Magnet: “gure plataformak aukera ematen du etorkizunean iraungo duten produktu digitalak eraikitzeko”
Digitalizazioak produktu eta negozio-eredu berriak sortzeko beharra sortu du. Hala ere, proiektu digital berri horiei ekitea batzuetan garestia eta konplexua izaten da, bai ekonomikoki, bai denborei dagokienez. Magnet, hain zuzen ere, ideiaren eta azken produktuaren arteko amildegi hori konpontzeko sortu zen. Teknologiarekiko eta sormenarekiko pasioa duten informatikari, ingeniari, diseinatzaile eta aholkulari talde batekin, Oñatiko (Gipuzkoa) kooperatibak plataforma teknologiko modular bat garatu du bezeroari irtenbide eskalagarri, eraginkor eta malguak azkarrago eta fidagarriago eraikitzen laguntzeko.
“Gure plataformak erabiltzaileen kudeaketarako funtzionaltasunak, pribatutasuna eta segurtasuna, monitorizazioa, zerbitzuen API, nazioartekotzea eta datu-base aldaezinak biltzen ditu, besteak beste. Horrela, zerotik hasi beharrean, zure ezaugarriak eta funtzionalitateak oinarri sendo baten gainean eraiki ditzakezu, beharrezkoa den heinean sortuz, zabalduz edo aldatuz”, azaldu du Asier Galdos Magneteko CEOak. Hau da, plataformak azpiegitura hedatzea automatizatzen du. Galdosen arabera, “azpiegitura hori 2 minutu baino gutxiagoan sor daiteke abio-script bat erabiliz”, erabiltzailea negozioaz arduratu ahal izateko eta merkaturatzeko epea murrizteko.
Azkartasun hori, ordea, ez da kooperatibaren osagai bereizle bakarra; izan ere, irtenbidea, enpresatik esaten duten bezala, ‘etorkizunean irauteko egina’ da. “Horrekin esan nahi dugu garapenak zor tekniko murriztua duela, hau da, bateragarria da bai aurreko bertsioekin, bai etorkizunekoekin. Hori lortzeko Clojure kodean oinarritzen gara, hodeian edo tokiko azpiegituran hainbat aplikazio eraikitzea ahalbidetzen duen kode dinamikoa. Duela hamar urteko kodea ez litzateke gaur egun hautsi behar, eta orain ezarritakoak ere hamarkada bat barru funtzionatu beharko luke”, Magneteko CEOak argitu duenez.
Kodeaz gain, Open Source teknologian ere oinarritzen da irtenbidea. “Hori da gure plataformaren beste indarguneetako bat, bezeroak garatutako produktuaren kontrol osoa duela esan nahi baitu. Teknologia horri eta estandar irekiei esker, bezeroak MPL lizentzia eskuratu dezake (merkataritza-lizentziekin eta jabeekin bateragarria) eta, beraz, bere azken produktuaren jabea izan”, azpimarratu du Galdosek.
‘Boutique’ aholkularitza teknologikoa
Kooperatibak hainbat sektoretarako egindako proiektuen zerrenda luzea du atzean, betiere oso selektiboa izanik lan egiten duen bezero-mota erabakitzerako orduan. “Geure burua ‘boutique’ aholkularitza teknologiko gisa aipatzea gustatzen zaigu, nahiko selektiboak baikara proiektuak onartzeko orduan. Bezeroarekin ondo egokitzea gustatzen zaigu, gure balioekin bat datorrela sentitzea”, zehaztu du Asier Galdosek.
Duela gutxi ScrapAd startup-erako proiektu bat amaitu du. Birzikla daitezkeen materialen marketplace bat da, iazko irailean milioi bat euroko finantzaketa-erronda itxi zuena nazioartean hedatzea bultzatzeko. “Proiektu honetan marketplace oso bat eraikitzeko aukera izan dugu, denbora errealean txat, jakinarazpen, ordainketa, logistika eta back office baten bidez integratutako negoziazioarekin”, azaldu du Magneteko CEOak.
Orain, kooperatiba oñatiarra hainbat proiektutan murgilduta dago: itsas hondakin plastikoei buruzko plataforma digital batean, Holandako fundazio baterako; IoT proiektu batzuetan; ahots/bideo komunikazioetan eta Afrikako malariaren aurkako proiektu batean, besteak beste. “Gure plataformak, eboluzionatzen jarraitzen duenak, eta Clojure ekosistemak anbizio handiko proiektuak egiteko aukera ematen digu, talde txiki samar batekin”, amaitu du Galdosek.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.