Eusko Jaurlaritzaren Deskarbonizazio Industrialaren programak inbertitutako euro publiko bakoitzeko ia bost euroko enpresa-inbertsioak bultzatzen ditu eta, gainera, hurrengo 10 urteotara begira, sortutako CO2 kopurua 1,45 tonatan gutxitzen du
- Aurreikuspenen arabera, CO2 isurien murrizketa 1,45 milioi tona ingurukoa izango da eta lehengaien kontsumoa 467.990 tonatan gutxituko da hurrengo hamarkadan.
- 10 urteko tartean, erregaien kontsumoa 1.232.580 MWh gutxituko da elektrizitatean, 1.106.379 MWh gas naturalean, 2.105.000 litro fuel olioan, eta 7.100.000 litro gasolioan.
Industria, Trantsizio Energetiko eta Jasangarritasun Sailaren Deskarbonizazio Industriala programak, SPRIk kudeatzen duenak, 58 enpresari lagundu zien inbertsio publikoko 17,6 milioi eurorekin eta beste 85,6 milioi euro lortu zituen inbertsio pribatuan. Ondorioz, proiektu bakoitzeko batez besteko dirulaguntza 303 mila eurokoa izan zen.
Onartutako proiektu horietatik, 16tan, eguzki-panel fotovoltaikoak gehitu dituzte. Gainera, % 82 eraginkortasun energetikoko proiektuetara bideratu da, % 15 elektrifikaziora, eta % 3 eraginkortasun energetikoko eta elektrifikazioko proiektuetara.
Honako hauek izan dira sektore onuradun nagusiak: forjaketa eta galdaketa, siderurgia eta metalurgia, beira-fabrikatzaileak, makina-erremintaren fabrikatzaileak, paper-fabrikak, petrolio-finketako fabrikak, ekipo elektrikoen fabrikatzaileak, alkoholik gabeko edarien fabrikatzaileak, osagai aeronautikoen fabrikatzaileak, mekanizazio-enpresak, plastikozko piezen fabrikatzaileak, balorizazioko eta birziklapeneko enpresak.
Erregaien kontsumoa eta CO2 isuriak 10 urtean gutxitzea
Beren produkzio-instalazioak berotegi-efektuko gas gutxiago sortuko dituzten espazio bihurtzeko asmoz 58 enpresa horiek beren prozesuetan abiarazitako prozesuei esker, 10 urteko tartean, erregaien kontsumoa gutxitu ahal izango da: 1.232.580 MWh elektrizitatean, 1.106.379MWh gas naturalean, 2.105.000 litro fuel olioan eta 7.100.000 litro gasolioan.
Hala, Deskarbonizazio Industriala programari esker, 10 urteko tartean, 1,45 milioi tonako balioa duten CO2 isuriak ekidingo dira eta, denbora-tarte horretan bertan, lehengaien kontsumoa 467.990 tonatan gutxituko da (eta, kantitate horretatik, 363.376 tona ur iturriko urarenak lirateke). Bestalde, hondakinen kudeaketa 51.389 tonatan gutxituko da.
Deskarbonizazio industrialeko programa hau deskarbonizazio adimentsurako bidean aurrera egiteko funtsezko tresna da. Gainera, hazkunde ekonomikoa, garapen industriala eta aurrerapen teknologikoak sustatuko ditu. Eusko jaurlaritza industriaren sektorearekin batera garatzen ari da prozesu hori. Gainera, programak legealdian zehar jarraipena izango du, guztira 200 milioi eurorekin (haietako 22 milioi 2025ean).
Deskarbonizazio Industriala programa
Deskarbonizazio Industriala programako laguntzak enpresek prozesua abian jartzera zuzenduta daude. Zehazki:
- Lehendik dagoen produkzio-prozesuarekin zuzenean lotutako makinak erostea.
- Lehendik dagoen ekoizpen-prozesuan osagarri gehigarri laguntzaileak eskuratzea.
- Produkzio-instalazioak hobetzea, adibidez, lantegi industrialeko klimatizazio-sistema edo berogailu-sistema optimizatuta.
- Lehendik ez zeuden establezimendu edo produkzio-lerro berriak eskuratzea.
- Berotegi-efektuko gasen isurpena murriztea eragiten duten proiektuak, hala nola lehengai berri jasangarriak edo bigarren mailako lehengaiak erabiltzea, hondakin industrialak kudeatzea eta horien balioa handitzea, eta fluordun gasak ordezkatzea.
Net-Zero Basque Industrial Super Cluster
Bestalde, eta helburu berarekin, SPRI Taldearen bidez, Eusko Jaurlaritzak, Euskadiko bi energia-enpresa nagusiekin (Iberdrola eta Petronor) elkarlanean, eta industria arloko 16 klusterren laguntzarekin, Net-Zero Basque Industrial Super Cluster egitasmoarekin batera Euskadiko industrian isuri garbietarako trantsizioa bizkortzea bultzatu du. Hala, energia-kontsumoaren deskarbonizazioa eta energia-eraginkortasuna sustatu ditu industrian eta, aldi berean, garapen teknologikoan eta berrikuntzan oinarrituta, merkatu-aukerak sortzea erraztu du.
Gaur egun, mundu mailako ekonomiaren ia % 80k du emisio garbien zero mailara iristeko konpromisoa, hortaz, presazkoa da anbizio handiko helburu hori lortzeko lan egitea. Hala, Net-Zero “Basque Industrial Super Cluster” egitasmoaren helburua da prozesuak bizkortzea eta isuriak gutxitzeko helburua lortzea. Horretarako, landu beharreko lehen puntu gisa energia-hornikuntzaren deskarbonizazioa eta Euskadiko industria sektorearen eraginkortasun energetikoa ezarri ditu.
Lotutako albisteak
Euskadiko Mugikortasun eta Logistika Klusterreko bazkideen kopurua % 20 hazi da
131 bazkiderekin, Klusterrak % 20 handitu du bere bazkide multzoa azken ekitaldian.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”