Farmaconsulting liderra da aholkularitza farmazeutikoaren Estatuko merkatuan
Inon bada merkatu espezializaturik eta erregulazio-indize zorrotza duenik, merkatu farmazeutikoa da hori, zalantzarik gabe. Eta duela hogeita hamar urtetik Farmaconsulting enpresa arabarrak paper garrantzitsua du esparru horretan, aholkularitza farmazeutikoan espezializatuta dagoelarik. Liderra da esparru horretan, enpresaren ordezkaritza-sarera (Madril, Bartzelona, Valentzia, Zaragoza, A Coruña…) biltzen diren bere 80 profesionalen ezagutza teknikoari esker. Enpresa Gasteizko egoitza berri eta jasangarria irekitzekotan da. Eraikin aski ezaguna da, 1,4 milioi euroko inbertsioa egin dute bertan eta, Alfredo Alonso zuzendari nagusiak azaldu duenez, lan-espazioa ez ezik, topagunea eta lankidetzarako gunea ere izango da sektore farmazeutikoarentzat.
Hasi baino lehen, koka gaitezen. Zein testuingurutan sortu zen Farmaconsulting duela 30 urte?
Gure helburua zen sostengua eta aholkularitza eskaintzea gure Osasun Sistema Nazionaleko (SNS) oinarrizko agente bati, hots, agente farmazeutiko komunitarioari. Benetan sektore delikatua da gurea, erregulazioz betea, eta oso ongi jabetzen gara egoera horretaz. Horregatik, ase gabe zegoen premia bat detektatu genuen, eta erabaki genuen aholkularitza integrala eskaintzea agente farmazeutiko komunitarioari bere farmazia-bulegoaren ondare-kudeaketarako.
Eta hiru hamarkadatik gorako esperientziaren ondoren, zein da zuen enpresaren “osasuna” gaur egun?
Gure esperientzia eta gure bezero exijenteen aitortza dela medio, Espainiako onenak izatera iritsi gara, eta hori lortu badugu izan da Farmaconsulting osatzen duten pertsonen lan bikainari esker. Azken hiru urteetan urteko % 20tik gorako hazkunde-tasak erregistratu ditugu eta egun adituak gara hainbat arlotan -esaterako, finantzak, lege arloa, kudeaketaren analisia, antolakuntza eta talentua, marketina edo negoziazioa-, denak ere osagai teknologiko handikoak. Gure metodologia lagun, eta lana ulertzeko dugun moduak bultzaturik, hau da, uneoro bikaintasuna bilatzen dugularik, 7.000tik gora familiak jarri dute gugan euren konfiantza.
Farmaconsulting-ek egiten duen lana hobeto ulertzeko, azalduko zeniguke zein den zuen zeregina?
Bereizten gaituen balio-proposamena hiru baloretan oinarritzen da: eraginkortasuna, segurtasuna eta espezializazioa. Ekonomia moderno eta garatu batean, sektore handiek zerbitzu aurreratu eta sofistikatuz osatutako ekonomia bat behar dute. Eta gu eboluzio horren oinordekoak gara. Sektore farmazeutikoa eta farmazia-bulegoa erreferente absolutuak dira kudeaketaren kalitatean eta gizartearentzako zerbitzuan, eta gurea bezalako enpresak behar dituzte kudeaketan laguntzeko eta ondarearekin lotutako erabaki garrantzitsuak hartzeko.
Mintza gaitezen 2023rako proiektu handiaz, zuen egoitza jasangarria izango den horretaz. Nola sortu zen? Zer espero duzue eraikin horretatik?
Hazkunde bete-betean gaude, eta kalitate eta erreferentziazko espazio bat behar dugu gure lantaldearentzat, bai egun dugunarentzat eta bai etorkizunean etorriko direnentzat. Berrikuntza-zentro jasangarri bat sortu nahi dugu, non teknologia pertsonen zerbitzura egongo baita, eta pertsonak erdigunean. Eta zentro horretatik sektorearen zerbitzura jarriko dugu gure ezagutza guztia. Asmoa da gure eraikinean agente farmazeutikoak bilgune bat izan dezala bere elkarteekin, elkargo profesionalekin, unibertsitatearekin edo industriarekin, banatzaileekin nahiz administrazioarekin, betiere gure hiriaren eta gure gizartearen ongia bilatuz.
Nolakoa da egoitza berri hori?
Jovino Martínez Sierrak diseinatutako zentro honek 3.000 metro koadro izango ditu, eta azalera horren barruan egongo dira bai eraikina bera eta bai lorategi jasangarri bat. Obra modernoa izango da, inguruko arkitekturan guztiz integratua. Plastiko mota jakin batez eta zur birziklatuzko zuntzez (% 95) eginiko xaflak erabiliko dira fatxadan, inguruko zura imitatuz. Material horrek eguzkiaren eragina mugatuko du eta eraikin barruko premia energetikoak gutxituko ditu, argiztapen naturala ahalbidetuz.
Zein da horrelako obra baten inspirazio-iturria?
Gure asmoa zen espazio bat sortzea, gure langileek eta gure bisitariek euren zerbitzura jarritako teknologia aurreratudun eremu irekiak izan ditzaten lankidetza sustatzeko. Jasangarritasuna eta eraginkortasun energetikoa oinarrizkoak dira diseinuan, baina orobat funtsezkoa da gure lantaldearen eta bisitarien ongizatea. Horregatik aintzat hartu ditugu airearen kalitatea, tenperatura eta eguzkiaren eragina, egunerokotasuna erosoa izan dadin.
Espazio hibridoa izango dela diozue…
Multimedia teknologia oso aurreratuz hornitutako auditorio multifuntzional bat daukagu, sinposiumak, konferentziak, prestakuntza-ikastaroak edo tailerrak egiteko. Komunitate farmazeutikoko kide guztiek erabili ahal izango dute. Eraikina espazio hibrido eta domotizatua da, pertsonak erdigunean jartzen dituena eta lorategia ere zaintzen duena, zeinak ur premia gutxi baitu eta ez baitu behar motordun makinarik mantenimendu-lanetarako.
Zein toki izango du prestakuntzak egoitza barruan?
Guretzat prestakuntza funtsezkoa da gure lantaldearen garapenerako. Badaukagu Universitas Farmaconsulting unitatea, areto polibalentez osatua eta ekipamendu aurreratuz hornitua, gure prestakuntza-zentroaren operazioetarako oinarri izango dena.
Estatu mailan lan egiten duen konpainia izaki, zergatik aukeratu duzue Gasteiz enpresaren egoitza jartzeko?
Gasteiz oso toki berezia da gure antolakundean, “hazten ikusi gaituen hiria” delako. Gainera, bikaina da gure berrikuntza-zentro jasangarri berria eraikitzeko bere baloreengatik, inguruneari dion errespetuagatik, eta berrikuntza eta hazkunde teknologikoaren alde egin duen apustu irmoagatik. Era berean, harro gaude guk ere lagunduko diogulako hiriari hazten jarraitzen eta aitzindari izaten ongizatean, jasangarritasunean nahiz berrikuntzan.
Noiz zabalduko dituzue ateak?
Lehen harria jarri dugu; espero dugu proiektua amaiturik egongo dela urtearen bukaeran, eta erabat operatibo 2024ko udaberrian, betiere dena aurreikusi bezala badoa.
Lotutako albisteak
Hemolinek test anitzeko sistema portatila garatu du hemostasiaren diagnostiko azkar eta zehatza lortzeko
iLine Microsystemsek zuzendutako proiektua osasun-sektorerako dispositibo bat garatzen ari da, antikoagulatutako pazienteak tratatzeko. SPRI Taldearen Hazitek Laguntza Programaren babesa izan du.
EGOKIA proiektuak elkarlaneko ikaskuntza automatikoko plataforma aitzindari ziberseguru bat lortu du
Hazitek proiektu hau hamar bat euskal enpresa eta ikerketa zentrok garatu zuten, Mondragon Assembly buru zela.
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.