Basque Trade & Investment-ek euskal enpresen nazioartekotzean emakumearen parte-hartzea sustatzen du
Enpresak nazioartekotzeko eremuan emakumeen ahalduntzea izan zen joan den astean Bilboko Gran Hotel Dominen egin zen ekitaldiaren gai nagusia. Ekimena SPRI Taldean integratuta dagoen eta Eusko Jaurlaritzaren enpresa nazioartekotzeko agentzia den Basque Trade & Investment-ek (BasqueTrade) antolatu zuen.
B-WOMENIN Global Business Gathering 2024 izenpean, topaketak nazioartekotzean interesa duten profesionalak bildu zituen, eta bertan aurkeztu zen BasqueTradek egindako«Emakumea eta nazioartekotzea» txostena. Gainera, hizlari nabarmenek hartu zuten parte ekitaldia amaitzeko antolatu zen mahai-inguru batean.
Arantxa Tapia Eusko Jaurlaritzako Ekonomiaren Garapen, Iraunkortasun eta Ingurumen sailburuak eta Ainhoa Ondarzabal Basque Trade & Investmenteko kontseilari delegatuak inauguratu zuten jardunaldia.
Arantxa Tapiak, bere hitzaldian, nabarmendu zuen proiektu hau “une erabakigarri batean garatzen dela, non enpresa-nazioartekotzean genero-berdintasuna ez baita helburu bat, baizik eta gure gizarterako behar bat, bertan elkartzen baitira askotariko adimenak integratzeko beharra, lan-indar gehigarria txertatzeko beharra eta gizarte orekatu bat eraikitzeko beharra”.
“B-WOMENINen bidez, beste urrats bat eman nahi dugu, emakumeok gero eta ordezkatuago eta ahaldunduago egongo garen gizarterantz, lehen ia batere presentziarik ez genuen espazioak hartuz”, gehitu zuen BasqueTradeko kontseilari delegatuak.
Ekitaldian, Alicia Santamariak, Alemaniako Basque Trade & Investment-eko zuzendariak, Danja Frech elkarrizketatu zuen. Ibilbide nabarmena egin du Adidas eta Sky Deutschland-en, eta aniztasunak eta enpresa-munduan sartzeak duten garrantziari buruz hausnartu zuen.
Ikaskuntza eta networking-a konbinatzen dituzten hitzaldiak
Ekitaldiaren puntu nagusietako bat B-WOMENIN Global Meeting & Expanding 2024 ponentzia-programaren aurkezpena izan zen. Nazioarteratzearekin lotutako hainbat sektoretako 24 adituk hartuko dute parte.
Maiatzetik abendura bitartean egingo diren saioetan, aditu horiek lidergoari buruzko esperientziak eta ezagutzak, ingurune globaletan nabigatzeko behar diren trebetasunak eta sare profesionalek enpresa-garapenean duten garrantzia partekatuko dituzte.
“Topaketa bakoitza praktikoa eta izugarri aberasgarria izateko diseinatuta dago, hasieran mahai-inguru batekin eta ondoren networking batekin, parte-hartzaileei hizlariekin zuzenean eta elkarren artean konektatzeko aukera emanez”, azaldu zuen BasqueTrade erakundeko kontseilari delegatuak.
Joan den asteko topaketan mahai-inguru bat egin zen. Bertan, baieztatutako 24 kolaboratzaileetako hiruk parte hartu zuten, eta programan parte hartzeko motibazioak, saioetan jorratu nahi dituzten funtsezko gaitasunak eta ibilbidean zehar izan dituzten erronketako batzuk partekatu zituzten: Irati Aguirrezabala, Strategic Global Project Manager Hachen; Iratxe Las Hayas, sailburu independentea eta Managing Partner Smart Jidokan; eta Lorea Aristizabal, Garapen Korporatiboko zuzendaria CIE Automotiven.
B-WOMENIN Global Meeting & Expanding 2024 hitzadi-programan eman dezake izena esteka honen bidez
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz