Net-Zero Basque Industrial Super Cluster ekimenak EPRIren European Workshop Weeken hartuko du parte aste honetan
SPRIk, Net-Zero Basque Industrial Super Cluster ekimenaren erakunde koordinatzaileak, bigarren urtez jarraian, EPRIren European Workshop Week astean hartuko du parte aste honetan. Egitasmo horrek, apirilaren 16tik 18ra bitarte, nazioarteko energiaren sektoreko eragile nagusiak bildu ditu 2050era begirako energia-trantsizioan industriak aurre egin beharko dien berrikuntza arloko erronka nagusiekin lotutako aurrerabideak topatzeko asmoz.
SPRIk bi saiotan hartuko du parte. Horietan, Net-Zero Basque Industrial Super Cluster ekimenaren baitan bideratutako aurrerapenen eta berrikuntza bizkortzeko lankidetza-aukerak garatzen izandako esperientziaren berri emango du.
Lehen saioan jorratutako gai nagusia berrikuntza bizkortzeko lankidetza-aukerak partekatzea izan da eta, bertan, Cristina Oyónek, SPRI Taldeko Teknologia, Berrikuntza eta Jasangarritasun arloko zuzendariak, Euskadiri buruzko testuinguruko datu batzuk eman dizkie entzuleei lehenengo eta behin. Horrez gain, Euskadiren izaera industriala eta finantzaketa-mekanismoak eta politika industrialak definitzeko eta ezartzeko bidean lankidetza publiko-pribatuaren bidez enpresa industrialen lehiakortasuna sustatzen SPRIk betetzen duen rola nabarmendu ditu. Euskadiko I+G+b arloko politika RIS 3 Estrategian eta ZTBP 2030en txertatu ondoren, Cristinak lankidetza publiko-pribatuaren balioa azpimarratu nahi izan du. Horrekin lotuta, besteak beste, eragile batzuek (BRTAk, adibidez) eta klusterren politikak duten balioa nabarmendu du. Horrez gain, SPRI Taldeko Teknologia, Berrikuntza eta Jasangarritasun arloko zuzendariak I+G industrialaren jarduera sustatzeko SPRIk eskaintzen dituen programa eta zerbitzu ugariak erakutsi dizkie entzuleei eta, ondoren, energia garbiagoekin lotutako estrategia izan du hizpide. Hori guztia Estrategiaren Pilotatze Taldearen bidez inguruko eragileekin egindako lankidetzaren eta abian dauden ekimen ugarien garapenaren adibide argia da eta, horien artean, azpimarratu beharrekoa da Net-Zero Basque Industrial Super Cluster ekimena.
Net-Zero Basque Industrial Super Cluster ekimenaren baitan aurrera eramandako lanak izango dira bigarren saioan SPRIk izango duen partaidetzaren gai nagusiak. Bertan, Cristina Oyónek energiaren kontsumoari dagokionez intentsiboak diren Euskadiko sektore industrialak deskarbonizatzeko ibilbide-orriak eta hidrogeno berdearekin lotuta identifikatutako erronka teknologikoak (horixe izango da, hain zuzen ere, saioaren gai nagusia) aurkeztuko ditu. Bestalde, hizpide izango ditu prozesuan identifikatutako deskarbonizazio-soluzioak hornitzeko identifikatutako balio-kateak ere.
Ekitaldi honetan Net-Zero Basque Industrial Super Clusterrek izandako partaidetza SPRIren eta EPRIren arteko lankidetzaren emaitza da. Elkarlana 2022ko abenduan adostu zuten NZBIS ekimenaren baitan Euskadiko industriaren deskarbonizazio-prozesua bizkortzeko helburuarekin. Elkarlan horri esker, EPRIk Estatu Batuetan eta Europan dituen langileen babesa eta esperientzia eskaintzen du deskarbonizazioko teknologiak elkarrekin identifikatzeko lanean eta, zehatzago esanda, honako hauekin lotutakoetan ikuspegi objektibotik eta independentetik abiatuta: hidrogeno bidezko teknologiak, energia-eraginkortasuna eta elektrifikazioa.
Net-Zero Basque Industrial Super Cluster (NZBISC) Eusko Jaurlaritzak sustatutako ekimena da eta Euskadiko bi energia-enpresa handien (Petronor-Repsol eta Iberdrola) eta kluster industrialen laguntza jasotzen du. Ekimenaren helburua da Euskadin zero isurpen garbietarako bidea bizkortzea, industria sektoreetan energia-horniduraren deskarbonizazioa eta energia-eraginkortasuna sustatuz, eta teknologia berriak eta zerbitzu berritzaileak handitzeko helburuan oinarritutako merkatu-aukerak sortuz.
Lotutako albisteak
Euskadiko Mugikortasun eta Logistika Klusterreko bazkideen kopurua % 20 hazi da
131 bazkiderekin, Klusterrak % 20 handitu du bere bazkide multzoa azken ekitaldian.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”