Newtek Sólidos, atzerrian eta estatuan 300 proiektu baino gehiago dituen solteko lehengaik manipulatzen dituen enpresa
Newtek Sólidos hautsezko eta solteko lehengaietara bideratutako instalazioak diseinatzen, fabrikatzen, muntatzen eta martxan jartzen dituen enpresa da. Bere instalazioek materialak maneiatzeko, biltegiratzeko, garraiatzeko eta dosifikatzeko balio dute, eta altzairu komertzialeko siloak, garraio pneumatikoa, desaireztapen-iragazkiak, torloju amaigabeak, albeolarrak, etab bezalako ekipamendua dute. Bere lana altzairugintza eta galdaketa, zeramika edo trenbidea bezalako sektoreetan ematen da. Zumaian (Gipuzkoa) du bere egoitza, eta 16 langile ditu.
35 urteko ibilbidean, Newtek Sólidosek 500 instalazio baino gehiago ezarri ditu, horietatik 300 baino gehiago atzerrian. Besteak beste, Errusian, Alemanian, Mexikon, Brasilen, Australian eta Txinan proiektuak jorratu ditu.
Trenbide-sektorean, Newtek enpresak hondar-hornigailu finko eta mugikorrak eskaintzen ditu. Hornigailu horiek harea hornitzeko balio dute, tranbietan, lokomozio-makinetan eta trenetan hondargailuak automatikoki kargatzeko. Gipuzkoako enpresak sektore honetan dituen bezero garrantzitsuenak CAF, Siemens Mobility eta Euskotren dira. Bestalde, galdaketaren eta siderurgiaren sektorean elementu osagarriak eskaintzen ditu, hala nola hare-berogailuak, produktu kimikoen dosifikatzaileak edo ur-dosifikatzaileak. Hainbat motatako gehigarrien injektoreak ere eskaintzen ditu, altzairua fabrikatzeko prozesuan funtsezkoak direnak. Sektore honetako Newteken bezero nagusiak Sidenor, Global Steel eta Betsaide dira.
Zeramikaren sektorean, berriz, ‘bidaltzaile’ pneumatikoak, koloratzaile-dosifikatzaileak eta ur-dosifikatzaileak eskaintzen ditu, eta Roca, Geberit edo Reviglass bezalako bezeroak ditu. Sektore horiez gain, Newtek enpresak presentzia du industria kimikoan, elikadura-industrian edo kosmetikoen industrian, besteak beste. “Ia edozein industria-jardueratan, baliteke noizbait material hauts bat garbi manipulatu behar izatea langileen bizi-kalitatea hobetzeko”, adierazi dute Gipuzkoako enpresaren arduradunek.
Newtek Sólidosek dituen etorkizuneko planen artean, bere lan taldea handitzea da helburu nagusiena, “gure instalazioen kalitatea eta ikerketa hobetzeko asmoa baitugu”, azpimarratu dute enpresatik.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.