Euskadi eta Italiako klusterren haien arteko lankidetza indartu dute
Italiako iparraldean dagoen Emilia Romagna eskualdeko klusterren ordezkaritza batek merkataritza-misioa egin du aste honetan Euskadin, bi lurraldeen arteko lankidetza sustatu eta zeharkako eremuak jorratzeko asmoz, 4.0 industria, zibersegurtasuna, adimen artifiziala eta jasangarritasuna kasu.
Ekimena SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak antolatu du, ordezkaritzaren buru izan den ART-ERT ERT Italiako elkartearen lankidetzaz.
Misioaren hasieran, harrera instituzionala egin dute Nagore Bonilla BasqueTradeko zuzendari nagusiak eta Giorgio Moretti ART-ERTen arduradunak. Lehen topaketa horretan, SPRI Taldearen ordezkariek euskal ekonomiaren zutabe nagusiak aurkeztu zituzten, hala nola, klusterrei laguntzeko euskal politikak, zibersegurtasuneko ekimenak eta BIND 4.0 berrikuntza irekiko programa.
Misioan, ordezkaritzak B2B topaketetan parte hartu du euskal klusterrekin: ACICAE, Euskadiko Energia Klusterra, AFM – Advanced Manufacturing Technologies, Basque Food Cluster, Basque Health Cluster, GAIA, ACLIMA, HEGAN, BUILD:INN, BASQUETOUR eta Euskadiko Mugikortasun eta Logistika Klusterra. Bilera horiei esker, sinergia zehatzak detektatu eta lankidetza-bide berriak ireki ahal izan dira automobilgintzan, makina-erremintan, industria digitalean, ingurumenean, eraikuntzan, osasunean, turismoan eta gastronomian.
Agendaren barruan, lurraldeko ekimen estrategikoak ere bisitatu dituzte: Hidrogenoaren Euskal Korridorea (BH2C) eta Basque Cybersecurity Center (BCSC). Horrez gain, ordezkaritzak gertu-gertutik ezagutu ahal izan ditu hiri-eraldaketarekin, mugikortasun jasangarriarekin zein automobilgintza aurreratuarekin lotutako proiektuak Automotive Intelligence Centerren (AIC), Amorebieta-Etxanon, eta Tecnalia zentro teknologikoan, Zamudion.
Era berean, ordezkaritzak Bilboko Udaletxea eta Basque Artificial Intelligence Center (BAIC) bisitatu ditu, eta azken horretan, Italiako ordezkariak enpresen lehiakortasuna eta euskal gizartearen ongizatea hobetzea xede duten adimen artifizialarekin lotutako ekimenak ezagutu ahal izan dituzte.
Azkenik, bilerak egin dituzte Biolan Health, Biolan Microbiosensores, Cocoon Bioscience eta IDOM euskal enpresekin eta Aeronautikako Fabrikazio Aurreratuko Zentroarekin (CFAA).
Misioari esker, Euskadik berrikuntza eta teknologia arloko polotzat duen nazioarteko posizionamendua indartu du, adimen artifizialean, bioteknologian, jasangarritasunean eta fabrikazio aurreratuan duen lidergoa nabarmenduz.
Ekimen hau Emilia-Romaña eta Euskadiren arteko Elkar Ulertzeko Memoranduma (MoU, ingelesezko siglen arabera) zein ART-ERT eta BasqueTraderen arteko akordioa sinatu aurreko prozesuari dagokio. Akordio horietan aurreikusi denez, lankidetza-esparru bat ezarriko da hainbat esparrutan, fabrikazio-industria, ikerketa aplikatua, enpresa-berrikuntza, ingurumen-kudeaketa, talentuaren mugikortasuna eta inbertsioaren erakarpena kasu.
Lotutako albisteak
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz