FEI, COFIDES, ELKARGI eta Basque Trade & Investment erakundeek euskal enpresen nazioartekotzea bultzatzeko akordioa berritu dute
Finantzen Euskal Institutuak (FEIk), COFIDESek, Elkargik eta Basque Trade & Investmentek (BTIk) lankidetza berritu dute euskal enpresen nazioartekotzea sustatzen jarraitzeko. 100 milioi eurorekin zuzkitutako finantza-tresna da, 2019ko erdialdean sortua, Euskadik atzerrian dituen enpresen produkzio- eta merkataritza-inbertsioko ekimenei babesa emateko.
Akordioa gaur goizean berritu da Bilbon, FEIren egoitzan, aliantza estrategiko hori indartzen duen akordio berri bat sinatuta. Sinaduran parte hartu dute Mikel Amundarain Eusko Jaurlaritzako Industriako sailburuorde eta BTIko Administrazio Kontseiluko presidenteak, José Luis Curbelo COFIDESeko presidente eta kontseilari delegatuak, Francisco Javier Arnáez FEIko zuzendari nagusiak eta Zenón Vázquez Elkargiko zuzendari nagusiak.
Horrela, lau erakundeek ahaleginak batzen jarraituko dute Euskal Autonomia Erkidegoko enpresak atzerrian ezar daitezen bultzatzeko. Horixe da, hain zuzen ere, Eusko Jaurlaritzaren 2021-2024 aldirako IGNP – Industria Garatzeko eta Nazioartekotzeko Planaren ardatz estrategikoetako bat, enpresentzako finantzaketa-tresna lehiakorren eskaintza hobetuta nazioartekotzeko aukera sorta zabal baten bidez. Era berean, FEI erregulatzeko onartu berri den Legeak borondate hori jasotzen du, eskualdeko jarduera-esparrua gaindituta, matrizea euskalduna izango duten nazioarteko filialak zuzenean finantzatzeko aukera barne hartzen baitu.
Horretarako, konprometitzen dira enpresen beharrak hautemateko ekintzak gauzatzera, eskura dauden finantza-tresnak ikusarazteko eta haietarako sarbidea errazteko esparruetan, baita beste ekintza batzuk berrikusi eta abian jartzera ere.
Basque Tradek, FEIk, COFIDESek eta Elkargik sustatutako nazioartekotzeari laguntzeko eta atzerriko inbertsioak sustatzeko ekintza gehienak osagarriak direnez, akordio honen bidez, lau erakundeek modu aktiboan elkarlanean jardun nahi dute horietako bakoitzak eskaintzen dituen zerbitzuak zabaltzen, baita nazioartekotze-proiektuak kofinantzatzen ere, Euskal Autonomia Erkidegoko enpresak atzerrian ezartzen batera laguntzeko azken helburuarekin.
Leihatila bakarra
Horrela, erakunde bakoitzak eskaintzen dituen nazioartekotzeko laguntzak enpresen artean zabaltzea bilatuko da, atzerrian ezartzearen, aliantza estrategikoen eta nazioarteko enpresa-lankidetzaren aldeko kultura sustatzeko asmoz. Gainera, leihatila bakarra sortu da Basque Trade & Investmenten, helburu hartuta prozesuak eta zerbitzuak integratu, optimizatu eta sistematizatzea, alderdien eta enpresen arteko informazio-fluxuak arindu eta sinplifikatzea eta informazioa bilatu eta eskuratzea erraztea.
Baterako eragiketak 2020tik
Lehen akordioa sinatu zenetik, bost euskal enpresaren nazioartekotzea sustatzeko sei operazio egin dira elkarrekin, guztira 35.680.000 €-ko zenbatekoaz.
Zehazki, lehenengoa, COFIDESen eta FEIren artekoa, 2020an formalizatu zen, NBI Bearings Europe enpresa arabarrak automobilgintzarako eta, oro har, industriarako aluminiozko osagaiak galdatu, injektatu eta mekanizatzen dituen enpresa errumaniar bat eros zezan. COFIDESen eta FEIren arteko akordioari esker, 9 milioi euroko ekarpena egin zen 15 milioi euroko guztizko inbertsiorako; 3 FEIren aldetik eta 6 milioiko koinbertsio-mailegu bat bere baliabide propioen eta FONPYMEren kontura COFIDESen aldetik.
Bigarrena eta hirugarrena 2021ean gauzatu ziren, FEIk, COFIDESek eta Elkargik egoitza Bizkaian duen Azpiaran Taldearen nazioartekotzea babestu zutenean. Talde hori hainbat tipologiatako estanpazio metalikoko teknologietan espezializatuta dago, eta gehienak automobilgintzaren sektorera bideratuta. 4,79 milioi euroko inbertsioa izan zen Mexikon eta Polonian ezartzeko, eta horietatik % 77 operazioaren bidez finantzatu ziren: 440.000 € COFIDESek eta beste 440.000 € FEIk Mexikorako, eta alderdi bakoitzak 1,4 milioi Poloniarako. Elkargik, bere bermearekin, 880.000 € gehiago finantzatzea ahalbidetu zuen.
2021eko abenduan laugarren baterako operazioa egin zen, Alcorta Forging Group Estatu Batuetan hedatzen laguntzeko. Helburu horrekin, COFIDESek eta FEIk automobilgintzarako forja beroko pieza metalikoen fabrikazioan espezializatutako enpresa gipuzkoarra finantzatu zuten, bakoitzak 4,8 milioi eurorekin. COFIDESen finantzaketa koinbertsio-mailegu baten bidez egin zen, Kanpo Inbertsioetarako Funtsaren (FIEXen) kargura.
Bosgarren operazioa urte bereko urrian gauzatu zen, COFIDESek eta FEIk telebista- eta bideo-zerbitzuetan espezializatutako Agile Content enpresa teknologiko bizkaitarraren nazioarteko garapena babestu zutenean. Guztira 4 milioi euro eman ziren Akordioaren bidez, Cofidesen eta FEIren 2 milioi euro banako finantzaketen bidez. Proiektuaren guztizko inbertsioa 8,8 milioi eurokoa izan zen.
Azkenik, 2023an, GH CRANES & COMPONENTS zubi-garabi eta polipastoen Gipuzkoako fabrikatzailearen inbertsio-proiektu berri bat finantzatu zen, Estatu Batuetan produkzio-instalazio berri bat eraikitzeko, haren merkatu-kuotaren igoerari aurre egin ahal izateko. Operazio horretan, COFIDESek eta FEIk 4,7 milioi euro bana finantzatu zituzten.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz