Hack4Elder, 30 ordu zahartze aktiborako konponbide berritzaileak sortzeko
Zabalik dago epea garapen-maratoian izena emateko
Biztanleriaren bizi-itxaropena luzatu egin da eta, horrekin batera, zahartze aktiboa Europako erronka handienetako bat bihurtu da. Aurreikuspenen arabera, Europako hiritarren %25ak 65 urtetik gora izango ditu 2020an, eta errealitate horrek premia berriak dakartza, baina baita ere berritzeko aukerak. Zentzu horretan, gero eta handiagoa da pertsona nagusien autonomia eta bizi-kalitatea hobetuko duten konponbide berrien eskaera.
Bilbon egingo da Hack4Elder hackatoia datorren irailaren 22 eta 23an, Deustuko Unibertsitateak eta Active and Assisted Living Programme ekimen europarrak antolaturik. Egun eta erdiko maratoi bat da, non parte-hartzaileek taldean lan egin beharko baitute zahartze aktiborako konponbide berriak garatzeko. Helburua da irailaren 22-23ko asteburuan zehar proposamen berriak sortzea (teknologian oinarrituak edo ez), pertsona nagusiei beren potentzial osoa aprobetxatzen laguntzeko.
Deialdi hori mota desberdinetako profilei zuzentzen zaie: diseinuaren eta garapenaren arloetako profesionalei, ekintzaileei, akademiaren arloko ikertzaileei edo osasunaren arloko profesionalei. Hackatoiaren hasieran diziplina anitzeko taldeak sortuko dira, proposamen sortzaile eta berritzaileak garatzeko.
Topaketa beraizik zuzentzen zaie zahartzearekin eta Silver ekonomiarekin lotutako ideia bat edo arazo bat planteatzen duten pertsona edo lantaldeei. Halere, hori ez da nahitaezko baldintza, zeren garapen-maratoiaren hasieran lantaldeak egingo dira eta parte-hartzaileek aukera izango dute gehien atsegin duten proiektuarekin bat egiteko. Proposamenak ere mota askotakoak izan daitezke: autonomia pertsonala, pertsona nagusien zaintza eta gizarteratzea, ikaskuntza aktiboa edo arreta sozio-sanitarioaren hobekuntza, besteak beste.
Izena emateko epea zabalik dago irailaren 21era arte. Lehenengo parte-hartzaileek dohainik eskuratu ahal izango dute AAL fororako sarrera bat, zeina Bilbon egingo baita, irailaren 24tik 26ra. Urteroko jardunaldi horien helburua da IKTen bidez digitalki eraldatzea osasun sektorea eta pertsona nagusien gizarteratzea. AAL (Active and Assisted Living Programme) Europako Batzordeak kofinantzatutako ekimen bat da, proiektu publiko-pribatuak garatzeko zahartze aktiboaren eta teknologia berrien arloetan.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat