JETRO KOBEko ordezkaritza japoniar bat Euskadi zeharkatu du eta euskal Food Tech sektorean interesa erautsi du
JETRO, Japoniako Kanpo Merkataritzako Erakundea, Japoniaren eta munduko gainerako herrialdeen arteko elkarrekiko merkataritza eta inbertsioa sustatzeko lan egiten duen gobernuarekin elkarlanean dabilen erakundea da. Jatorriz 1958an ezarri zen, Japoniak atzerrirako esportazioak sustatzeko. Gaur egun, JETROren ikuspegi nagusia Japonian atzerriko zuzeneko inbertsioa sustatzera bideratu da, baita tamaina txikiko eta ertaineko enpresei beren ahalmenak maximizatzen laguntzera ere.
1.512.033 biztalerekin, herrialdean biztanle gehien dituen zazpigarren hiria da Kobe, Japoniako gune ekonomiko garrantzitsuenetako bat: nazioarteko ehun konpainia handik baino gehiagok dute Asiako edo Japoniako egoitza bertan. Gaur egun, JETRO KOBE elikaduraren arloko berrikuntzarekin lotutako sektore bat garatzen ari da (Food Tech), eta, horregatik, BasqueTradek Japonian duen bulegoaren bidez, ‘Food for Future’ nazioarteko ekitaldia sustatu da, 2020tik Bilbao Exhibition Centerren egiten ari dena.
Hori dela eta, enpresa eta erakunde ordezkaritza bat Euskadin izan da, Euskadiko elikadura-ekosistema berritzailea, sektorearen politikak eta bi herrialdeentzako aukera posibleak aurrez aurre ezagutzeko; bisita hau, Nekazaritzako, Arrantzako eta Elikagai Politikako Sailburuordetzaren eta Basque Trade & Investment-en artean koordinatua izan da.
ARABA
Topaketa eta bilera ugarien artean, Japoniako ordezkaritzak HAZIk Arkautinen (Araba) dituen instalazioak bisitatu zituen, Mentzia Otxoa de Zuazola Fundazioko Ekintzailetza eta Berrikuntza zuzendariarekin batera. Arabako herri horretan bertan NEIKER Nekazaritza Ikerketa eta Garapenerako Euskal Erakundearen Granja Modeloa dago. Bertan, sektorearen lehiakortasuna hobetzera, ingurumena zaintzera, gure espezie eta arraza autoktonoak kontserbatzera eta elikagaien segurtasuna bermatzera bideratuta dagoen nekazaritza, abeltzaintza eta basogintza sektoreetan egindako lana ezagutzeko aukera izan zuten.
Eta Arabako lurraldearen barruan ere, UDAPA kooperatibak, nekazariek, enpresaburuek eta helburu komunak dituzten langileek osatutakoa, ordezkaritzaren bisita jaso zuen, patatak ekoizteko, manipulatzeko eta merkaturatzeko prozesuen berrikuntzan, hobekuntzan eta profesionalizazioan duen ezagutza eta esperientzia erakusteko.
Mahastizaintzaren eta ardogintzaren mundua da Arabako Errioxan gizartearen, kulturaren eta ekonomiaren ardatza. Asiako ordezkaritzak berezitasun hori dastatu zuen Eguren Ugarte Upeltegietan, El Fabulista eta Villa Lucíako turismo-gune tematiko historikoetan.
BIZKAIA
Bidaia japoniarrak Txorierrin jarraitu zuen, eta AZTIk eta Basque Food Clusterrak Derion dituzte instalazioetan. Zientzia eta teknologiari eskainitako AZTI zentroak, Basque Research & Technology Alliance (BRTA) barruan dagoena, eragin handiko eraldaketa-proiektuak garatzen ditu 2030erako Nazio Batuen GJHekin lerrokatutako erakundeekin. Bestalde, Klusterrak elikagaien sektorea dinamikoa, sortzailea, berritzailea, bikaina, nazioartekotua, jasangarria, lehiakorra eta enplegu eta aberastasun sortzaile gisa aitortua izan dadin lan egiten du.
Bidai agenda bizi hau Zamudion eta Bermeon kokatutako bi enpresatan amaitu zen: Lehena Biolanen, enpresa honek metodo analitikoak eta diagnostikoak garatu, fabrikatu eta merkaturatzen ditu, biosentsoreetan oinarrituak nagusiki, elikagaien kalitatearekin eta segurtasunarekin eta osasunarekin lotutako molekulak detektatu eta kuantifikatzeko. Azkenik, Echebastarren, tunidoen euskal arrantza-enpresan, bukatu zuten bere Bizkaiko bidaia. Bermeon du egoitza konpainia honek, eta 6 atunontziz osatutako flota dauka, arrantza jasangarria, arrantza-produktuen erabilera arduratsua eta ingurumenarekiko kezka handia sustatuz.
GIPUZKOA
Tolosan, talde japoniarra Casa Eceizaren gozotasunak ezagutu zituen, zapore gozoaren mendeurrena, bere sorkuntza bakoitzean kalitate gorena eskaintzen duten hainbat belaunaldiren ahaleginak biltzen dituena. Angulas Aguinaga ere mugarri garrantzitsua izan zen Gipuzkoako ibilbidean, kalitate handiko arrain eta itsaskiak saltzen dituen enpresa berritzaile baten soluzio eta produktu berriei aplikatutako berrikuntza ezagutzeko.
Japoniar ordezkaritza honek ezin zuen Gipuzkoa utzi Basque Culinary Center ezagutu gabe, ezta Donostia San Sebastián Gastronomika Congress ere, egun horietan bertan taldearen bisitarekin bat zetorrena. Eta eta, ziur aski, harrituta geratu zen lehenengo kasuan izan zuen garrantziagatik eta lehiaketan bildutako bikaintasun eskaintza handi eta askotarikoagatik.
Lotutako albisteak

Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.

Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.

Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena

Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat

Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.

BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan

Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura

Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.

Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin

Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz