Okencasa, familietako zaintzaileei laguntzeko programa
Proiektuak gehiegizko lan-karga murriztea eta zaintzaileen egoera emozionala hobetzea lortzen du.
Okencasa ekimena bere sortzaile Iñigo Kortabitarteren -ekintzaile soziala eta eraldaketa digitaleko aditua- esperientzia pertsonaletik sortu da. Bere familiak menpekotasuna duen pertsona nagusi bat zaintzen du duela 9 urtetik, eta denbora horretan argi ikusi ditu egoera horrek dakartzan zailtasunak. “Ideia otu zitzaidan horrelako egoera batean dagoen familia batean bizi naizelako, non etxeko zaintzak antolatzeaz gain, harremanetan egon behar izaten baitugu sistema soziosanitarioarekin, eta hori ez da erraza” azaldu du.
Okencasa proiektua menpekotasuna duen senitarteko bat zaintzen duten pertsonentzako laguntza-zerbitzu bat da. Zaindoo aplikazio mugikorraren bitartez, sistemak hainbat laguntza desberdin eskaintzen ditu, hala nola, hobeto zaintzen ikasteko prestakuntza eta tresnak, gai administratiboei buruzko aholkularitza, eta bideokonferentzia bidezko laguntza psikosoziala zaintzaileentzat. Ekimen hau 2018ko irailean abiatu zen proiektu pilotu gisa, Donostiako 210 familiaren parte-hartzearekin. 18 hilabeteko esperientziaren ondoren frogatu da zerbitzua arrakastatsua dela.
“Sistema honekin asko murriztu da zaintzen gehiegizko lan-karga” azaldu du Kortabitartek, “entrenamendua eta estrategiak eman dizkiegu eguneroko bizitzan sortzen diren egoerei hobeto aurre egiteko, eta horri esker lortu dute zaintza-lanetan denbora gutxiago ematea, astean ia 10 ordu libratuz”. UPV/EHUk eta London School of Economics erakundeak zientifikoki baliozkotu dituzte proiektu pilotuaren emaitza onak, eta frogatuta gelditu da zaintzaileen ongizatea asko hobetzen dela arlo emozionalean, fisikoan zein sozialean. Gainera, proiektu hau konponbide eraginkorra da maila ekonomikoan ere. “Kostu-eraginkortasun ratioa % 100ekoa da, hau da, proiektuari eskaintzen zaion euro bakoitzeko, 2 euroko itzulera jasotzen du administrazio publikoak arreta soziosanitarioko baliabideetan aurreztuz” dio Okencasa ekimenaren fundatzaileak.
Zaintzaileentzako aplikazio mugikorrarekin batera, Okencasa proiektuko lantaldeak lainoko plataforma bat ere garatu du, non familia parte-hartzaileen egoerari buruzko datuak aztertzen baitira. Informazio horrekin jakin daiteke zein zaintza-lan egiten diren aldagai sozio-demografiko desberdinen arabera, eta hobeto ulertu daitezke zaintzaileen premiak. “Orain arte inork ez zuen ezagutzen informazio hori, eta oso baliagarri izan daiteke administrazio publikoentzat laguntza politikak diseinatzeko eta baliabideak kudeatzeko” dio Kortabitartek.
Aurtengo otsailean lehen proiektu pilotua amaitu ondoren, Okencasa lantaldeak 1.000 zaintzailerengana zabaldu nahi du zerbitzua, erabiltzaile bolumen handiago batekin baliozkotzeko proiektua. Epe luzeko helburua da laguntza-zerbitzu gisa eskaintzea senitarteko bat zaintzen duten pertsona guztientzat. “Argi dago gizartea zahartzen ari dela, eta datozen urteetan gero eta gehiago izango dira menpekotasuna duten pertsona nagusiak” dio Kortabitartek, “gaur egun, horrelako pertsonen % 80 senitartekoek zaintzen dituzte etxean, beraz, funtsezkoa da zaintzaileen egoera hobetuko duen laguntza-sistema bat sortzea”. Okencasa proiektuak Eusko Jaurlaritzaren, Gipuzkoako Foru Aldundiaren eta Donostiako Udalaren laguntza jasotzen du.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.