4.0 Industria, aluminioaren injekzio-prozesuak optimizatzeko
Eusko Jaurlaritzaren Elkartek programak bultzatutako SMAPRO proiektuak sentsorikaren nahiz datu-atzipenaren ezarpenean egindako aurrerapausoak partekatu ditu
Fabrikazio aurreratuak eta 4.0 teknologiek industria-manufakturako prozesuak optimizatzen lagun dezakete, eta testuinguru honetan, SMAPRO proiektu kolaboratiboa garatu da. Apirilaren 4an, proiektu horretan emandako aurrerapausoak aurkeztu zituzten, “4.0 fabrikazio adimendunerako gaitzeko teknologiak” izenburuko jardunaldi teknikoaren barruan.
Topaketa Aeronautikako Fabrikazio Aurreratuko Zentroaren (CFAA) instalazioetan antolatu zen, eta bertan, Eusko Jaurlaritzaren Elkartek programak bultzatutako ekimen honen emaitzarik garrantzitsuenak eman zituzten ezagutzera, sentsorikaren nahiz datu-atzipenaren ezarpena bezalako azterketa-kasuen bitartez.
