Ojmar enpresaren arrakasta, munduko liderra kutxatiletarako sarrailen sistema adimendunetan
Eibarren sortu eta gaur egun Elgoibarren (Gipuzkoa) kokatua dagoen enpresa hori suzko armak fabrikatzen hasi zen duela 99 urte, eta gaur egun teknologia eta produktu eboluzioaren eredu argia da.
“Enpresa industriala izatetik puntako konpainia teknologiko izatera igaro gara” dio Ramón Gabikagogeaskoa zuzendari kudeatzaileak
Ojmar enpresa, 1919an Eibarren sortua eta 1998tik Elgoibarren kokatua, teknologia eta produktu eboluzioaren eredu argia da. Duela ia 100 urte hasi zen suzko armak fabrikatzen, baina denborarekin kutxatiletarako sarrailen sistema adimendunetan espezializatu da, arlo horretako munduko liderra izatera iritsi delarik. 2008an abiatutako krisiak behartu zuen nazioartekotzearen aldeko apustua egitera, eta gaur egun atzerrian kontzentratzen da bere fakturazioaren %75. “Enpresa industriala izatetik puntako konpainia teknologiko izatera igaro gara” dio enpresako zuzendari kudeatzaile Ramón Gabikagogeaskoak.
Pedro Arriola presidenteak gogora ekarri du Ojmar 1919ko urtarrilaren 1ean sortu zela, Basilio Markaide eta Francisco Ojangurenen eskutik. Sasoi hartako Ojanguren y Marcaide enpresak izen horri eutsi zion 1990era arte, eta urte hartan hartu zuen Ojmar izena, bi fundatzaileen inizialekin osatua.
Negozioaren bilakaerak hainbat fase izan ditu. Enpresa suzko armak fabrikatzen eta erosten hasi zen 1919an. 1928an, berriz, akziodunak aldatu zirenean, sarrailak eta erremintak ekoizten hasi zen. 1945ean, kanpoko beste bazkide bat sartzeaz batera, sarrailez gain, orobat sartu ziren aire konprimituzko karabinak eta josteko makinak. Garai hartan Espainian zegoen Ojmar enpresaren merkatu osoa.
1955etik 1970era autoentzako osagaiak ere fabrikatu zituen, hala nola, gasolina tapentzako sarrailak, autoetako leihoak irekitzeko biraderak edota urruneko aginteak. 70eko hamarkadan hasi zen higiezinetarako sarraila mekanikoak ekoizten, eta 2000. urtean sartu zen elektronikaren munduan. Gaur egun, Ojmar enpresak sarraila mekanikoak fabrikatzen ditu altzarietarako, eta ixte-sistema mekatronikoak Fitness zentroetarako, espazio termo-ludikoetarako eta bulego-eraikinetarako.
“Kutxatiletan, bulegoko altzarietan eta altzari berezietan (erremintentzako armairuak industriarako) espezializatuta gaude” diote presidenteak eta zuzendari nagusiak. Haririk gabeko RFID sarraila da enpresaren produktu izarra, mundu osoan aitzindari dena. “Wifi sarearekin funtzionatzen du, eta sarea erortzen bada funtzionamendu sistema autonomo bat du kutxatila bakoitzean, berau ireki edo ixteko. Dozena bat bezerori instalatu diogu sarraila hori Espainian, Europan, Estatu Batuetan eta Australian”. Sistema horrek badu abantaila handi bat, alegia, ez duela kablerik behar eta, beraz, mantenimendu-kostuak txikiagoak dira. Horrez gain, denbora errealeko informazioa ematen du, eta erreporte konfiguragarriak ere bai, instalazioa hobeto kudeatu eta optimizatzeko.
“Ojmar enpresak 118 langile ditu eta, behin gainditu ondoren 2008ko atzeraldi ekonomikoa, une honetan 17 milioi euro inguruko fakturazioa du, %14ko hazkundea izan duelarik 2016arekin alderatuta. Gainera, espero dugu 2018an %10 inguru haziko garela”, “40 milioi inguruko salmentak izan nahi ditugu bost urteko epean” adierazi du Ramón Gabikagogeaskoak. Atzeraldi ekonomikoa baino lehen, produkzioaren %80 sarraila mekanikoak ziren eta %20 baino ez ziren elektronikoak. Esportazioa, berriz, %25ekoa zen. Gaur egun, sarraila mekatronikoak produkzioaren %60 dira (gainerako %40a mekanikoak), eta fakturazio osoaren %75 esportazio bidez lortzen da.
“Gure ikuspegiaren arabera, garrantzi handia dute produktuaren, teknologiaren eta merkatuaren garapenak, eta balio-eskaintza pertsonalizatuak” gaineratu du. “Apustu egin dugu balio erantsiko produktuaren eta garapen teknologikoaren alde, abangoardian egon nahi dugulako”. Horretarako funtsezkoa izan da espezializatzea eta kutxatiletarako eta bulegoko altzarietarako ixte-sistemen negozioan zentratzea.
Salmenten %10 I+G-ra bideratzen da
2007ra arte bulego teknikoa zena I+G-ko departamendu propio bihurtu da. Presidenteak azpimarratu du salmenten %10 I+G-ra bideratzen dela, hau da, bi milioi euro inguruko inbertsioa egiten dutela I+G-n. Zuzendari kudeatzaileak nabarmendu du jabeak erabakigarriak izan direla enpresaren arrakastan, “krisi garaian apustu egin zutelako teknologiaren, berrikuntzaren eta merkatuko garapenaren alde”.
Ojmar-ek Elgoibarko lantegian fabrikatzen ditu produktu guztiak. Horrez gain, biltegidun filial komertzial bat du Estatu Batuetan, bulego komertzial propioak ditu Australian, Dubain, Alemanian, Shangain, Frantzian eta Ingalaterran, eta presentzia du beste herrialde batzuetan ordezkarien edota banatzaileen bitartez. “Bertako teknologi zentroekin ere kolaboratzen dugu, besteak beste Tekniker eta Tecnaliarekin, eta hainbat lankidetza akordio dauzkagu Estatuan zein nazioartean diseinu industrialaren eta garapen teknologikoaren arloetan”.
Esan bezala, Ojmar-ek Elgoibarko lantegian zentratu du bere produktuen produkzioa, enpresarentzat garrantzitsua delako produkzioaren know-how-a eta hornitzaile estrategikoen kudeaketa mantentzea, eta oraindik ere Europa delako bere merkatu potentziala. “Produktu teknologikoa da elementu garrantzitsuena, eta hemen eduki behar dugu. Euskadin garatu eta fabrikatuko ditugu produktu teknologikoak”.
Etorkizunean ezinbestekoa izango da beste sektore batzuetan sartzea. “Dagoeneko bulegoak ez dira espazio zehatzak, baizik eta birtualak; jendea toki eta herrialde desberdinetara joaten da, eta ez du bulegorik behar lanerako, baizik eta gauzak uzteko kutxatila bat (hot desking deitzen zaio horri). Sektore horretan sartu nahi dugu”. Zuzendari kudeatzaileak adierazi du bere sektorearen kudeaketa erabat aldatu dela. “Kutxatilak ireki edo ixteko modua egokitu egiten da sektore, merkatu edo pertsona bakoitzaren arabera. Eta datuak ematen ditu”. Ojmar-en nazioarteko irismenaren adierazgarri, bere bezeroen artean daude Virgin Active, Go-Fit edo Bannatyne Fitness kateak, American Express, Ernst Young edota Thomson Reuters bulegoak, eta Deutsche Bank eta American Express bankuak.
Elgoibarko lantegia 4.0 Industriara egokitzeko automatizazio prozesuan murgilduta dago. “Kudeaketa-sistema produktuaren eta merkatuaren premia berrietara berregokitzen ari gara, eta sistemak automatizatzen ari gara barneko eraginkortasuna eta produktuaren fidagarritasuna hobetzeko” azpimarratu du Gabikagogeaskoak. 2019an, enpresaren 100. urteurrenean, Ojmar-ek helburutzat izango du I+G eta Marketin sailak zabaltzea.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz