Euskal sektore aeroespazialak loturak estutu ditu Estatu Batuetako industriarekin
Euskadiko sektore espazialeko zazpi enpresak eta lau zentro teknologikok misio komertziala egin dute hilabete honetan Estatu Batuetara (AEB).
SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak HEGAN – Basque Aerospace Clusterren lankidetzaz antolatutako ekimen honi esker, ordezkaritzak bertatik bertara ezagutu ahal izan zuen sektorearen egungo egoera, teknologia berriak eta etorkizuneko joerak eta ikuspegiak esploratzeaz gain.
Misioa Washington DCn hasi zen, AEBetako sektore aeroespazialeko giltzarrizko eragileei egindako bisita estrategiko batekin, eta industriaren azoka nagusitzat jotzen den SATELLITE 2025 delakoan ere izan ziren, industriako lider nagusiek bat egiten duten epizentroan.
Agenda osatzeko, Floridako Space Coast-en, ordezkaritzak herrialdeko beste enpresa batzuekin bildu eta Space X enpresaren kohete tripulatu baten jaurtiketa ikusteko aukera izan zuen NASAren Kennedy Espazio Zentroan.
Euskal presentzia
AEBetarako misioa estu-estu lotuta dago euskal enpresek industria aeroespazialerako merkatu estrategiko horretan sartu edo finkatzeko duten interesarekin. Estatu Batuek lideratzen dute sektorea maila globalean, gainerako herrialdeek batera duten baino negozio-bolumen handiagoarekin eta nazioartekotze-maila handi-handiko balio-katearekin.
Teknologia berrien garapenak eta New Space mugimendua bezalako ekimen pribatuen agerpenak bultzatuta, sektorearen dinamismoa aukera berriak sortzen ari da herrialdeko enpresen elkarlanerako eta hedapenerako.
Gaur gaurkoz, zenbait euskal konpainiak jardunean diharduten dagoeneko merkatu horretan, eta lankidetza-hitzarmenak dituzte NASArekin eta erreferentziazko beste enpresa batzuekin, Blue Origin kasu. Sateliteetan, jaurtigailuetan, esplorazio espazialean, astronomian eta eskala handiko nazioarteko beste proiektu batzuetan duten parte-hartzeak euskal sektorearen posizioa indartu du etengabe haziz doan industria honetan.
Eskuratu AEBrako informazio estrategiko eta aholkularitza espezializatura
Estatu Batuek funtsezko merkatua izaten jarraitzen dute euskal industria aeroespazialarentzat, eta satelite, esplorazio espazial eta teknologia berriak bezalako arloetan aukerak eskaintzen ditu. Enpresei ingurune hori hobeto ulertzen laguntzeko, Basque Trade & Investment erakundeak AEBetako industria aeroespazialari buruzko 19 orrialdeko txostena egin du, eta bertan merkatu honetako joerak, erronkak eta elkarlanerako aukerak aztertzen dira.
Gainera, SPRIk eta Basque Trade & Investmentek helpdesk espezializatu bat jarri dute martxan AEB-en muga-zergen politika berriari buruzko zalantzak argitzeko.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.