Altran: “Gure fakturazioaren %7 bideratzen dugu I+G-ko proiektuetara”
Euskadin hiru egoitza dauzkan ingeniaritza honek hainbat ekimen apurtzailetan parte hartzen du, besteak beste, hauetan: etorkizuneko hegazkin elektrikoa edo Hyperloop delakoa, orduko mila kilometroko abiaduran hegan egingo duen tren enkapsulatua
Altran ibilbide luzeko eta esperientzia handiko multinazional bat da, aholkularitza industrialaren eta ingeniaritzaren arloetan lan egiten duena. Mundu osoko 50.000 pertsona enplegatzen ditu eta presentzia dauka 30 herrialdetan. Euskadin presente dago Araba, Bizkaia eta Gipuzkoako teknologi parkeetan, non Iñigo Ezquerra -Aeronautika, Espazio eta Defentsa Saileko I+G-ko zuzendaria- ahaleginetan ari baita elkarrekin kohesionatzeko goi-mailako berrikuntzako proiektu ugaritan lanean ari den bere menpeko ingeniari ejertzitoaren talentua. Ekimen horiek globalak eta izugarri anbiziotsuak dira, hala nola, motor elektrikoek propultsatutako hegazkin bat, orduko mila kilometroko abiadura gainditzeko gai den tren enkapsulatu bat (Hyperloop) edota zeppelinen antzeko globo bat, 20 kilometroko garaieran etengabe ainguratuta egongo dena, eta datu, irudi eta aurreikuspen zehatzak emango dituena urte osoan zehar. Sekula ez da halakorik egin orain arte plataforma handien arloan. Etorkizun handiko proiektuak dira, kasu askotan euskal talentuek sinatuak.
Noizbait ohartarazi duzu enpresa eta gizarte gisa aurrera egiteko modu bakarra dela apustu irmoa egitea I+G-ko politiken eta programen alde, nahiz eta badakigun kontzeptu hori sarriegi erabili izan dela…
Bai eta berdin pentsatzen jarraitzen dugu, Berrikuntza eta Garapen arloan egin izan dugun lanak halaxe erakutsi digulako. Horregatik Altran enpresak bere ADNan dauka I+G-a. Azken bost urteotan bultzada handia eman dio arlo horri eta teknologia gorakorrei, horretara bideratuz urteko fakturazioaren %7.
Zein helbururekin?
Aztertzeko zein izan daitekeen gure sektorearen (Aeronautika, Espazioa eta Defentsa) etorkizuna eta orobat abian jartzeko etorkizuneko erronka horiei aurre egingo dieten proiektu eta ekimenak, horrela prest egongo garelako guztiz lehertzen direnean. Proiektu horietako batzuk dira 4.0 Industria, motor elektrikoek propultsatutako hegazkinak, globoak, nano-sateliteak, dronak…
Zenbateraino kezkatzen zaituzte hegazkinek sortzen duten kutsaduraren aurkako jazarpen sozialak?
Egia da gizartea gero eta kontzientziatuago dagoela karbono aztarnaren inguruan, hori argi gelditu da berriki Madrilen egin den klimaren gailurrean eta, aeronautika sektorea, arazoan inplikatutako alderdia izaki, jabetzen da errealitate horretaz. Hain zuzen, une honetan Europan daukagun I+G programa garrantzitsuenak Clean Sky (zeru garbia ingelesez) du izena eta bere helburua da sakon aztertu eta lantzea karbono aztarnan inpaktua izan dezaketen hegazkineko sistema guztiak. Europar Batasuna eta sektorea bera bat datoz: ingurumenarekin konprometitutako hegazkin gero eta eraginkor eta jasangarriagoak behar ditugu zeruan. Eta horretan ari gara lanean.
Beste kontinente batzuek ere badute Europan daukagun sentsibilitate sozial hori?
Bai, jakina. Hegazkin fabrikatzaile garrantzitsuenak amerikarrak (Boeing), europarrak (Airbus) eta asiarrak dira, eta aeronautikaren industria globala den bezala, industria honen inguruko erronka eta kezkak ere globalak dira.
Norvegiak berriki iragarri du bere aireko espazioan sartu nahi duten hegazkin guztiek elektrikoak izan beharko dutela 2030erako…
Hala da, bai. Zalantzarik gabe, munduko herrialde berritzaileenetako bat bihurtu da zentzu horretan, edo gutxienez, aireko erregulazioaren arloan indar gehien egiten ari dena. Halaber, egia da Norvegiako abiazio sektorea txikia dela, baina neurria apurtzailea da, eta azkenean eragina izango du hain komertzialak ez diren beste hegazkin modelo batzuetan, hau da, hegazkin txikiagoetan, zeintzuk ahalegin handi bat egiten ari baitira energia elektrikora igarotzeko.
Laster ikusiko al ditugu hegazkin elektrikoak?
Motor konbentzionaletatik elektrikoetara pasatzeko prozesu hori eztabaida benetan interesgarria da, baina uste dut, ikuspuntu teknologiko batetik, ez dela egingarria epe laburrean. Seguru asko lehenago ikusiko dugu sistema hibridoren bat…
Hyperloop proiektuan ere parte hartu duzue. Dagoeneko etorkizuneko trena deitzen zaio, propultsio sistema harrigarria duelako eta sekulako abiadura har dezakeelako, orduko mila kilometro ingurukoa. Nola parte hartu du Arabako Teknologi Parkeko zuen bulegoak garapen harrigarri honetan?
Duela zazpi urte Elon Musk mezenas handiak (besteak beste, TESLA eta Space X enpresen fundatzaileak) Hyperloop-aren erronka bota zuenetik, munduan sei proiektu/startup ari dira lanean tren hori, askok bosgarren garraiobidea deitzen dutena, errealitate bihurtzeko. Gure kasuan, proiektu honetan inplikatu den Espainiako startup bakarrarekin egiten dugu lan, Valentziako Zeleros enpresarekin, alegia. 2016an hasi ginen elkarrekin lanean, propultsioarekin, aerodinamikarekin, trenaren lebitazioarekin edo hoditik eguzki energiaren bidez propultsatzeko sistemarekin lotutako alderdiak lantzeko.
Proiektu teorikoez ala errealez ari gara?
Guztiz errealak dira, hau ez da zientzia fikzioa. Airbus benetako hegazkin elektriko baten eskalako prototipoa egiten ari da, 2021ean hegan ikusiko duguna; badago, orobat, 1:3 eskalan eginiko hiru kilometroko entsegu-hodi bat, datorren urtean inauguratuko dena tren ia supersonikoarekin (Hyperloop) probak egiten hasteko…
Globo edo zeppelin baten proiektu bat ere aipatu duzu, Altran-ek Garaiera Altuko Plataforma deitzen duen arloko proiektua. Zertan datza?
Gure proiektuak Ecosat du izena eta eguzki energiarekin dabilen globo autonomo bat da, zeppelinen estilokoa. Hogei bat kilometroko garaieran jarrita egongo da, estratosferaren hasieran, klimaren eta aireko trafikoaren gainetik. Globoak urtebete egingo du garaiera horretan ainguraturik, eguzki energia baliatuz. Nobedade handiena da etengabeko irudi eta komunikazioak izan ditzakegula urte osoan zehar 24 orduz. Hori oso baliagarria izango litzateke hondamen naturalak gertatzen direnean, adibidez, suteak, uholdeak edo Puerto Ricoko urakana bezalako hondamendiak, non Googlek antzeko proiektu bat abiarazi baitzuen (Loon proiektua) eta harekin lortu baitzen urakanaren osteko lehen argazkia.
Lotutako albisteak
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.