Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
- Mikel Jauregi sailburuak aditzera eman duenez, “denbora daramagu energiaren biltegiratze egonkorrean lanean, eta ez gara baterien instalazioaz soilik ari, bateriak fabrikatzeaz ere ari gara. Gure herrialdean fabrikatu nahi ditugu Europarako biltegiratze-sistemak, gure zentro teknologikoen eta gure industriaren eskutik. Hithium enpresarekin sinatutako akordioak bide horretan aurrera egiteko aukera emango digu”.
- Energia eolikoak eta eguzki-energiak Europan hedapen handiagoa izan ahala, gero eta handiagoa izaten ari da energia biltegiratzeko soluzio aurreratuen premia, malgutasuna eskainiko duten eta sarearen egonkortasuna bermatuko duten soluzioen premia. Testuinguru horretan, Eusko Jaurlaritzak estrategikotzat jotzen du trantsizio energetikoaren industrializazioa sustatzea eta emisioen murrizketan laguntzea, biltegiratze-teknologia efiziente eta jasangarrien bidez.
Municheko “The Smarter E Europe” azokaren barruan, Eusko Jaurlaritzak Elkar Ulertzeko Memoranduma (MoU) sinatu du Hithium enpresarekin, bateria egonkorren munduko enpresa nagusietako batekin. Akordio hori funtsezko mugarria da Euskadi energiaren biltegiratze egonkorreko industrian Europako erreferente izan dadin.
Hitzarmena bi aldeen arteko elkarlan estuaren emaitza da, eta hiru ardatz estrategiko ditu: lankidetza teknologikoa, Euskal Autonomia Erkidegoko enpresek proiektuaren garapenean parte-hartze aktiboa izatea, eta fabrikazioan zirkulartasuna bultzatzea. Biltegiratze egonkorreko sistemak Euskadin fabrikatzea ahalbidetuko duen soluzio integrala garatzeko helburua partekatzen dugu, betiere erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin.
Itun hori urrats erabakigarria da Europan ekoizpen- eta berrikuntza-gaitasuna lokalizatzeko estrategian, eta Euskadi, puntu komertziala izateaz haratago, Hithium enpresak kontinentearen hegoaldean izango duen fabrikaziorako eta eragiketarako base bihurtzen du. Horri esker, Euskaditik koordinatu ahal izango dira ekoizpena eta Europako beste merkatu batzuetarako banaketa, eta, hala, Europarako gune estrategiko gisa betetzen duen eginkizuna finkatuko da.
Energia eolikoak eta eguzki-energiak Europan hedapen handiagoa izan ahala, gero eta handiagoa izaten ari da energia biltegiratzeko soluzio aurreratuen premia, malgutasuna eskainiko duten eta sarearen egonkortasuna bermatuko duten soluzioen premia. Testuinguru horretan, Eusko Jaurlaritzak estrategikotzat jotzen du trantsizio energetikoaren industrializazioa sustatzea eta emisioen murrizketan laguntzea, betiere biltegiratze-teknologia efiziente eta jasangarrien bidez. Bateria egonkorrak Teknologia Garbien Euskal Zerrendan barne hartzen dira, eta, beraz, % 35eko kenkari fiskala dute.
Horrela, Eusko Jaurlaritzak trantsizio energetiko jasangarriaren aldeko konpromisoa berresten du, eta emisio txikiagokoa industria lehiakorragoaren eta efizienteagoaren garapena sustatzen du. Hithium enpresarekin hitzartutako lankidetza horrek islatzen du Euskadik industria efizienteagoaren eta jasangarriagoaren alde egin duen apustua, “industria gehiago, industria hobea, emisio txikiagoak” lelopean.
Euskadin bateria egonkorrak fabrikatzea
Mikel Jauregi Industria, Trantsizio Energetiko eta Jasangarritasuneko sailburuak, gaur goizean, Eusko Legebiltzarrean egindako kontrol-saioan aurkeztu du akordioa. “Euskadiko azpiegitura elektrikoetan inbertitzea premia ez ezik, aukera bat ere bada, ondasun eta ekipamendu elektrikoetan lehen mailako ekoizleak baititugu, besteak beste”.
“Gobernura iritsi nintzenetik sare elektrikoan inbertitzearen eta energia berriztagarri gehiago garatzearen premia nabarmendu dut. Horiek, ordea, eragozpen bat dute: aldakortasuna. Itzalaldi elektrikoaren ondoren, are nabarmenagoa da errealitate hori. Horregatik, biltegiratzea da gure lehentasuna”, adierazi du Jauregi sailburuak.
“Eusko Jaurlaritzak denbora darama energiaren biltegiratze egonkorrean lanean. Ez gara baterien instalazioaz soilik ari, bateriak fabrikatzeaz ere ari gara. Gure herrialdean fabrikatu nahi ditugu Europarako biltegiratze-sistemak, gure zentro teknologikoen eta gure industriaren eskutik. Itzalaldi elektriko batek agerian utzi du zein zaurgarriak garen. Era berean, aukera industrial hau baliatzeko ditugun indarguneak ere erakutsi dizkigu, eta Hithium enpresarekin lortutako akordioa indargune horien emaitza da”, eman du aditzera sailburuak.
Hithium enpresa
2019an sortu zen eta Xiamen hirian du egoitza, Txinan. Energia biltegiratzeko eragile nagusietako bat da. Nazioartean hedapen nabarmena izan du, eta Ameriketako Estatu Batuetan, Alemanian, Erresuma Batuan, Turkian, Dubain, Singapurren, Australian eta beste herrialde batzuetan zabalduta dago. Lankidetza horrekin, Hithium enpresak aurrera egiten du Europan ekoizpen- eta berrikuntza-gaitasunak aurkitzeko konpromisoan, soluzio optimizatuak eskaintzera begira eta Europako estandar teknikoak betetzera begira.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia