Teknologia berriak, marketina eta talentu profesionalaren kudeaketa Donostia Tech Week ekitaldian
Donostia Tech Week ekitaldiaren bigarren edizioa maiatzaren 9, 10 eta 11n egingo da Kursaal Jauregian, zuzenean ezagutarazteko teknologia berrien eta marketin digitalaren esparruetako azken giltzarriak. Osagarri gisa, bertan egingo da baita ere Gipuzkoa Tech Talent Forum, talentu profesionalaren kudeaketarekin lotutako gaiak lantzeko.
Antolakuntzaren helburua da tokiko ekosistema berritzailearen potentziala erakustea eta startup, enpresa eta antolakundeak garapen teknologikoaren esparruan jokatzen ari diren papera azaltzea.
Donostia berriro izango da teknologia berrien, marketin digitalaren eta talentu profesionalaren kudeaketaren euskal hiriburua, Kursaalen egingo delako Donostia Tech Week (DTW) ekitaldiaren II. edizioa. Ekitaldi horretan ezagutzera emango dira gai horien inguruko elementu berritzaileenak, 20tik gora adituren presentziarekin eta kasu arrakastatsuei buruzko azalpenekin.
Hispavista-k antolatu du ekitaldia ieTeam Consultores-en lankidetzarekin eta IK4 teknologia-zentroen, SPRIren (Garapenerako Euskal Sozietatea), Gipuzkoako Foru Aldundiaren eta Keler enpresaren laguntzarekin. Donostia Tech Week ekitaldian ahalegina egingo da eraldaketa digitala eta negozioen hazkundea azeleratzeko, konponbideak bilatuko zaizkielarik egungo eta etorkizuneko erronkei berrikuntzaren eta teknologiaren bitartez.
DTWk iraungo duen hiru egunetan hitzaldi, elkarrizketa eta mahai-inguruen egitarau erakargarri bat eskainiko da dohainik (aurrez online erregistratuta) Euskal Herriko eta Estatuko profesional ezagunen eskutik, eta gainera networking saio praktiko bat egingo da hitzaldiak amaitutakoan.
DTWren egitarau zabala
Datorren asteazkenean Aitor Cobanerak, SPRIko teknologia eta berrikuntzako zuzendariak, emango dio hasiera ekitaldiari. Lehen jardunaldia marketin digitalean zentratuko da, eta José Ignacio Simons-ek (Head of Network & Data Science HispaVista enpresan) Marketing Automation delakoari buruz hitz egingo du. Jon Elzok (GuraMarketing konpainiako kontseilari delegatuak) hizpide hartuko du nola aplikatu neuro-marketina merkatuko ikerketan.
Beste hizlarietako bat Leticia Herrero (Estrategia eta Eraldaketa Digitaleko zuzendaria AdCity Havas Group enpresan) izango da, zeinak hizpide izango baititu marketplaces deiturikoak. Bestalde, Isabel Canalesek (marketin operatiboko zuzendaria Euskaltelen) azalduko du nola definitu estrategia digital bat teknologia negozioetara egokituz.
Saioko ekitaldi garrantzitsuena 4.0 marketinari buruzko mahai-ingurua izango da; lehen aipatutako Leticia Herrero eta Isabel Canales-ekin batera, eztabaida horretan parte hartuko dute baita ere Aitziber Larumbek (Eurogap enpresako bazkide zuzendaria) eta Laura Zorrillak (Indi & Cold enpresako marketin zuzendaria).
Gipuzkoa Tech Talent forum
DTW ekitaldiaren bigarren jardunaldian talentuaren kudeaketa eta profil profesional berriak izango dira hizpide. Ana Baliña (Giza Baliabideetako Business Partner S21sec enpresan) izango da lehen hizlaria, eta Zibersegurtasun enpresen erakarpen erronkez mintzatuko da. Bart Farrell-ek (Talent Manager Ve Global enpresan) azalduko du zer egin behar den bertako eta nazioarteko talentua Euskadira erakarri eta atxikitzeko.
Talentuari eta teknologiari eskainitako mahai-inguruan parte hartuko dute Koldo Arandiak (Ibarmia enpresako zuzendari nagusiak), Juncal de Lucasek (Salto Systems enpresako Giza Baliabideetako zuzendariak), Isabel Bustok (i68 enpresako zuzendari nagusiak) eta Alberto Condek (Xabet enpresako zuzendari nagusiak). Saio horretan egingo da baita ere Gipuzkoa Tech Talent Forum enplegu foroa (aldez aurretik eman behar da izena).
DTW ekitaldiaren hirugarren eta azken saioa berrikuntzari eta teknologiari buruzkoa izango da, eta kate-blokean, machine learning-en eta datu handietan zentratuko da. Aipatzekoa da José María Callejak (IKTen merkatuko zuzendaria Tecnalian) emango duen hitzaldia, non kate-blokeen teknologiaren funtzionamendua azalduko baitu. Bestalde, Ibai Gesalagak (Finantza Pertsonaletako Coach-a EducAurum enpresan) aztergai izango du “bitcoin” txanpona ote den aro digitaleko urre berria.
Saio horretan orobat parte hartuko dute Gabriel Aldamiz-Echevarríak (modako Chicisimo aplikazioaren enpresako zuzendari nagusiak), Iker Barrenak (Hispavista Labs enpresako zuzendari nagusiak), Oscar Rubio eta Javier Añorgak (IK4 zentrokoak) eta Eduardo Jauregui Torrecillak (IRISBOND enpresako fundatzaile eta zuzendari nagusiak).
Informazio gehiagorako: www.donostiatechweek.eus
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.