Arantxa Tapia sailburuak euskal enpresei dei egin die, Brexitaren ondoko egoera txarrenaren aurrean kontingentzia-planaren babesa izan dezaten
Eusko Jaurlaritzak Euskadi Erresuma Batuan posizionatu nahi du, inbertsioak erakarri eta merkataritza-izaerako lankidetza berriak irekitzeko
SPRI Taldearen Invest unitateak, Financial Timesekin elkarlanean, topaketa bat sustatu du Londresen, Euskadiko industria- eta teknologia-ekosisteman interesa duten hamabi bat enpresa britainiarrekin
Eusko Jaurlaritzaren Ekonomiaren Garapen eta Azpiegitura Sailak lan-jardunaldia antolatu du, eta hitzaldia bikoitza izan da Erresuma Batuko hiriburuan, enpresa britainiarrekin eta euskal enpresetako profesionalekin.
Erresuma Batuaren eta Europar Batasunaren arteko harremanaren politika- eta ekonomia-egoera berria argitzeko hilabete baino gutxiago geratzen denean, Eusko Jaurlaritzak erabaki du bere estrategia biziagotzea, Euskadik Londresen duen posizionamendua indartzeko eta merkatu interesgarritzat eta lagunkoitzat aurkezteko, bai inbertsio berriak erakartzeko, bai enpresa- eta merkataritza-izaerako elkarlan berriak irekitzeko.
Euskadiko ekonomiarako lehentasunezko merkatuetako bat da; euskal esportazioen % 6,8 hartzen du, eta 500 enpresa daude esportazio-jarduera horren eraginpean. Londresen, Arantxa Tapia sailburuak ohartarazi du ezinezkoa dela Brexitak gure merkataritza-jardueran izango duen eragina neurtzea, baina honako hau esan du: “lehen mailako edozein gertakari historikotan bezala, neurria eman behar dugu eta unea iristen denerako prest egon behar dugu”.
Aliantza berriak ehuntzeko eta Euskadira inbertsioak erakartzeko jardunaldia
Egoera berria izango da euskal enpresarentzat, baina enpresa britainiarrak, aldi berean, aliantza berriak ehundu beharko ditu. Hori dela eta, SPRI Taldearen Inbertsioen Erakarpen Unitateak (Invest in the Basque Country) exekuzio-topaketa antolatu du Financial Timesen egoitza prestigiodunean; bertan, Euskadi intereseko helmugatzat aurkeztu da, Europako etorkizuneko inbertsioetarako.
Tapia sailburuak, Nick Greenwood konsul britainiarrarekin batera, bi ordu inguru mintzatu da automobilgintzako, aeronautikako, bioteknologiako eta ehungintzako enpresetako zuzendariekin, besteak beste. Saioaren izenburua honako hau izan da: “Expanding investement in the BasqueCountry: Strategies for Business Growth post-Brexit”, eta helburua izan da Euskadi Brexitaren ondoko egoeran merkataritza-harremanetarako Europara jotzeko ate gisa posizionatzea.
Euskadiko ekosistemaren industria-ahalmena aztertzeaz gainera, Tapia elkarlanean jarduteko prest agertu da; izan ere, Britainiako merkatua –esan du– lehentasunezkoa da eta izaten jarraituko du gure enpresentzat eta gure ekonomiarentzat. Honako hau nabarmendu du: “erabateko borondatea izan behar dugu, herrialde gisa, merkataritza-arloan elkarlanean jarduteko”.
Enpresei kontingentzia-planak areagotu ditzaten dei egitea
Eusko Jaurlaritza jakitun dago nolako errealitatea bizi duten euskal enpresek egoera horretan, eta, horrela, Londresen dagoela aprobetxatu du, Euskadiko profesionalekin batu eta aurrez aurre ezagutzeko nola bizitzen ari diren gertakari hori arlo profesionalean eta pertsonalean.
Topaketa SPRI Taldeko Basque Trade and Investment-eko Bulegoak antolatu du Londresen; Ingeniaritza Mekanikoko egoitzan izan da. Horren bidez, Euskadik bi urte hauetan Brexitak euskal enpresetan duen eragina gutxitzen laguntzeko zabaldu dituen aholkularitza- eta laguntza-mekanismoak berrikusi dira.
Tapia sailburuak berriz ere esan du “benetako ordua heltzen ari dela”, eta “erne egoteko eta erantzukizunez jarduteko” eskatu du, “arrakastaz erantzuteko etor daitekeen egoera berriari”.
2017an, Eusko Jaurlaritzak erakundeen arteko batzordea eratu zuen; bertako buru da Lehendakaria bera. Batzordearen helburua da Brexitaren bilakaeraren etengabeko segimendua egitea eta dagozkion neurriak hartzea. Harrezkero, BTIren merkataritza-bulegoa ireki zuen Londresen, Brexitari buruzko aholkularitza orokorreko eta sektorialeko enpresa-topaketak sustatu ditu, www.brexit.eus tresna gaitu du eta Brexitari buruzko ikastaro berezia eman du UPV/EHUko Udako Ikastaroetan.
Era berean, Finantzen Euskal Institutuak eta Elkargik 25 milioi euroko finantzaketa-ildoa abiarazi dugu, fenomeno horren ondorioz zailtasunak dituzten euskal enpresa guztiei laguntza emateko.
Jardunaldi osoan zehar, sailburuarekin batera Javier Zarraonandia Industriako sailburuordea, Álex Arriola Spri Taldeko zuzendari nagusia, Ainhoa Ondarzabal Basque Trade and Investmenteko zuzendaria, Marian Ibarrondo Invest in the BC Unitateko arduraduna eta Pablo Fano BTIren Erresuma Batuko Bulegoko merkataritza-ordezkaria izan dira.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz