Low Carbon and Circular Economy Business Action (LCBA) proiektua: aukera bat teknologia berdeak Amerikan saltzeko
Low Carbon and Circular Economy Business Action in the Americas (LCBA) proiektua Europako Batzordeak ko-finantzatutako ekimen bat da, “Green Deal” akordioaren barruan kokatzen dena. Bere helburua da ekonomia zirkular bateranzko trantsizioa sustatzea, karbono-isuriak murriztea Latinoamerikako hainbat herrialdetan eta Kanadan, eta Europako enpresen nazioartekotzea sustatzea Amerikako kontinentean.
Basque Trade & Investment-ek, SPRI Taldean integratutako Nazioartekotzeko Euskal Agentziak, laguntza ematen dio IDOMek gidatutako partzuergoari proiektu hau gauzatu dezan Brasilen, Argentinan, Kolonbian eta Txilen, aukera honen berri emanez interesatuta egon daitezkeen enpresa guztiei.
Proiektu hau plataforma bezala gauzatuko da, Europako eta Latinoamerikako enpresen arteko teknologia berdeen salerosketako negozioak sortzeko sektore estrategiko hauetan:
- Energia berriztagarriak.
- Nekazaritza, abeltzaintza eta basozaintza
- Hondakinen kudeaketa
- Eraginkortasun energetikoa eta prozesu industrialetako isurketen murrizketa
- Mugikortasun jasangarria
- Ekonomia zirkularra
Ekimen europar hau oso interesgarria izan liteke gaur egun Brasil, Argentina, Kolonbia eta Txilera esportatzen duten edo herrialde horietan kokatuta dauden 500 langile baino gutxiagoko euskal enpresentzat, aukera izango baitute LCBAko lantaldeak dohainik eskainitako kontaktu-sareaz, neurrira eginiko laguntza teknikoaz eta ekitaldiez baliatzeko, eta hartara, era askotako proiektuak garatzeko euskal enpresen eta tokiko enpresen artean. Zehazki, enpresa interesatuek zerbitzu hauek eskuratu ahal izango dituzte:
Proiektuak xeheki jasoko ditu gorago aipatutako herrialdeetako enpresen behar eta eskaera teknologikoak, eta eskaera horiek ase ditzaketen Europako enpresen bilaketa bat egingo du. Behin identifikatu ondoren beharra eta balizko hornitzailea, LCBAko lantaldeak berak egingo du “match”-a, eta proiektua edo salerosketa prestatuko du elkarlanean: batetik, euskal enpresa hornitzailearekin eta, bestetik, aipatu diren herrialde latinoamerikar horietako enpresa eroslearekin.
Bideragarritasun handiena duten eta inpaktua izateko aukera gehien duten proposamen bateratuek laguntzak jaso ahal izango dituzte: gehienez 25 eguneko laguntza teknikoa eurek nahi duten alderdiei buruz (bideragarritasun tekniko edo komertzialeko azterketak, inportaziorako baldintza legalak, lizentziak, finantza arloko coacing-a…).
Enpresa interesatuak LCBAko lantaldearekin harremanetan jar daitezke helbide honetan: latam@lowcarbonbusinessaction.com
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz