SPRIk Nazio Batuetan aurkeztu du euskal industriaren eraldaketa digitala eta balio-kate globaletan duen posizioa
SPRIko Ekimen Estrategikoen arduradun Cristina Oyónek Euskal Industriaren Eraldaketa Digitalari buruzko inkestaren emaitzak aurkeztu ditu Vienan, UNIDO-Garapen Industrialeko Nazio Batuen Erakundearen egoitzan.
Euskadiko 500 bat enpresak erantzundako inkestaren emaitzak datorren urteko Garapen Industrialeko Txostenean (IDR 2020) sartuko dira. UNIDOk bi urtean behin egiten du argitalpen ezagun hori, non hizpide hartzen baitira industriaren garapeneko azken joera eta aurrerapenak testuinguru global batean. Industriaren garapenerako garrantzitsuak diren alderdiak aztertzen dira edizio bakoitzean.
Aurtengo edizioan, IDRk ardatz hartu ditu manufaktura-produkzioaren etorkizuna eta teknologia berriek garapen bidean eta industrializatuta dauden herrialdeetako industrializazio-prozesuan duten inpaktua. Txostena beraizik zentratzen da fabrikazio adimendunaren kontzeptuak berezkoak dituen teknologia digital aurreratuetan, hala nola, Robotika Aurreratua, Adimen Artifiziala, Big Data eta Gauzen Interneta. Teknologia horiekin produkzio industrialeko paradigma berri bat sortzen ari da, gero eta gehiago gaindituz produkzio-sistema fisiko eta digitalen arteko mugak. Euskadira ere iritsi da paradigma berri hori, eta horregatik proposatu du UNIDOk Basque Industry 4.0 esperientzia txertatzea garapen industrialari buruzko hurrengo Industrial Development Report IDR2020 txostenean.
Txosten horren kapitulu bat espezifikoki zentratzen da mundu osoko manufaktura industrietan, eta neurtzen du zein neurritaraino barneratzen dituzten enpresek teknologia berriak, zeintzuk diren aurrean dituzten erronkak, eta nolako inpaktua duen horrelako teknologiaren erabilerak balio-kate globaletan. Helburu hori gogoan, UNIDO teknologia digital berrien erabilerari buruzko enpresa mailako datuak biltzen ari da munduko hainbat herrialdetan.
Euskal Industriaren Eraldaketa Digitalari buruzko inkestaren emaitzak aztertu ondoren, esan liteke teknologia digitalak asko erabiltzen direla Euskadin, inkestatutako enpresen %92k teknologia digital bat barneratu baitu gutxienez. Gainera, enpresen %80k bi teknologia digital baliatzen dituzte eta %70ek hiru.
Zibersegurtasuna, sare sozialak eta lainoko konputazioa izan dira euskal enpresek azken hiru urteotan gehien bereganatu dituzten teknologia digitalak, hurrenez hurren %55, %54 eta %48ko portzentajeekin; aldiz, errealitate handituak, sistema ziber-fisikoek eta biki digitalek %10etik beherako ratioak dituzte.
Euskal enpresak horrelako teknologia digitalak erabiltzen hasi izanaren ondorio garrantzitsuenak dira produktu/zerbitzu adimendun berrien salmentak handitu direla, lehiakortasuna hobetu dela eta bezero berriak erakarri direla.
Euskal Industriaren Eraldaketa Digitalari buruzko emaitza horiek Vienan aurkeztu dira, egunotan txosteneko kapituluak eztabaidatzen ari diren Aditu Taldearen bileran, eta datozen hilabeteetan berretsiko dira Arantxa Tapia Ekonomi Garapen eta Azpiegitura sailburuak UNIDOren egoitzara egingo duen bisitan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra