Grupo NBI, etengabe goraka berrikuntzan eta nazioartekotzean oinarrituta
Egoitza zentrala Okondon (Araba) duen Grupo NBI duela 16 urte sortu zen lau enplegaturekin, orain ordea, 155 langile ditu, Burtsan kotizatzen du eta 25 milioi euro fakturatzen ditu urtean.
Grupo NBI euskal enpresaren ereduak argi erakusten du posible dela negozioa etengabe emendatzea berrikuntzan eta nazioartekotzean oinarrituta. Duela 16 urte sortu zen lau enplegaturekin, orain Okondon (Araba) du egoitza zentrala eta 155 langile ditu bost produkzio-lantegitan banatuta. Enpresak zehaztasun handiko errodamenduak fabrikatzen ditu sektore oso desberdinentzat, hala nola, hauentzat: burdinbideak, sektore eolikoa, oil&gas, papera, meatzaritza eta nekazaritza. Horrez gain, negozioa zabaldu du ingeniaritza eta diseinu arloko konponbideak eskaintzeko industriako hainbat produkturentzat, Burtsan dago 2015az geroztik eta 25 milioi euro fakturatzen ditu urtean. NBIk hainbat laguntza jaso ditu SPRI Taldetik bere I+G proiektuetarako, ezarpen digitaletarako eta prozesuak hobetu eta berritzeko. Azken urteotan mailegu parte-hartzaileak sinatu ditu Seed Capital Vizcaya, Socade SA eta Luzaro EFC euskal organismoekin, konpainiaren zabalkundea eta nazioartekotzea sendotzeko.
Enpresaren historia 2002an hasi zen, BEAZ enpresa nitxoan (Bizkaiko Foru Aldundiaren sozietate publikoa), Sondikan, eta Eusko Jaurlaritzaren laguntza jaso zuen. Sasoi hartan errodamenduak eta potentzia transmisiorako elementuak saltzen zituen. “Zerbitzu teknikoa eta komertziala eskaintzen genuen. Marka- eta produktu-sorta anitza saltzen genuen, hau da, banatzaileak ginen, eta gure negozioaren %100a Espainian zegoen” dio Javier Rayak, NBIko finantza-zuzendariak.
Lehen mugarria 2006an iritsi zen, fabrikatzaile bihurtu zenean. Joint venture elkarte bat sortu zuen Txinan, eta horrela jaio zen NBI marka. 2008an balio tekniko handiko errodamenduen fabrikazioan espezializatu zen. “Nitxoko produktua da: ale gutxiko baina osagai tekniko handiko tiradak egiten ditugu”.
I+G-ko inbertsioa da konpainiaren nortasun ikurretako bat da. 2010ean abiarazi zituen bere lehenengo berrikuntza eta garapen proiektuak, hainbat teknologi zentrorekin lankidetzan. 2010-2015 bitarteko epealdian, NBIk bere fakturazioaren %15 inbertitu zuen I+G-n, hau da, urtean milioi bat euro inguru.
2015eko apirilean Burtsan sartu zen Arabako bere errodamendu-lantegi berria finantzatzeko, zeina ordurako hasia baitzen prototipoak fabrikatzen, eta, azkenean, datorren urtearen hasieran irekiko da. 2015ean konpainiaren kudeaketa-planak helburutzat zeukan urtean 25 milioi euroko fakturazioa lortzea 2019rako.
NBI etengabeko eboluzio prozesuan murgilduta dago. Dagoeneko utzi dio errodamendu saltzaile izateari (halaxe hasi zen 2002an), eta orain ingeniaritza eta diseinu arloko konponbideak eta bestelako produktuak eskaintzen ditu: errodamenduak, pieza estanpatuak, dekoletatuak, mekanizatuak, galdaragintza, armairu industrialak, tolestuak edo margo bereziak. “Gai gara hori guztia fabrikatzeko munduko hainbat tokitan. Gure helburua da bezeroari konponbide oso bat eskaintzea. Orain konponbideak eskaintzen ditugu”.
Txinako eta Okondoko lantegiekin batera, enpresak produkzio-lantegi gehiago erosi ditu azken urteotan: Egikor (Ermuko estanpazio lantegia), Industrias Betiko (mekanizatua eta dekoletajea Bergaran), Talleres Ermua (zehaztasunezko mekanizatua Mallabian) eta Aida Ingeniería (galdaragintza fina Artean). Kopuru hori are gehiago haziko da, “erosketa-akordio bat dugulako Errumaniako enpresa batekin, gure nazioartekotze-prozesua sendotzen jarraitzeko”. Gainera, NBIk badu aplikazio-ingeniaritza bat Errumanian bertan.
Burtsan kotizatzen duenez, konpainiak hiru hilean behin ematen ditu negozioaren datuak. 2017ko ekitaldia ixtean 22 milioi euroko diru-sarrerak izan zituen, 3 milioi euroko ustiapen-irabaziak eta 1,2 milioi euroko irabazi garbiak. Aurten, 2018an, 25 milioi fakturatuko ditu 155 langilerekin. Enpresak gaur egungo negozio-maila bikoiztu nahi du 2022rako, hau da, bere asmoa da 50 milioi euroraino iristea, %10eko irabazi garbia izatea eta enplegua emendatzen jarraitzea 220 langilera iritsi arte.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez