Euskadik Net-Zero Basque Industrial Super Cluster ekimena aurkeztu du Houstongo (AEBak) “Deskarbonizaziorako aliantza teknologikoak” ekitaldian
SPRI Taldea, Petronor, Energia Klusterra eta Tecnalia Houstonen daude aste honetan, “Net Zero Basque Industrial Super Cluster” ekimena ordezkatzeko World Economic Forum-ek eta Electric Power Research Institute-k antolatutako “Deskarbonizaziorako aliantza teknologikoak” ekitaldian.
Net-Zero Basque Industrial Super Cluster da World Economic Forum-ek 2050erako 0 isuri garbiko helburua betetzeko sustatu duen proiektuan parte hartzera gonbidatutako hamar eskualde-ekimenetako bat
Urriaren 10etik 12ra eginiko ekitaldi horretan elkarrekin batu dira WEF “Transitioning Industrial Clusters towards Net Zero” ekimena osatzen duten kluster guztiak, helburutzat harturik proiektuak eta esperientziak partekatzea, erronkak eta aukerak aztertzea eta beharrezko aliantza teknologikoak sustatzea hainbat sektore industrialen deskarbonizazioranzko trantsizioa azkartzeko.
“Net-Zero Basque Industrial Super Cluster” ekimenaren ordezkaritzak hainbat saiotan parte hartu du hiru egun hauetan. Ekimena bera eta lortutako aurrerapen garrantzitsuenak aurkeztu ditu eta orobat nabarmendu ditu tokiko balio-katearentzako aukera teknologiko eta industrialak, ekimen hau gainerakoengandik bereizten duten elementuak alegia.
Zentzu horretan, merezi du aipatzea euskal ekimena aukeratuetako bat izan dela ekitaldiaren inaugurazio-saioan parte hartzeko eta bertaratuei azaltzeko zeintzuk diren Net Zero Basque ekimenaren helburuak, bazkideak eta ikuspegia, eta zeintzuk diren industrien eta agenteen arteko lankidetzaren onurak tokiko industriaren lehiakortasunerako eta enplegu-sorkuntzarako.
Petronor-ek hitzaldi bat eman du teknologiari buruzko saio batean, non azaldu baitu bere prozesuak deskarbonizatzeko erronka aukera bihurtu dela konpainiarentzat eta Euskadirentzat, Hidrogenoaren Euskal Korridorearen bitartez, lankidetza publiko-pribatuko estrategia bat abiatu baita hainbat proiektu garatzeko hidrogenoaren balio-kateko maila guztietan.
“Walkabout session” saioan, ordezkaritzak garapen teknologiko eta industrialeko hainbat proiektu aurkeztu ditu, hala nola Hidrogenoaren Euskal Korridorea, adimen artifiziala darabilen Bideratu analisi-tresna (Elkartek proiektua) edo Sarralle enpresak lideratutako H-Acero proiektua (Hazitek), zeinak ekipamenduak eta ezagutzak garatzen baititu hidrogeno berdea erabiltzeko prozesu siderurgikoetan.
Aste honetan zehar, euskal ordezkaritzak aldebiko bilerak egingo ditu EPRIko (Electric Power Research Institute) arduradunekin, hidrogeno berdeari, eraginkortasun energetikoari eta elektrifikazioari buruzko esperientziak eta ezagutzak trukatzeko.
Eusko Jaurlaritzako Ekonomi Garapen, Jasangarritasun eta Ingurumen sailburu Arantxa Tapiak aurkeztu zuen Jaurlaritzak lideratutako “Net-Zero Basque Industrial Super Cluster” ekimena azaroaren 3 eta 4an Glasgow-n eginiko Klima Aldaketari buruzko Nazio Batuen 2021-COP26 Konferentzian eta bere bazkide garrantzitsuenak dira Petronor, Repsol eta Iberdrola, zeintzuek euren ahaleginak batuko baitituzte euskal kluster industrialen energia-kontsumoa deskarbonizatzeko.
Une honetan munduko ekonomiaren ia % 80k konpromisoa hartu duelarik zero isuri garbira iristeko, guztiz premiazkoa da behar diren urratsak ematea helburu anbiziotsu hori lortzeko, eta ezinbestekoa da eskualde industrialek, batez ere energia kontsumo handia dutenek (eta CO2 isuri handiak kontsumo horri loturik) paper garrantzitsua jokatzea konpromiso horiek lortzeko ahaleginean. “Net-Zero Basque Industrial Super Cluster” ekimenaren asmoa da deskarbonizazioaren helburu hori aukera bihurtzea garapen teknologikoa eta industriala bultzatzeko Euskadin, lehendik existitzen diren gaitasunak bultzatuz eta berriak sortuz.
Lotutako albisteak
Euskadiko Mugikortasun eta Logistika Klusterreko bazkideen kopurua % 20 hazi da
131 bazkiderekin, Klusterrak % 20 handitu du bere bazkide multzoa azken ekitaldian.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”