Albisteak 12 Marzo, 2025

Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”

Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
-

Elkargune honen baitan, AEBko industria aeroespazialari buruzko esperientziak trukatu dituzte, bai eta merkatu estrategiko horretan Euskadik duen presentzia indartu ere

Gaur, sektore aeroespazialeko euskal enpresekin eta Basque Trade & Investment (BT&I) Nazioartekotze Agentziako ordezkariekin bildu da Imanol Pradales Lehendakaria, Washingtonen. Batzar hauetan Estatu Batuetako industria aeroespazialari eta euskal ekosistema aeronautikoari buruzko esperientziak eta ezagutza trukatu dituzte; horretaz gain, merkatu estrategiko horretan Euskadik duen pisua indartu egin dute.

Bilera honek egungo testuinguru ekonomikoan duen garrantzia azpimarratu du Lehendakariak. “Bizi dugun unea historikoa da, munduak eskaintzen dizkigun aukera guztiak baliatzen jarraitzeko asmo sendoa eta grina ditugu, baita hemen ere, Estatu Batuetan. Gure ikuspegia epe luzerako da, balioa emango diguten nazioarteko aliantzak eta sareak josi behar ditugu. Herri gisa hazten eta aurrera egiten jarrai dezagun”, adierazi du Pradalesek.

Era berean, Lehendakariak gogorarazi du Euskadiko laugarren bazkide komertziala direla Estatu Batuak; zentzu horretan, Euskadik 1.992 milioi euroko esportazioak izan ditu 2024an. “Gehien esportatutako produktuen artean, bigarrenak izan dira hegazkingintzarako turborreaktoreak eta turbopropultsatzaileak. Beraz, muga-zergen mehatxuak oso kezkagarriak dira gure ekonomiarako. Hala ere, irits daitezkeen oztopoen gainetik, epe luzera begiratu behar dugu, eta gure esku dagoena egin, Estatu Batuekin ditugun ekonomia-, enpresa-, zientzia-, kultura- eta prestakuntza-loturak sendotzeko”, nabarmendu du Lehendakariak.

Ildo horretatik, Pradalesek nabarmendu du euskal sektore aeronautiko eta aeroespazialak lankidetza estua duela munduko erreferentziazko erakunde eta enpresekin, esate baterako, NASArekin eta AEBko hainbat ikerketa-zentrorekin. “Eragile askorekin gure harreman-sareak elikatu eta estutu behar ditugu; izan ere, segur aski, eragile horiek ez datoz bat ezartzen ari diren babes-neurriekin. Trump eta bere administrazioa baino askoz gehiago dira Estatu Batuak. Lankidetzarako aukera berriak aztertzen jarraitu behar dugu, batez ere, zuek ordezkatzen dituzuen sektore estrategikoetan”, azaldu du.

 

Sektore hori funtsezkoa da Euskadiren garapen ekonomikorako

Lehendakariak Europako industria-testuinguruari egin dio erreferentzia, eta garbi utzi du Europako industriaren berpizkundean sektore aeronautiko eta aeroespazialak funtsezko eginkizuna duela. “Gure oinarri europarretik abiatuta hazten jarraitzeko gai izateak erabakiko du gure arrakasta”.

 

Euskadiko esportazioen rankingean laugarren postuan daude Estatu Batuak. Gaur egun, 5.500 enpresa esportatzaile daude Euskadin, eta horietatik 1.001 enpresak sarri baino sarriago hartu-emanak izaten dituzte Estatu Batuetako merkatuarekin. Aukera-sektoreen artean energia, makineria eta ekipo-ondasunak, automobilgintza eta bio-osasuna daude.

Estatu Batuetako industria aeroespaziala munduko handiena da; arlo horretako enplegua oso kualifikatuta egoteak eta hornidura-kate sendoak izateak babesten dute. 2024an, 955.000 milioi dolarreko salmentak eragin zituen, herrialde osoaren BPGren % 1,6. Inflazioa, lehia globala eta arlo horretako beste erronka batzuk gorabehera, eskariak gora egiten jarraitzen du, eta sektorea estrategikoa da oraindik.

Bestalde, Euskadik bere lidergoa sendotu du sektore aeronautiko eta aeroespazialean. Estatuko industria aeroespazialaren fakturazioaren % 15 Euskaditik dator; eta Europakoaren % 1. Industria aeroespazialak pisu handi du Euskadin; izan ere, arlo honetan eskarmentu handia dago, berritzeko gaitasuna eta nazioartekotze-maila altua. Ildo beretik, sektore honetako euskal enpresek indarra dute atzerrian; Estatuan 56 ekoizpen-instalazio daude, eta 30 atzerrian; horri esker, merkatuak eta diru-sarrerak dibertsifika daitezke.

Euskadik balio-kate osoa du industria aeronautikoan; inbertsioak erakarri eta bere enpresa-ekosistema indartzen ari da. Sektore aeroespazialeko euskal enpresa eta zentro teknologikoen artean honako hauek nabarmentzen dira: AVS (Added Value Solutions), CFAA (Aeronautics Advanced Manufacturing Center), IDOM, Ikerlan S. Coop., Korta, Metal Estalki, Ona Electroerosion, Satlantis, Sener Aeroespacial, Tekniker Fundazioa eta Trimek – Innovalia Metrology.

Lotutako albisteak

Euskadik  Hego  Korearekin  digitalizazioan  eta  5G  sareetan  duen  lankidetza  indartu  du
18/09/2025 Nazioartekotzea

Euskadik Hego Korearekin digitalizazioan eta 5G sareetan duen lankidetza indartu du

Programa honek lankidetza estrategikoa sustatzen du praktikak partekatzeko, ezagutza sortzeko eta 5G sare pribatuak eta eraldaketa digitala bezalako arloetan aukerak identifikatzeko.

Euskal  industria  defendatu  du  Nazioartekotzearen  Lurralde  arteko  Kontseiluan  Mikel  Jauregik
17/09/2025 Nazioartekotzea

Euskal industria defendatu du Nazioartekotzearen Lurralde arteko Kontseiluan Mikel Jauregik

Valentzian, Industriako sailburuak proposatu du Europan merkataritza-babesak indartzea eta Estatu Batuekin kuota-sistema bat negoziatzea, proiektuen jatorri europarrean oinarrituta.

Irundinek,  oso  nazioartekotutako  ETEak,  negozioa  % 50  baino  gehiago  handitu  du
12/09/2025 Nazioartekotzea

Irundinek, oso nazioartekotutako ETEak, negozioa % 50 baino gehiago handitu du

Irungo enpresak SPRI Taldearen Fast Track Innobideak programako laguntza jaso du eta botilatzeko makinak fabrikatzen ditu 1994tik

Global  Training  beken  epea  irailaren  19ra  arte  luzatu  da
12/09/2025 Nazioartekotzea

Global Training beken epea irailaren 19ra arte luzatu da

Global Training laguntza-programa Euskadiko gazteen nazioarteko mugikortasuna eta prestakuntza errazteko diseinatuta dago. Programaren aurrekontua 6.445.000 €-koa da eta laguntzek ordaindutako praktika profesionalak eskaintzen dituzte atzerrian.

Euskadiko  enpresa-ordezkari  batzuk  Alemaniako  automobilgintzaren  eraldaketa  aztertzen  ari  dira  Munichen

Euskadiko enpresa-ordezkari batzuk Alemaniako automobilgintzaren eraldaketa aztertzen ari dira Munichen

SPRI Taldeko Basque Trade & Investmentek eta ACICAE Euskadiko Automobilgintza Klusterrak elkarrekin antolatu dute

Euskadi  liderra  da  automobilgintzako  eskualdeen  aliantzan,  eta  ibilbide-orri  berri  bat  eskatu  du
10/09/2025 Nazioartekotzea

Euskadi liderra da automobilgintzako eskualdeen aliantzan, eta ibilbide-orri berri bat eskatu du

Ekitaldian Jauregi sailburuak azpimarratu zuen euskal industriak Europako automobilgintzaren sektorean duen garrantzi estrategikoa. Hurrengo urteetarako ibilbide-orri gisa, apustu hirukoitza nabarmendu zuen: finantziazioa, berrikuntzan inbertitzea eta sektorearentzako eskari berria sortzea

Brasilen  ezarritako  euskal  enpresek  EB-Mercosur  akordioa  eta  erga-erreforma  aztertu  dituzte
09/09/2025 Nazioartekotzea

Brasilen ezarritako euskal enpresek EB-Mercosur akordioa eta erga-erreforma aztertu dituzte

Bilera BasqueTradek São Paulon duen bulegoak antolatu du, eta agentziak euskal enpresei Brasil bezalako merkatu estrategikoetan ematen dien laguntzaren barruan kokatzen da

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Trumpen  muga-zergen  zati  bat  legez  kanpokotzat  jo  du  AEBko  apelazio  auzitegi  batek
03/09/2025 Nazioartekotzea

Trumpen muga-zergen zati bat legez kanpokotzat jo du AEBko apelazio auzitegi batek

Europako Batzordeak ez du epaiaren inguruko iritzirik eman, baina Washingtoni eskatu dio akordioan hitzartutakoa betetzeko eta autoen muga-zergak % 27,5etik % 15era murrizteko.

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.