Ukrainako susperraldi ekonomikoa, Bruselan eztabaidagai
Europa osoko enpresa-liderrak, erakundeen ordezkariak eta garapen ekonomikorako agentziak Bruselan bildu dira aste honetan, Ukrainaren susperraldi ekonomikoa eta Europar Batasunean (EB) pixkanaka-pixkanaka egin beharreko integrazioa ardatz dituen EU–Ukraine Business Summit 2025 foroaren kariaz. Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia, prozesu horren inguruko eztabaida instituzional eta ekonomikoa gertu-gertutik jarraitzeko asmoz.
Topaketa Europako Batzordeak antolatu du beste bazkide instituzional batzuekin batera, eta Ukraina Europar Batasuneko erregulazio-esparrura eta esparru ekonomikora egokitzeko egiten ari den erreformak izan ditu aztergai. Bertan nabarmendu dutenez, eraldaketa horiek oinarriak finkatzen ari dira enpresa-ingurunea gardenagoa, aurreikusgarriagoa eta atzerriko inbertsiorako irekiagoa izan dadin. Hainbat panelen bitartez, neurri horiek jarduera ekonomikoaren sustapenean nahiz Europako enpresentzako lankidetza-gune berrien irekieran izan dezaketen inpaktuaz eztabaidatu dute.
Ukrainaren berreraikuntzak Europa berrindustrializatzeko estrategia bateratuan izan dezakeen eginkizuna izan da gai nabarmenetako bat. Azpiegituren hobekuntzatik energia arloko gaitasunen garapeneraino, herrialdea leheneratzeko prozesua aukeratzat ere planteatu da Europako balio-kateak indartzeko eta trantsizio berde eta digitalean aurrera egiteko. Testuinguru honetan, inbertsio pribatua mobilizatu eta Europako finantza-tresnak erabiltzeko beharra azpimarratu da, parte-hartze hori erraztearren.
BasqueTradek ekitaldi honetan izandako parte-hartzea estu-estu lotuta dago nazioarteko merkatuei buruz egiten duen jarraipen aktiboarekin eta euskal enpresentzako potentziala duten agertokiak identifikatzeko lanarekin. Honelako topaketetan parte hartuz, bertatik bertara ezagutu ahal dira erakundeen lehentasunak eta eskuragarri dauden laguntza-mekanismoak, proiektuen diseinu eta gauzatzean zuzenean inplikatuta dauden erakundeekiko harremanak errazteaz gain.
Testuinguru honetan, agentziak beharretara egokitutako laguntza-zerbitzuak eskaintzen dizkie euskal enpresei, Ukrainakoa bezalako merkatu emergenteetarako sarbidea errazteko. Ukrainan inbertsioa bideratzeko baldintzak eta lehentasunak oraindik zehazten ari direnez, BasqueTrade gertutik jarraitzen ari da ingurunearen bilakaera, eta euskal enpresa-sarearentzat baliagarria izan daitekeen funtsezko informazioa zehazten den gune estrategikoetan parte hartzen du.
Gainera, BasqueTraderen Varsoviako (Polonia) bulegoak harreman zuzena du Ukrainako merkatuan interesa duten euskal enpresekin. Bertatik erantzuten die informazio-eskaerei eta laguntza eskaintzen die Ukrainan sor daitezkeen aukerak zuzenean ezagutu nahi dituztenei.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak