Euskadik zuzendutako proiektu europar batek xedetzat du “Big data” aplikatzea industrian
Innovalia Taldeak koordinatuko duen ekimen horretan, Boost 4.0, Europako berrogeita hamar enpresa eta unibertsitatek parte hartzen dute
Europako Batzordeak hainbat urte daramatza estrategia bat prestatzen gizartea eta industrializazioa digitalizatzeko. Lan horri esker argi ikusi du datuen analitika eta kudeaketaren arloa lideratu beharra dagoela. Ildo horren barruan kokatzen dira Europari “big data” edo “smart data” arloen ekosistema propio bat emateko zuzentarau eta proiektu guztiak.
Testuinguru horretan, Innovalia euskal taldeak, bere menpeko Carsa aholkularitzaren bitartez, Boost 4.0 (Big Data For Factories) ekimen europarra zuzenduko du, zeinaren helburua baita datuen analitika aplikatzea industrian. Kontinente zaharreko berrogeita hamar bat konpainiak eta unibertsitatek parte hartzen dute programa horretan, besteak beste, hauek: IBM, Volvo, Siemens, Gestamp, Philips, Whirpool, Volkswagen, Telefónica eta Vista Alegre.
Boost 4.0 programaren bidez, Europako industriak azkarrago bereganatuko ditu “big data” eta datuen analitikako konponbide aurreratuak, horretarako erabiliko dituelarik Fiware teknologian oinarritutako estandar eta API ireki fidagarri eta babestuak. Jesús de la Mazak, Innovalia Taldeko presidenteak, esan duenez: “Parte-hartzaile bakoitzak “big data”ren erabilpenari buruzko esperientzia desberdinak garatu eta lantegi propioetan probatuko ditu. Helburu nagusia da aldez aurretik identifikatutako komunikazio eta enkriptazio estandarrak eta protokoloak zabaltzea, eta hortik abiatuta, proben emaitzak sustatzea pilotuak martxan jarriz”.
Innovalia euskal enpresak lideratutako ekimen europar horrek jomugatzat du datuen analitika erabiltzea fabrikazio prozesuetan. Nahiz eta pilotu asko automozioaren sektoreko konpainietan garatuko diren, Boost 4.0 ekimena fabrikazioaren mundura zuzenduta dago, sektorea gorabehera.
Boost 4.0 ekimenak, Europako enpresa industrial handienen arteko lankidetza ahalbidetzen duenak, 20 milioi euroko finantzaketa dauka (horietatik 6 zuzenean Batzordeak berak jarritakoak eta gainerakoak konpainia parte-hartzaileek) eta 36 hilabeteko iraupena izango du. Espero da proiektu honek 100 milioi euroko inpaktua izango duela, baina zifrez harago, “Batzordea sinetsirik dago ekimen honen baitan garatzen diren proiektuek trakzio-lana egingo dutela Europako industrientzat” azpimarratu du Jesús de la Mazak.
Innovalia Taldeak Europako hamar proiektutan parte hartu du 2017an, euren artean Boost 4.0 delakoa. “Big data”ren arloko Europako beste proiektu bat koordinatuko da Euskaditik, zehazki, Deustuko Unibertsitatetik: European Data Incubator (EDI). Partzuergo bat da Europako hamar herrialdetako 20 erakundez osaturik dagoena, eta helburutzat du “big data” erabiltzeko estrategiak garatu nahi dituzten enpresa eta “startup” askok izan ohi dituzten oztopoak gainditzen laguntzea.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat