Horizon Europe 2025: 7.300 milioi euro enpresa berrikuntza bultzatzeko Europan
Europako Batzordeak 7.300 milioi euro baino gehiagoko inbertsioa onartu du 2025eko Horizon Europe lan-programaren bidez, EBren lehiakortasuna sendotzeko, ikertzaile-talentua erakartzeko eta trantsizio digitala eta berdea bizkortzeko helburuarekin. Ekimen hau aukera estrategikoa da berrikuntzan, nazioartekotzean edo goi-mailako zientzialariak erartzeko aukera bilatzen duten enpresentzat.
Zer aukerak eskaintzen dizkie Horizon Europe 2025 programak enpresei?
- I+G+b proiektuentzako finantzaketa Horizon Europe programak osasuna, digitalizazioa, garraioa, energia, ingurunea eta industria bezalako sektore giltzarriko proiektuak finantzatzen ditu. Empresek finantzaketa horri esker, soluzio, produktu edo teknologia berriak garatzeko aukera dute.
- Digitalizazioa eta adimen artifiziala sustatzea Horizon Europe programaren finantzaketaren %36 teknologi digitalen garapenera bideratzen da, eta 1.600 milioi euro adimen artifizialaren garapenera.
- Iraunkortasuna eta trantsizio berdea bultzatzea 1.140 milioi euro baino gehiago klima, energia eta mugikortasun proiektuetara bideratzen dira, eta 833 milioi euro bioekonomia, nekazaritza eta ingurumenera. Horizon Europe-ek negozio-eredu jasangarriak, energia-eraginkortasuna eta ekonomia zirkularra sustatzen ditu.
- Automozio eta mugikortasun adimendunean berrikuntza Automobilgintzako enpresek finantzaketa eskuratu dezakete ibilgailu elektrikoen garapena, garraioaren digitalizazioa, fabrikazio aurreratua eta mugikortasun erresilientea bezalako ekimenetarako.
- Funtsetara sartzeko prozesua erraztea Batzordeak parte-hartzea errazten duten neurriak hartu ditu, hala nola, dirulaguntza finkoekin eta bi faseetako proposamenekin, karga administratiboa murriztuz eta eskaera prozesua bizkortuz.
- Ikerlari-talentua erakartzea Horizon Europe programak ikertzaileak enpresetara erakartzeko programak ere finantzatzen ditu. “Zientziarako Europa aukeratu” eta Marie Skłodowska-Curie ekintzak bezalako ekimenek baldintza egokiak eskaintzen dituzte talentu gaztea erakartzeko, kontratu lehiakorren eta postdoktorego egonaldien bidez.
Lehen deialdiak irekita daude jada finantzaketa eta lizitazio atarian.
Informazio gehiago: Horizon Europe work programmes – Europako Batzordea
Enterprise Europe Network-en Euskal Nodoa
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena. Horizon Europe programaren esparruan, EENek enpresei honako hauetan laguntzen die:
- Parte hartzeko eta proposamenak prestatzeko aholkularitza pertsonalizatua.
- Nazioarteko bazkideak bilatzea partzuergoak osatzeko.
- Proposamenen kalitatea hobetzea tailer eta prestakuntzaren bidez.
- Proiektuen kudeaketan laguntza, jabetza intelektuala eta emaitzen ustiapena barne.
Esperientziari eta harreman-sareari esker, EEN baliabide gakoa da enpresek Horizon Europe programan arrakasta izateko.
Euskadiko Jardunaldi Informatiboak
Euskal empresak lagundu nahiaz, EEN Basque-ek hurrengo asteetan informazio-jardunaldi batzuk antolatuko ditu, kontaktu Nazionaleko Puntuak (NCP) Horizon Europe 2025eko Lan Programak honako arlo hauek azalduz:
- 1 Klusterra: Osasuna
- 4 Klusterra: Digitalizazioa eta Industria
- 5 Klusterra: Klima, Energia eta Mugikortasuna
- 6 Klusterra: Elikadura, Bioekonomia, Nekazaritza eta Ingurumena
Saio hauek finantzaketa-lehentasunak ezagutzeko, zalantzak argitzeko eta proposamen lehiakorragoak prestatzeko baliagarriak izango dira. Gainera, interesatutako erakundeek aukera izango dute NCPekin eta EEN Basque-ko adituekin banakako bilerak eskatzeko, beren proiektu-ideia kontrastatzeko eta arrakasta-aukerak handitzeko.
Informazio gehiago eta jardunaldien egutegia: Jardunaldi Informatiboak – EEN Basque
Lotutako albisteak
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.