Ekintzailetza Eraldaketa digitala Finantziazioa
Albisteak 24 iraila, 2020

Mundu osoko 750 startup inskribatu dira berrikuntza irekiko BIND 4.0 programan

BIND 4.0ren bosgarren edizioak 57 enpresa handiren lankidetza jaso du; startup hautatuekin batera, sektoreko proiektu berritzaileenak garatuko dituzte haiek
-

 

73 herrialdekoak dira kandidaturak eta horietatik 589 nazioartekoak ‒% 37 gehiago joan den urtearen aldean‒, 59 Euskadikoak eta 100

Startupen % 60ek soluzio bat aurkeztu dute fabrikazio aurreratuaren eremuan aplikatzeko potentzialarekin.

Startupen % 30ek IoT, Adimen Artifizial eta Big Data-ko soluzioak aurkeztu dituzte BIND 4.0n sartzeko.

Hautatutako parte-hartzaileak 2021eko urtarrilean ezagutzera emango dira eta 57 enpresatara izango dute sarbidea, industria, osasun, energia eta elikagaien sektoreetan erreferentziazkoak.

 

Industria adimenduneko berrikuntza irekiko plataformak, BIND 4.0k, bere bosgarren edizioaren deialdia itxi du eta 748 proiektu inskribatu dira guztira; hortaz, % 30 gehiago joan den urtearen aldean. Ekonomiaren Garapen, Jasangarritasun eta Ingurumen Sailaren ekimen publiko/pribatu hau, SPRI taldearen eta Euskadiko ekintzailetzaren ekosistemako UpEuskadi plataformaren bitartez kudeatua, arrakasta handia izaten ari da, eta hori agerian da, gainera, startupen jatorria ikusita. Kandidaturak 73 herrialdetatik etorriak dira; horietatik 584 nazioartekoak –% 37 gehiago joan den urtearen aldean–, 59 Euskadikoak eta 100 Estatukoak. Enpresa traktoreek hautatutako proiektuak 2021eko urtarrilean ezagutzera emango dira.

BIND 4.0 berrikuntza irekiaren eta Industria 4.0ren azelerazioaren erreferente bilakatu da munduan, eta irmotu egin da bere bost edizioetan, Euskadin egoitza duten industria, energia, osasun eta elikagaien sektoreko enpresa nagusien inplikazioari esker. Besteak beste, Mercedes-Benz, Ferrovial, Siemens Gamesa, Quirónsalud, Coca-Cola European Partners eta Unilever enpresa garrantzitsuek bermatuta eta 2016an martxan jarri zenetik jaso izan diren 2.400etik gora kandidaturekin, azelerazio-programa honek indartu egiten du Euskadiren posizioa industria-berrikuntzaren ekosistema gisa, erreferentziazkoa nazioartean. Horregatik, startupek jarraitu egiten dute apustu egiten BIND 4.0ren alde, erreferentziazko bezeroen eskutik merkatuan izango duen sarbidea bizkortzeko modu gisa.

Oso garrantzitsua da azpimarratzea inskribatutako nazioarteko proiektu guztietatik, ia % 40 munduko garapen teknologikoko hub nagusietakoak direla, besteak beste: Estatu Batuak, Erresuma Batua (bigarren eskualdea inskripzio-kopuru handienarekin, Espainiaren atzetik), Singapur, Finlandia, Alemania, Holanda, Israel, Frantzia eta Italia. Gainerako kandidaturetatik (guztira 159) 59 Euskadikoak dira (17 Gipuzkoakoak, 12 Arabakoak eta 31 Bizkaikoak) eta 100 Estatuko gainerako lekuetakoak. Eskaria egonkor mantentzen da aurreko edizioarekiko.

Proiektuen artean, nabarmentzekoa da, beste urte batzuen aldean, Erresuma Batuetako startupak (63); bigarren herrialdea kandidatura gehienekin, Espainiaren ondoren, zeina lehena baiten rankingean. Jarraian, hirugarrena, India (53), eta ondoren Brasil (44) eta Alemania (39), erregistro gehien izandako bosgarren herrialdea. Bestalde, oraindik ere gero eta presentzia handiagoa du Europak, guztira 447 konpainia ordezkaturekin; % 34 gehiago laugarren edizioaren aldean. Bestalde, Hego Amerika bigarren lekuan kokatzen da 89 kandidaturarekin, eta jarraian Hego Asia (79) eta Ipar Amerika (57).

Robotika, biki digitala eta COVID-19 soluzioak indarrez sartu dira teknologia berrien artean

Nahiz eta erregistratutako proiektuen % 30 baino gehiagok oso teknologia iraultzaileen alde apustu egin (Gauzen Internet, Adimen Artifiziala edo Big Data) beren soluzioak garatzeko, nabarmentzekoa da aurten erakutsi den interesa arlo hauetan: robotika, laugarren teknologia kandidatura-kopuru handienarekin; Biki Digitala, eta aplikazio teknologikoak krisi sanitarioaren ondorioz sortutako premiei erantzuteko. Bosgarren edizio honetan inskribatu diren startup guztiek kalitate handiko soluzio abangoardistak aurkeztu dituzte, prozesuak, zerbitzuak eta produktuak hobetzea helburu hartuta.

Parte hartzeko eskarien artean, nabarmentzekoa da startupen % 60ek soluzio bat aurkeztu dutela fabrikazio aurreratuaren eremuan aplikatzeko potentzialarekin. Ondoren, bigarren lekuan, % 35eko ordezkaritzarekin, osasunaren sektorean aplikazio posiblea izango duten teknologiak; eta hirugarren lekuan, proiektuen % 32 energiaren sektorean aplikatzekoak dira, eta beste % 31k erabilera-kasu bat dute elikagaien segmentuan.

 

57 enpresa handik hautatuko dituzte finalistak

BIND 4.0ren bosgarren edizioak 57 enpresa handiren lankidetza jaso du; startup hautatuekin batera, sektoreko proiektu berritzaileenak garatuko dituzte haiek. Programan azkena gehitu izan diren enpresetako batzuen artean daude Enagás, Erhardt, GH Cranes & Components, Ingeteam, Tubos Reunidos eta Vidrala. Hori da, zalantzarik gabe, arrazoietako bat BIND 4.0 munduko erreferentzia gisa kokatzeko azelerazioko eta berrikuntza irekiko programetan eta, beraz, erakargarri handi bat da aurten parte hartzen duten konpainientzat eta ekintzaileentzat. Edizio honetan, bestalde, normaltasun berriaren segurtasun-neurriekin bat etorriz garatuko da programa.

Gainera, enpresa partner horiek erabakiko dute zein startupek parte hartuko duten azkenean azelerazioko programan, 2021eko urtarrilean. BIND 4.0k mentoring zerbitzu bat eskaintzen die startupi, mundu mailako profesionalek emana, baita prestakuntza-programa osatu bat ere, industriaren eremuan arrakasta izateko beharrezkoak diren trebetasunak eta gaitasunak gara ditzaten. Era berean, parte hartzearekin bakarrik, sarbidea izango dute finantzazio-iturri eta dirulaguntza desberdinetara, eta gainera doan erabili ahal izango dute langune bat Euskadiko BICetan (Enpresa eta Berrikuntza Zentroak).

Industria adimenduneko berrikuntza irekiko programak guztira 108 startup bizkortu ditu eta 178 proiektu berritzaile garatu ditu sektore hauetan: fabrikazio aurreratua, energia adimenduna eta osasunaren eta elikagaien teknologia, bere bost deialdietan. Ekimen hau hasi zenetik, BIND 4.0n garatutako proiektu guztiek 4,5 milioi euroko fakturazioa lortu dute.

BIND 4.0ri buruz

BIND 4.0 industria adimenduneko berrikuntza irekiko plataforma publiko/pribatu bat da, Ekonomiaren Garapen, Jasangarritasun eta Ingurumen Sailak SPRI taldearen eta Euskadiko ekintzailetzaren ekosistemako UpEuskadi plataformaren bitartez kudeatua. Gaur egun, Euskadin egoitza duten erreferentziazko 57 enpresa nagusirekin lankidetzan dihardu, eta nazioarteko laguntzaile teknologikoek ere parte hartzen dute, hala nola Siemens, Microsoft eta Amazon Web Services-ek. Ekimena helburu bikoitzarekin sortu zen: alde batetik, industriaren eraldaketa digitala bultzatzea, eta, bestetik, ekimen berritzaileak sendotzeko prozesua enpresa handien eta startupen arteko lankidetza-eredu baten bitartez bizkortzea. 2016. urteaz geroztik, BIND 4.0 plataformak bere lau edizioetan 100 startupek baino gehiagok garatu dituzten 178 proiektu bizkortu ditu guztira.

Lotutako albisteak

Bilbok  Osasunaren  etorkizun  digitalari  buruzko  jardunaldia  jasoko  du  hilabete  honetan

Bilbok Osasunaren etorkizun digitalari buruzko jardunaldia jasoko du hilabete honetan

24an egingo da BAT dorrean

Toribio  Echevarría  Sariek  35.  edizioa  betetzen  dute  aurten,  hainbat  berritzasunekin
15/09/2025 Ekintzailetza

Toribio Echevarría Sariek 35. edizioa betetzen dute aurten, hainbat berritzasunekin

Hautagaitzak aurkezteko epea urriaren 9ra arte dago zabalik

Eusko  Jaurlaritzak  mundu  osoko  882  startup  erakarri  ditu  Euskadiko  70  enpresarekin  lan  egiteko
15/09/2025 Ekintzailetza

Eusko Jaurlaritzak mundu osoko 882 startup erakarri ditu Euskadiko 70 enpresarekin lan egiteko

Startupek edizio honetan parte hartu duten 70 enpresek planteatutako 12 erabilera-kasuei erantzuteko hautagaitzak aurkeztu dituzte.

Eusko  Jaurlaritzak  abian  jarri  ditu  gaur  egungo  muga-zergen  egoerari  erantzun  publiko-pribatua  emateko  lehen  3  mahai  sektorialak
11/09/2025 Kluster politika

Eusko Jaurlaritzak abian jarri ditu gaur egungo muga-zergen egoerari erantzun publiko-pribatua emateko lehen 3 mahai sektorialak

Lehentasunezko hiru sektoretan egingo dira: siderurgikoa, fabrikazio aurreratua eta automobilgintza

Elkargik  eta  Kenta  Capitalek   lehenengo  zor  funtsa  jarri  dute  abian,  EAEko  eta  Nafarroako  enpresen  hazkundea  finakuntzatzeko
10/09/2025 Finantziazioa

Elkargik eta Kenta Capitalek  lehenengo zor funtsa jarri dute abian, EAEko eta Nafarroako enpresen hazkundea finakuntzatzeko

Elkargi eta Kenta Capital erakudenak urtebete baino gehiagoz lankidetzan aritu ondoren sortutako proiektu aitzindaria da eta Mirai Investments euskal taldeak gidatutako inbertitzaileen babesa izango duena.

Habitakek  AA  teknologiaren  laguntzarekin  higiezinen  zerbitzuak  iraultzen  ditu
09/09/2025 Ekintzailetza

Habitakek AA teknologiaren laguntzarekin higiezinen zerbitzuak iraultzen ditu

Plataformak adimen artifiziala erabiltzen du jabeak, erosleak, agenteak eta sektoreko profesionalak konektatzeko.

Imanol  Pradales  lehendakariak  hasiera  eman  dio  ikasturte  politikoari

Imanol Pradales lehendakariak hasiera eman dio ikasturte politikoari

Trumpen kargek euskal industrian, lehen sektorean eta lehengaietan izango dituzten ondorioak aztertzen ari da Eusko Jaurlaritza

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.