagaien konpainiekin edo banku-erakundeekin egiten du lan. 

“Estatuko gainerako lekuetan Euskal Herrian jada lortu duguna errepikatzea bilatzen dugu: Decidata adimen artifizialaren eta machine learningaren erreferente izatea lurralde osoan“, zehaztu du Gonzalo Artiachek. Era berean, produktuan oinarritutako negozio-ildo berriak bultzatu nahi ditu, balioa behin eta berriz igotzeko aukera ematen dioten heinean proiektuak osatzeko. Epe luzera, ordea, Erresuma Batuan ezarri eta Hispanoamerikako hainbat merkatutan operazioak zabaldu nahi ditu. “Gure data-driven ikuspegia bi kontinenteetako erakundeetara eraman nahi dugu“. 

Gaur egun, datu-base bektorialen eta hizkuntza-ereduen konbinazioan oinarritutako soluzioak garatzen ditu, Retrieval-Augmented Generation (RAG) izenarekin ezagutzen dena. Horiei esker, bilatzaileek gako-hitzen arabera bilatzeaz gain, lotutako kontzeptuen arabera ere bila dezakete, eta erantzunak edo testu berriak sor ditzakete, berreskuratutako barne-informazioan oinarrituta. Sistema horretaz baliatu ahal izango dira askotariko taldeek idatzitako eta irizpide heterogeneoak dituzten dokumentazio historikoaren bolumen handiak erabiltzen dituzten erakundeak, “RAG-ek gako-hitzetan soilik zentratutako bilatzaile tradizionalen mugak gainditzen dituelako”, ondorioztatu du Decidatako presidenteak. 

SPRI Taldeak enpresei laguntzen die 2024ko Adimen Artifizial Aplikatua eta Datuaren Estrategia laguntza-programaren bidez. Programa horrek Euskal Autonomia Erkidegoko konpainietan AAren erabileran oinarritutako proiektuak babesten ditu, frogapen-efektua dutenak eta Euskadin teknologia horren eskaintza eta eskaria aktibatzea ahalbidetzen dutenak, enpresei lehiakortasuna handitzeko tresnak emateko helburuarekin.    

SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu. 

Lotutako albisteak

Iori  Hontek  produktu  industrialak  esperientzia  bisual  bihurtzen  ditu
30/07/2025 Berrikuntza

Iori Hontek produktu industrialak esperientzia bisual bihurtzen ditu

Gipuzkoako estudioak irudi fotoerrealistak sortzen ditu, hainbat industria-sektoretako produktuen komunikazioa eta salmenta errazten dutenak.

Leartikerrek  elikagaien  hartzidurari  buruzko  ikerketa-proiektu  bat  bultzatzen  du
29/07/2025 I+G+B

Leartikerrek elikagaien hartzidurari buruzko ikerketa-proiektu bat bultzatzen du

Hartzidura-prozesuei buruzko ezagutza zientifiko-teknikoa sortzea da helburua, eta nekazaritzako elikagaien sektorera transferitzea, produktu osasungarriak, iraunkorrak eta balio erantsia dutenak sor daitezen bultzatzeko.

Margube  Euskadiko  erreferente  ezarri  da  energia-aurrezpenen  egiaztapenean

Margube Euskadiko erreferente ezarri da energia-aurrezpenen egiaztapenean

Aholkularitza-enpresa hau Euskadiko lehen eta Estatuan zortzigarren bihurtu da ENAC erakundearen akreditazioa lortzen Energia Aurrezkiaren Ziurtagiri Sistemaren erakunde egiaztatzaile gisa.

Recgas,  liderra  gas-instalazioetarako  ekipamenduaren  fabrikazioan
23/07/2025 Nazioartekotzea

Recgas, liderra gas-instalazioetarako ekipamenduaren fabrikazioan

Bizkaiko enpresak merkatu-kuotaren %50 baino gehiago du Espainian eta Portugalen, eta Europako, Amerikako eta Asiako herrialdeetara esportatzen ditu bere produktuak.

Telurrek  neurrira  egindako  soluzio  geotermikoen  bidez  deskarbonizazioa  bultzatzen  du
23/07/2025 I+G+B

Telurrek neurrira egindako soluzio geotermikoen bidez deskarbonizazioa bultzatzen du

Euskal enpresak eskala handiko proiektuak garatzen ditu hiri- eta industria-inguruneetarako, tokiko eraginkortasun energetikoa eta berriztagarriak konbinatuz.

Ategi:  “Lankidetzak  aise  gainditzen  ditu  erakundeen  gaitasun  indibidualak”
22/07/2025 I+G+B

Ategi: “Lankidetzak aise gainditzen ditu erakundeen gaitasun indibidualak”

Zerbitzu-enpresa, hainbat sektoretarako erosketa-prozesuan aditua, Mondragon Taldeko 15 kooperatibarekin batera hasi zen lanean duela ia 25 urte. Hortik, gaur egun 300 enpresa baino gehiago biltzera eta I+Gko hainbat proiektutan murgiltzera igaro da.

Hevea  3D-k  emultsio  industrialak  erretxina  inprimagarri  iraunkor  eta  funtzional  eraldatzen  ditu
21/07/2025 Ekintzailetza

Hevea 3D-k emultsio industrialak erretxina inprimagarri iraunkor eta funtzional eraldatzen ditu

Polymat-eko spin-off berriak kautxua edo latexa bezalako materialak 3D inprimaketarako irtenbide aurreratuetan bihurtzen ditu, BIC Gipuzkoako Ekintzaile-Txekintek programaren babesarekin.

Naruk  pazientea  entzuten  du  osasuna  eraldatzeko

Naruk pazientea entzuten du osasuna eraldatzeko

Donostian jaioa, adimen artifizialaren bidez pazientearen datu klinikoak eta esperientziakoak biltzen eta prozesatzen ditu, arreta medikoa, saiakuntza klinikoak eta ikerketa globala hobetzeko.

Igarle  Taldeak  enpresen  digitalizazioa  bultzatzeko  soluzio  berriak  garatu  ditu

Igarle Taldeak enpresen digitalizazioa bultzatzeko soluzio berriak garatu ditu

Gipuzkoako enpresa 20 herrialde baino gehiagotan dihardu, eta kudeaketa-softwarea berritu du; batez ere, industriako, logistikako eta garraioko bezeroak ditu.

SEA2LAND  proiektuak  ongarri  jasangarriak  ekoizten  ditu  arrain-lehengaietatik  abiatuta

SEA2LAND proiektuak ongarri jasangarriak ekoizten ditu arrain-lehengaietatik abiatuta

Neikerrek koordinatu du Europako proiektu hau, eta Barna euskal enpresak eta Azti zentro teknologikoak egin dute pilotua Kantauri itsasoan.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.