Euskadik gazte talentua indartu du nazioarteko prestakuntzarako 500 Global Training beka berrirekin
- 2012az geroztik 5.088 gaztek jaso dituzte beka horiek eta funtsezko tresna da Eusko Jaurlaritzak talentu gaztearen alde egin duen apusturako.
- Nazioartekotze-politikak hiru ardatz ditu Euskadin: pertsonen prestakuntza eta gaikuntza, non kokatzen ditugun Global Training bekak; euskal enpresei nazioarteko jarduera ekonomikoan laguntzea; eta Euskadiko Kanpo Sarea, 92 herrialdetan presentzia duena, 22 merkataritza-bulego propiorekin.
Eusko Jaurlaritzak SPRI Taldearen Basque Trade & Investment Nazioartekotzeko Euskal Agentziaren bidez atzerrian enpresa-praktikak egiteko ematen dituen Global Training beken aitorpena jaso dute 500 gaztek. Beka horien helburua nazioarteko mugikortasuna sustatzea da, eta, horretarako, ezinbestekoa da unibertsitateko titulua edo goi-mailako LHko prestakuntza izatea. Global Training programaren aurtengo aurrekontua 6,45 milioi eurokoa da.
Imanol Pradales lehendakaria izan da ekitaldiaren buru, Gipuzkoako Teknologia Parkean, Donostian. Alboan izan ditu Mikel Jauregi Industria, Trantsizio Energetiko eta Jasangarritasuneko sailburua, Nagore Bonilla Basque Trade & Investment-eko zuzendari nagusia eta erakunde laguntzaileetako ordezkariak: hiru Merkataritza Ganberak, Confebask, Adegi, Txorierri Politeknika Ikastegia, Hetel, Ikaslan, AFM Cluster, Donostiako Sustapena, Garapen eta Novia Salcedo Fundazioa, baita UPV-EHU, Deustuko Unibertsitatea eta Mondragon Unibertsitatea ere.
Ziurtagiria jaso duten gazteek 400 enpresa eta lehen mailako erakundetan baino gehiagotan egingo dituzte praktikak, 4 kontinenteko 51 herrialdetan. Enpresa horien artean daude, besteak beste, Microsoft Institutua, Harvard Medical School, NBE – Emakumeak edo ikerketa aurreratuko hainbat zentro, Euskadirentzat estrategikoak diren sektoreetan lan egiten duten kanpoko euskal enpresekin batera.
Lehendakariak adierazi duenez, “atzerrian zaudetenean, enbaxadore bat gehiago izango dugu atzerrian. Gure begiak izango zarete. Informazioa partekatuko duzue eta planetako hainbat lekutan egunero sortzen diren aukerak bertatik bertara ezagutzeko aukera eskainiko diguzue. Gazteak herri honen etorkizunaren funtsezko parte zarete”.
Global Training beka-programa Euskadiren garapen ekonomikorako funtsezko talentua sortzeko ahaleginen barruko ekintzetako bat da. Gaur egun, enpresek pertsona prestatuak eskatzen dituzte, eta esperientzia horrek lan-jardunerako beharrezkoak diren trebetasunak eta ezagutzak eskuratzeko aukera ematen die euskal gazteei, hori nazioarteko eta kultura anitzeko ingurune batean egin ahal izateak dakarren balio erantsiarekin.
Mikel Jauregi sailburuak baloratu duenez, “Euskadin nazioartekotze-estrategia gero eta biziagoa dugu, eta hiru ardatzetan egituratzen da: pertsonen prestakuntza eta gaikuntza, non kokatzen ditugun Global Training bekak; euskal enpresei nazioarteko jarduera ekonomikoan laguntzea; eta Euskadiko Kanpo Sarea, 92 herrialdetan presentzia duena, 22 merkataritza-bulego propiorekin, eta Australian laster irekiko den beste bat gehituko zaiona urtearen amaierarako, 23.a, alegia”.
Global Training programak aukera ematen du atzerrian profesionalki trebatzeko, ordaindutako praktikak eginez enpresetan edo erakundeetan, gazte bakoitzaren espezialitate akademikora egokituta.
Beken helburua atzerrian eskuratzen diren ezagutzak eta trebetasunak Euskadira itzultzea da, baina, era berean, bekadunek atzerriko egonaldiak luzatzea erabakitzen badute, Euskadiko ekonomiaren interesetarako ere balio izatea aurreikusten da.
Ildo horretan, Jauregik gazteei gogorarazi dienez, “behin esperientzia hau amaituta, Euskadi eraikitzen jarraitzeko behar zaituztegu; denboraldi baterako zoazte kanpora, eta itzuli egin behar duzue; gure herriaren etorkizuna eraikitzeko ezinbestekoak zarete”.
Beken baldintzak
Global Training beka-programaren aurtengo aurrekontu-zuzkidura honako hauetarako da:
- Hilean 1.715 euro gordineko 500 plazako zuzkidurak, 6 hilabetez (80 euro bekadunak hartzen dituen erakundearen konturako Gizarte Segurantzako kotizazio-gastua estaltzeko).
- Kudeaketa-gastuak erakunde kolaboratzaile bakoitzarentzat, 1.000 eurokoak plaza bakoitzeko.
- 40 orduko prestakuntza-gastuen partida bekadun bakoitzeko.
- Bekadunen asegurua estaltzeko partida, bidaia eta estaldura medikoa barne.
Bekek gutxienez 6 hilabete eta gehienez 12 hilabete irauten dute, eta erakunde kolaboratzaileetatik jasotako eskaintzen arabera, batez besteko iraupena 8 hilabetekoa izango da, gutxi gorabehera, erakundeek ahalbidetzen dituzten luzapenei esker.
Programa 30 urte arteko eta B1 eta B2 mailako ingelesa menderatzen duten goi-mailako prestakuntza (graduak, lizentziaturak edo lanbide-heziketa) duten gazteei zuzenduta dago.
Erakunde kolaboratzaileak
Global Training bekek mota horretako prestakuntza-programen eta nazioarteko mugikortasunaren kudeaketan esperientzia dutela egiaztatzen duten erakundeen laguntza dute.
Edizio honetan honako hauek dira:
| Fundacion Novia Salcedo | 80 beka |
| Ikaslan + AFM | 80 beka |
| Euskal Ganberak | 75 beka |
| EHU / UPV | 60 beka |
| Deustu Unib. + Mondragon Unib. | 50 beka |
| Garapen + Donostia Sustapena | 80 beka |
| HETEL + Confebask + Adegi | 75 beka |
Lankidetza honetan datza:
- Prestakuntza-praktika onenak bilatzea nazioarteko enpresa eta erakundeetan, gazteek esperientzia praktikoa jaso dezaten.
- Hautagaiei zuzendutako deialdia egitea, baita hautaketa-prozesua ere, Basque Trade & Investment-ekin lankidetzan.
- Hasierako prestakuntza egitea gazteak nazioarteko “esperientziaren” aurrean prestatzeko.
- Bekadunei eta harrera-enpresei jarraipena eta laguntza ematea bekaren aldi osoan.
- Azken txostena idaztean bekadunen prestakuntzaren emaitza eta haien esperientziak ebaluatzea.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.