Euskadik jauzi berri bat eman du nazioartekotze prozesuan, Hego Korean ordezkaritza komertziala irekiz
Eusko Jaurlaritzako ordezkaritzak Hego Korean ekin dio misio instituzional eta enpresarial bati. Aste honetan bertan, bulego komertzial berria inauguratuko da hiriburuan, Seulen.
Mikel Amundarain, Industria sailburuordea eta Basque Trade and Investment, Nazioartekotzeko Euskal Agentziako presidentea, buru duen ordezkaritzak bisita eta bilera agenda bat izango du bertako sektore ezberdinetako ordezkariekin, erakundeekin eta zentro teknologikoekin. Agenda honetan hitzordu berezia izango da ordezkaritza komertzial berriaren irekiera eta aurkezpen publikoa. Bulego berriak merkatu honetan behar eta interes komertzialak dituen euskal enpresari zerbitzua emango dio.
Hego Korea, gutxi arakatutako eta potentzial handiko herrialdea
Asia-Pazifikoko eskualdeak interes ekonomiko handia pizten du, Asia izango baita Euskadiko sektore estrategiko gehienetan etorkizunean hazkunde ekonomiko handiena izango duen munduko eskualdea. Halaber, munduan inbertsiorik handienak egingo ditu energia, sare elektrikoak, makina-erreminta, telekomunikazioak eta arlo soziosanitarioa sortzeko.
Eusko Jaurlaritzak kontuan hartzen du Eskualdeko Elkarte Ekonomiko Integralaren (RCEP) Itunaren Sinadura, hau da, 2.100 milioi kontsumitzaileko merkatua ordezkatuz, gaur egun munduko BPGaren %30 ordezkatzen duena. Honetaz gainera, Euskadiri eragin diezaioketen nazioarteko merkataritzako korridore handietan aurreikusten den aldaketa, horietan ASEAN eremuak garrantzi handiagoa hartuko duela aurreikusten da.
Euskadi eta euskal enpresak eskualde horretara begira hasi behar dira eta nazioartekotzeko lehentasunezko eremu gisa hartu, are gehiago kontuan hartuta euskal enpresek eskualde batzuetan (Asean, Japonia, Korea) duten presentzia txikia.
Horregatik beragatik, nazioartekotze-prozesuan, Europako, AEBetako eta Latinoamerikako merkatu tradizionalak sendotzearekin batera, jauzi berri bat ematea da asmoa eta Asiako merkatuetan tokia hartzea. Apustua hau Japoniako (2021) eta Koreako (2022) ordezkaritza komertzialaren irekieran islatu da.
Korearen kasuan, eskaera sofistikatua eta maila ekonomikoan zein erregulazioa alorrean dagoen egonkortasuna kontuan hartzen da. Era berean, euskal ekonomiarekin duen osagarritasunagatik eta negozioetarako erraztasunagatik nabarmentzen da.
Harreman instituzionalak eta Euskadiren sustapena interes industrialeko eremuetan
Industria sektore ikuspegitik, Hego Korea bazkide garrantzitsua izan daiteke Euskadirentzat teknologia eta berrikuntza eremuetan erreferentea baita, eta Euskadik bertan presentzia izateko eta lehiatzeko interesa du, lehiakortasuna garatzeko aukera moduan.
Sektore estrategikoei dagokienez, elkarrekin hazteko aliantzak bultzatu ahal izango dira energiaren, automobilgintzaren, makina-erremintaren eta bioteknologiaren esparruetan, eta interes berezia hartuko du erdieroaleen ekoizpen eta komertzializazioak.
Intereseko eta aukera-eremuak kontuan hartuta, euskal ordezkaritzak agenda bat garatuko du hidrogeno berdearen sorkuntzaren, erdieroaleen fabrikazioaren eta bioteknologiaren inguruan.
Hidrogenoaren ekonomia sustatzen duen erakunde publiko-pribatu da non hidrogenoa ekoizten, biltegiratzen, hornitzen eta erabiltzen laguntzen duen.
- Doosan corporation. Hidrogenozko erregai-pilekin energia sortzeko instalazioa da Daesan Green Energy enpresak eraikia.
- CHA Biotech. Koreako konpainia bioteknologiko nagusietako bat, 500.000 milioi eurotik gorako fakturazioarekin. Sektoreko I+G eta berrikuntzan enpresa lidertzat jotzen da.
- Korean Water Resources. Ur-hornidurako enpresa publikoa, Hidrogenoaren Ekonomiaren estrategia nazionalarekin lerrokatua. Bere instalazioetan hidrogeno berdea ekoizteko eta banaketa-sarean parte hartzeko plana garatu du.
Befesa, Korean lantegi produktiboak dituen euskal enpresa
Era berean, Befesa euskal enpresak Pohangen duen ekoizpen-lantegia bisitatuko dute euskal ordezkariek, baita POSCO-Pohang Iron and Steel Company enpresaren lantegia ere, Befesarekin harreman komertzial estua duen munduko laugarren altzairu ekoizle nagusia.
Euskadiren posizionamendua inbertsioak erakartzeko
Azkenik, Invest KOREA inbertsioak sustatzeko erakunde nazionala da, eta 1998an ezarri zen, hasiera batean Koreako Inbertsio Zerbitzuen Zentro gisa, KOTRAren barruan (Koreako Merkataritza eta Inbertsioa Sustatzeko Agentzia). Geroago, Invest KOREA gisa berrabiarazi zuten 2003an.
BT&I-Seul Bulegoaren inaugurazioa eta aurkezpena
Agendari amaiera emateko, BT&I Seul Bulego Komertziala inauguratzeko eta sustatzeko ekitaldi publiko bat egingo da, interesgarriak diren tokiko erakundeekin batera.
BT&I-k Korean duen bulegoaren irekierak inflexio-puntua izan nahi du euskal enpresek herrialdean eta eskualdean duten jardueran eta enpresen jarduera komertzialean lagunduz. Herrialdean bulego bat edukitzeak euskal enpresen merkataritza-ekintzak handitzeaz gain, beste esparru batzuk ere bultza ditzake, hala nola lankidetza teknologikoa edo Koreako inbertsioa Euskadira erakartzea.
Euskal ordezkaritzan, Mikel Amundarain Industriako sailburuordearekin batera, Aitor Urzelai Spri Taldeko zuzendari nagusia, Ainhoa Ondarzabal Basque Trade and Investment-eko kontseilari delegatua, Larraitz Gezala Ekonomiaren Garapen, Jasangarritasun eta Ingurumen Saileko Kabinete eta Komunikazio zuzendaria eta Ivan Fernandez, BT&Iko Adimen Lehiakorraren Unitateko zuzendaria joan dira.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.