Arantxa Tapia sailburuak Reyes Maroto Industria Merkataritza eta Turismo ministroarekin bilera egin du
Arantxa Tapia, Eusko Jaurlaritzako Ekonomiaren Garapen, Jasangarritasun eta Ingurumen sailburua Industria, Merkataritza eta Turismoko ministroarekin, Reyes Marotorekin, bildu da, eta Euskadiko industria-egoerari buruzko hausnarketa partekatu du, automobilgintzaren, aeronautikaren eta enpresa elektrointensiboen sektoreetan arreta jarrita.
Bilera, Tapia sailburuak 2021-2022 aldirako Espainiako ekonomiaren nazioartekotzearen ekintza-planaren aurkezpen-ekitaldian parte hartu baino lehenago egin da, eta sailburuak euskal industriak 2020ko udaberrian Coviden krisiaren garairik gogorrenean izan zuen zeregina azpimarratu du.
Euskadiko automobilgintzako PERTEei laguntzeko lankidetza
Tapia sailburuak proposatu dio ministroari lankidetzan aurrera egitea automobilgintzaren sektorea eraldatuko duten proiektu garrantzitsuen garapenean eta posizionamenduan, bereziki lurralde bakoitzeko PERTE batek dakarren ekimen hirukoitzari erreferentzia eginez, hala nola Arabako Basquevolt Gigafaktoria, Bizkaiko ibilgailu elektrikoentzako Smart Factorya eta Gipuzkoako Mubil Elektromugikortasun Zentroa.
Nolanahi ere, sailburuak azpimarratu du komenigarria dela autonomia-erkidegoek parte-hartze handiagoa izatea Next Generation funtsen kudeaketan, Bruselak funts horiei ematen dien misioa lehenetsiz, eta horrek esan nahi du ikuspegi eraldatzailea eta lehiakorra izatea, eta irizpide horiek kohesio-irizpideekin nahastea saihestuz, helburu horretarako beste tresna batzuk ere badaudelako.
Era berean, etorkizuneko aeronautikako proiektuak errepasatu dituzte, baina sektore horren kasuan, krisi sakona dela eta, susperraldiari ekiteko beharra partekatu dute, finantzaketa-tresna espezifikoei oso lotuta dauden premiazko neurriekin. Ildo horretan, sailburuak Ministerioak eta SEPIk diseinatutako aerofondoan modu aktiboan eta “ekarpenez” parte hartzeko prest dagoela berretsi du; izan ere, Ministerioak eta SEPIk diseinatutako aerofondoan Eusko Jaurlaritzak ontzigintzaren sektorerako dagoen funtsarekin egiten duen moduan antolatu ahal izango luke bere lankidetza.
Arantxa Tapiak, halaber, industria elektrointentsiboaren lehiakortasunean eragin negatiboa duten kostu energetikoen inguruan duela hilabete batzuk Ministerioari bidalitako txostenaren ondorioak azaldu ditu. Euskadik berriz ere mahai gainean jarri du tarifen, kostuen eta neurri fiskalen politika bat diseinatzeko beharra, Alemania eta Frantzia bezalako herrialdeetan dagoenaren antzekoa, non kostu energetikoa lehiakorragoa den bere industriarentzat.
Euskal enpresa ekonomiaren nazioartekotzean
Ministroarekin bilera amaituta, Arantxa Tapia sailburuak 2021-2022 aldirako Espainiako ekonomiaren nazioartekotzea kudeatzeko planaren aurkezpenean parte hartu du. Pandemiaren faserik gogorrenean, 2020ko udaberrian, euskal industriak osasun premien zerbitzura egin zuen lana azpimarratu du Tapiak.
Pedro Sanchez Espainiako Gobernuko presidenteak itxi du ekitaldia, eta sailburuarekin batera ordezkari hauek parte hartu dute:
- Reyes Maroto, Industria, Merkataritza eta Turismo ministroa
- Maria Sol Baixauli, Baibor Rice&Foodseko bazkide sortzaile eta zuzendari nagusia
- Antonio Garamendi, CEOEko presidentea
- José Luis Bonet, Espainiako Ganberako presidentea
* Honekin batera doa Arantxa Tapiaren hitzaldi osoa
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz