Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Basque Trade & Investmentek (BasqueTrade), Nagore Bonilla zuzendari nagusiaren bitartez, Euskadin hartu du aste honetan Brasilgo itsas-energia eolikoaren sustapenean eta erregulazioan inplikatutako erakunde eta instituzio nagusiak partaide dituen ordezkaritza. Flanders Investment & Trade eta Euskadiko Energia Klusterraren lankidetzaz antolatutako ekimen honek hazkunde-potentzial handiko sektore honetan nazioarteko lankidetza indartu eta negozio-aukera berriak irekitzea du helburu.
Bisita Brasilgo itsas-eolikaren merkatua inflexio-une batean dagoela gertatu da. Aurtengo urtarrilean, Luiz Inácio Lula da Silva presidenteak sinatutako 576/2021 Lege Proiektuak arau-esparrua ezarri dio herrialdearen itsas-energiaren potentzialaren ustiapenari. Ordura arte, araudirik ezak teknologia horren inguruko proiektuen garapena geldiarazi du, Brasilek munduko itsas- baliabide eolikorik onenetakoak izan arren. Bere potentzial teknikoa 1.200 gigawattetik (GW) gorakoa dela kalkulatu da, zimendatze finkoko 480 GW eta zimendatze flotagarriko 748 GW barne hartuta. Baldintza hauek, eskariaren gune nagusien hurbiltasunarekin batera, itsas-eolikoa sektore estrategikotzat kokatu dute herrialdearen etorkizuneko energia-matrizean.
Egun, Brasilek 97 prozesu ditu abian itsas-eolikoaren arloko proiektuak garatzeko, eta guztien artean, 234 GWetik gorako baterako ahalmena dute. Merkatu honek nazioarteko operadore handien interesa piztu du, Corio, Equinor, TotalEnergies, Petrobras, Acciona eta BlueFloat tarteko direla. Enpresarik aktiboenen artean, Iberdrola nabarmendu behar da, izan ere, Neoenergia deritzon filialaren bitartez, 9.000 MWen garapena bultzatzen ari da, Aguas Claras, Maravilha eta Jangada parkeen artean banatuta.
Testuinguru honetan, aste honetako misioak euskal enpresei Brasilgo energia-plangintzari buruzko ikuspegi estrategikoa eskaintzea izan du helburu. Gainera, ekimenak merkatuaren hurrengo urratsak ezagutu eta sektorearen funtsezko eragileen aurrean norberaren gaitasunak aurkezteko aukera eman du.
Horretarako, lan-agendak hainbat bilera aurreikusi ditu erakundeekin, enpresa-elkarteekin, sektoreko konpainiekin, portuekin eta beste eragile garrantzitsu batzuekin, Brasilgo itsas energia eolikoaren aro berri honetan aliantza estrategikoen eraikuntza eta euskal industriaren posizionamendua errazteko asmoz.
Ekimen honekin, Euskadik energia berriztagarrien arloko nazioartekotze eta berrikuntzaren alde hartu duen konpromisoa indartu du, trantsizio energetiko globalerako erreferentetzat sendotuz.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura