Mundu osora heltzen diren manipulazioko industria-ekipoak egiten ditu Stemmek Euskadin
Ontziratu gabeak eta hondakinak manipulatzeko olagarroak, pintzak eta koilarak. Horixe da Stemmek diseinatu eta fabrikatzen duena Hernaniko instalazioetan 1984tik. Siderurgiako, itsasoko, zementu-fabriketako edo ingurumeneko sektoreetarako egiten du lan. Ia 40 urteko jarduerak munduko erreferenteetako bat izatera eraman du bere sektorean. Izan ere, bere produktuak Estatu Batuetan, Indian, Australian, Hegoafrikan, Frantzian, Kolonbian, Argentinan eta Saudi Arabian aurki daitezke, besteak beste.
Liebherr, Arcelor Mittal, CAF, Verlinde, ABUS edo GH Cranes & Components bezalako enpresentzat egindako lanekin, Hernaniko (Gipuzkoa) enpresak bere ekipo guztien diseinu eta fabrikazio integrala burutzen du:, galdaragintza, mekanizazio, muntaketa eta ekipo oleohidraulikoen fabrikazioa. Ekipo eta osagaiek, beti funtsezko hiru kontzeptu bateratzen dituzte, hala dio Martin Amesti Aramburu Stemmeko zuzendari nagusiak: “Gure produktuetan beti uztartzen dira egiturazko sendotasuna, manipulazio eraginkorrerako potentzia elektrikoa eta hidraulikoa eta gutxieneko mantentze-lanak“.
Horretarako, enpresak I+G+Bren aldeko apustu sendoa egiten du, “funtsezko elementua Stemmen”, Amestiren esanetan. “Ingeniaritzako eta I+G+b arloko gure zerbitzuei esker, proiektu teknologiko aurreratuak garatu ditugu, gero eta aldakorragoak diren sektoreen behar ugariei erantzuteko”, azpimarratu du Amestik.
Apustu horretatik sortzen da, adibidez, bere ‘GILTZURRUN’ sistema autofiltratzailea. “Sistema berritzailea da, eta hondakinetarako olagarroetan eta zementurako eta klinkererako koilaretan integratzen da. Ez da mantentze-lanik behar, eta automatikoki garbitzen da makinaren motorra martxan dagoen bitartean, langileen esku-hartzerik behar izan gabe. Horrek zirkuitu hidraulikoaren muturreko garbiketa bermatzen du, matxurak eta gorabeherak ahalik eta gehien murriztuz; olioaren errendimendu handiagoa lortzeaz gain, 4.000 orduko funtzionamendua gainditzen baitu“, azaldu du zuzendari nagusiak.
Beste aurrerapen bat funtzionamendu-abiadura automatikoki manipulatu beharreko materialaren baldintzen arabera egokitzen duen sistema da, eta hori “bereziki baliotsua da siderurgia-industrian”, Stemmeko zuzendari nagusiaren arabera. “Energia hidraulikoaren eta elektrikoaren konbinazioak lan-zikloak % 50 handitzea ahalbidetzen du, energia elektrikoaren eguneko kostuak murriztuz“, gehitu du.
Digitalizazioa eta produktu berriak
I+G+Bri digitalizazioa gehitzen zaio, GRAB CONNECT sistemaren bidez. Munduko edozein lekutan olagarro, koilara eta pintzen urrutiko kontrola ahalbidetzen du. Sistema horrek funtsezko datu teknikoak ematen ditu, hala nola presioak, tenperaturak, intentsitate-kontsumoak, egindako maniobren kopurua, eta abar. Horrez gain, diagnostikoak eta mantentze-tratamendu prebentiboa egiten ditu. “Informazio horri guztiari esker, bezeroak zuzenketa- edo eguneratze-eragiketa guztiak ezar ditzake, lanak hasten direnean dena erabat kontrolatuta egon dadin eta ustekabeak gertatzeko aukerarik egon ez dadin”, zehaztu du Amestik.
Duela gutxi, Stemmek bere produktuen katalogo zabala zabaldu du, zementu-industriarako berariaz diseinatutako koilara elektrohidraulikoak merkaturatuz. “Prestazio eta ezaugarri handiak eskatzen dituen sektorea da, urradura, higadura, kolpe eta tenperatura altuen ingurumen-egoera latzei aurre egiteko”, azaldu du Amestik. “Horrela, gure bezeroek duten premia horri erantzun nahi diogu proposamen berri honekin”.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
