Loramendi, atzerrian presentzia nabarmena duen galdaketa-sektoreko enpresa
Loramendi S.Coop. enpresaren egoitza nagusia Gasteizen dago, eta galdaketa-sektorerako soluzio osoak eskaintzen ditu. Zehazkiago, Gasteizko kooperatiba harea-arrak ekoizteko instalazioan espezializatuta dago. Bere bezeroen % 70 baino gehiago automobilaren eta ibilgailu industrialaren sektorean aritzen dira, BMW, Daimler edo Volkswagen bezalako enpresa nabarmenak adibidez, eta gainerako bezeroak hainbat sektoretan aritzen dira, hala nola azpiegitura edo trenbide sektoreetan.
Lantegi nagusia Gasteizen duen arren, 170 langilerekin, Mondragon Taldeko kidea den enpresak filial ugari ditu mundu osoan zehar banatuta: Alemanian, Frantzian, Errusian, Estatu Batuetan, Mexikon, Txinan, Indian eta Hegoafrikan. Filialez gain, merkataritza-agenteak ere baditu Brasilen, Turkian, Thailandian eta Japonian, besteak beste.
Nazioartekotze-prozesu hori Loramendiren ardatzetako bat da, nazioarteko filial bat izan zuen lehen euskal industria-enpresetako bat baita, Alemanian, 1985ean hain zuzen ere. Gaur egun, esportazioek garrantzi handia dute, lanaren % 95 atzerrira zuzenduta baitago.
Nazioartekotzeaz gain, kooperatiba hau berrikuntzaren, eraldaketa digitalaren eta ekintzailetzaren aldeko apustua egiten ari da, 3D printing, 4.0 industria eta metalaren fabrikazio gehigarriarekin lotutako proiektuekin. Bere soluzioen eko-diseinuan ere jartzen du arreta, Ihobe elkarte publikoarekin elkarlanean, Green proiektuetan eta mikrouhin bidezko lehortze-proiektuetan parte hartuz.
“Automobilgintzaren merkatua paradigma-aldaketa batean murgilduta dago. Izan ere, elektrifikazioa eta mugikortasun autonomoa aukera eta mehatxu berrien agerpena eragiten ari dira”, adierazi du Andoni García Loramendiko marketin arduradunak. Horregatik, Arabako enpresak teknologia berrietan eta 4.0 Industriaren inplementazioan aukera berriak antzematen ditu. “Fabrikazio gehigarriaren barruan, mundu-mailako primizia den joera horretan lan egiten dugu: ICP proiektua, hondar-arrak gehitzeko fabrikazio-gaitasun handiko instalazio bat”, azpimarratu du Andoni Garcíak.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz