Lehendakariak eta Bizkaiko Ahaldun Nagusiak EIC Energy Intelligence Center Fundazioa aurkeztu dute
Imanol Pradales Lehendakariak eta Elixabete Etxanobe Bizkaiko Ahaldun Nagusiak EIC Energy Intelligence Center Fundazioa aurkeztu dute gaur goizean, Abanto-Zierbenako (Bizkaia) Ezkerraldea-Meatzaldea Teknologia Parkean. Fundazioak zentroa kudeatuko du, zehazki, I+G+b plataforma kolaboratiboa, trantsizio energetikoa sustatzeko eta Bizkaia eta Euskadi esparru horretako nazioarte mailako erreferente izan daitezen. Fundazioak klima-aldaketaren aurkako borroka eta industriaren eta teknologiaren garapena uztartzen ditu, eta industria deskarbonizatuan balio-kateak indartzen dituzten proiektuak bultzatzen ditu. Kualifikazio handiko talentua koordinatzen du, ezagutza sortzen du eta lankidetza estua du trantsizio garrantzitsu horretan inplikatutako eragile guztiekin.
Honako hauek dira Fundazioaren patronatuko kideak: Mikel Amundarain, Energiaren Euskal Erakundearen (EEE) zuzendari nagusia; José Ignacio Zudaire, Hidrogenoaren Euskal Korridorearen (BH2C) presidentea; Leire Colomo, Energy Advanced Engineering Fundazioaren presidentea; Juan Villar, Nortegasko kontseilari delegatua; José Luque, Petronorren kontseilari delegatua, eta azkenik, Elixabete Etxanobe, Bizkaiko Ahaldun Nagusia eta fundazioaren presidentea.
Etxanobek adierazi duenez, deskarbonizazio adimendunaren estrategia baten bidez soilik lortuko dugu gure industria lehiakorragoa izatea mundu mailako merkatuan eta gaur egungo klima-larrialdiari aurre egitea. Ahaldun nagusiak gaineratu du bide horretan aurrera eginez gero, deslokalizazioa gertatzeko eta enplegua galtzeko arriskua txikiagoa izango dela Bizkaiko eta Euskadiko industrian. Azkenik, Etxanoberen esanetan, EICk lagunduko du balio erantsi handiko deskarbonizazio-teknologiak garatzen, esaterako, erregai berriztagarrien arlokoak; izan ere, teknologia horiek oso aukera onak dira gure lurraldearentzat, eta 2050ean neutraltasun klimatikoa lortzen lagunduko dute.
Imanol Pradales Lehendakariak eman dio amaiera EIC Fundazioaren aurkezpen-ekitaldiari. Trantsizio energetikoa eta deskarbonizazioa erronka partekatuak dira Euskadin. Herrialde txikia eta menpekotasun handikoa garen arren, gaitasun paregabeak ditugu proiektu industrial eta teknologiko berrien lidergoa hartzeko. Gure sare elektrikoaren gaitasuna handitu behar dugu, gure indarguneak inteligentziaz aprobetxatu eta erabaki orekatuak hartu, trantsizio ordenatua, bidezkoa eta azkarra egiteko. Ahalegin horrek erakunde, enpresa eta gizarte osoaren inplikazio aktiboa eskatzen du
esan du.
Deskarbonizazio eraginkorrerako teknologiak
Fundazioaren jarduketak deskarbonizazio efizientea ahalbidetzen duten teknologien garapenarekin eta bilakaerarekin lotuta daude. Beste jarduketa batzuk energiaren sektorerako azpisistemen eta osagaien diseinu eta fabrikazio aurreratuaren arlokoak izango dira, ardatz hauetan oinarrituta: deskarbonizazio zaileko prozesuak, hala nola garraio astuna edo distantzia luzekoa; tenperatura altuan egiten diren industria-prozesuak, eta karbono-aztarna txikiko energien ekoizpena. Helburua da jarduera berriak sortzea eta lurraldeko enpresen nazioarteko lidergoari eustea.
Horretarako, EIC Fundazioak zaintza teknologikoa egingo du; talentua garatzeko, erakartzeko eta fidelizatzeko ekimenak sortuko ditu; nazioartean kokatzeko lan aktiboa egingo du, inbertsio eta proiektu berritzaileak erakartzeko, eta elkarlaneko I+G+b bultzatuko du EICren ekosistemako enpresen artean. Jarduera hori EICn egingo da, Ezkerraldea-Meatzaldea Teknologia Parkean (Bizkaia). Bertan, elkarlaneko ikerketa- eta garapen-proiektuetarako espazioak daude, esaterako, I+G+bko bulegoak eta laborategiak energia-sektoreko enpresentzat eta laborategi espezializatu bat. Horretaz gain, eremu handi batean trantsizio energetikorako saiakuntzak eskala errealean (full-scale) egiteko makinak instalatuko dira.
Ibilbide-orri teknologikoa
EIC Fundazioa aurkezteko ekitaldian, parte hartzaileek erregai berriztagarrien ibilbide teknologikoaren orria aztertu dute; izan ere, hori funtsezkoa da Euskadiko eskaintza teknologikoaren eta deskarbonizazio-proiektu zehatzak dituzten enpresen eskariaren arteko lankidetza sustatzeko. Hauek hartu dute parte ekitaldian: Ainara Basurko Ekonomia Sustatzeko foru diputatua, Jose Luis Elejalde Tecnaliako Energia, Klima eta Hiri Trantsizioko Unitateko zuzendaria,Laura Barrio, UPV/EHUko Ingurumenaren Ingeniaritza Kimikoko irakaslea eta ikertzailea eta Eva Gutiérrez Teknikerreko Plasma bidezko Estalduren Teknologien Unitateko zuzendaria. Ibilbide-orri hori Erregai Berriztagarrien Hub-aren oinarria izango da; hub hori oinarrizko elementua da Euskadin deskarbonizazioaren erronkaren inguruan industriako garapen teknologikoa bizkortzeko, eta EICk bere gain hartuko du haren kudeaketa.
Iván Martén Orkestrako presidenteak ere parte hartu du, eta nabarmendu du berrikuntza teknologikoak eta deskarbonizaziorako irtenbideek eragin positiboa izango dutela Euskadiko industria-garapenean. Martén fundazioaren aholku-batzordeko kideetako bat da, eta, era berean, batzorde horretako kideak dira Energy Intelligence Center Fundazioari balio-proposamena definitzeko eta garatu beharreko lehen proiektuak identifikatzeko aholkularitza eman dioten zenbait aditu.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da