Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru duen Sintop proiektuak plataforma adimendun bat garatu du etxebizitzen eraikuntzan salmentaren osteko kudeaketa optimizatzeko. “Aukera ematen du obra amaituaren gorabeherak denbora errealean erregistratzeko”, adierazi du Marta Fresco Garcíak, Construcciones Olabarriko Kalitate, Ingurumen eta Lan Arriskuen Prebentziorako Sistemaren kudeatzaileak.
Plataformak informazioa ere egituratzen du, modu adimentsuan aztertu eta kudeatzeko, “bezeroarekiko arreta hobetu eta optimizatzeko helburuarekin”, enpresa bizkaitarraren ordezkariak azaldu duenez. Gainera, Sintopek bezeroei arreta eta laguntza emateko denbora nabarmen murrizten du. “Gaur egun, Orion 18 etxebizitza eta Urdulizen 60 etxebizitza saldu osteko kudeaketarako erabiltzen ari gara”, aurreratu du Fresco Garcíak.
Sintop-ek, etxebizitzen sustapen eta eraikuntza sektoreei zuzenduta, enpresen prozesuak hobetzen ditu bi alorretan. Alde batetik, gorabeheren sarrera zentralizatzen du, eta, hala, deiak, SMSak, WhatsAppeko mezuak edo mezu elektronikoak banaka kudeatzeko beharra baztertzen du. Plataforma gorabeherak erregistratzeko komunikazio-bide bakar gisa erabiltzen denez, “erregistrorako beharrezkoak diren gutxieneko datu batzuk izatea bermatzen da, eta horrek informazio falta murrizten du”, azpimarratu du.
Gorabeherak automatikoki izendatzea
Horrez gain, gorabeheren ebaluazioa optimizatzen da, eta aurrez aurreko bisiten beharra minimizatzen da, plataforman kargatutako datuak irudi eta kokapen-xehetasun gisa erabiltzen baitira planoan. Teknikariak gorabeherak aztertu ondoren, errefusatu egiten dira baztertzen direnak, eta, gorabeherak onartuta, konpontze-prozesuak aktibatzen dira. “Automatikoki egokitzen zaio gorabehera bakoitza konpontzeko ardura duenari, eta zeregina jakinarazten zaio; hala, kudeaketa arina eta eraginkorra bermatzen da”, nabarmendu du Marta Frescok.
Construcciones Olabarrirekin batera, proiektuan beste euskal konpainia batek parte hartu du, Etxesoft Technologies & Consulting; baita BRTA aliantzako kide den Tecnalia zentro teknologikoak ere. Sintopek 700.000€ baino gehiagoko aurrekontua izan du, eta horietatik 250.000€ SPRI Taldearen Hazitek Laguntza Programak finantzatu ditu. “Esperientzia oso positiboa izan da, aukera eman baitigu gure obretan saldu osteko kudeaketa optimizatzeko plataforma garatzeko eta inplementatzeko”, aitortu du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
CAI, lehiaketan gizakiak gainditu dituen zibersegurtasunerako kode irekiko lehen framework-a
Alias Robotics euskal enpresak burutu du proiektu hori, eta EIC Accelerator Europako programaren finantzaketa izan du.
Hemolinek test anitzeko sistema portatila garatu du hemostasiaren diagnostiko azkar eta zehatza lortzeko
iLine Microsystemsek zuzendutako proiektua osasun-sektorerako dispositibo bat garatzen ari da, antikoagulatutako pazienteak tratatzeko. SPRI Taldearen Hazitek Laguntza Programaren babesa izan du.
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
EGOKIA proiektuak elkarlaneko ikaskuntza automatikoko plataforma aitzindari ziberseguru bat lortu du
Hazitek proiektu hau hamar bat euskal enpresa eta ikerketa zentrok garatu zuten, Mondragon Assembly buru zela.
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Lezama Demoliciones, eraispena ia artea denean
Trapagaranen egoitza duen Bizkaiko enpresak 30. urteurrena ospatu du Estatuko erreferente gisa eraispen industrialeko esparruan.
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.