Gogoa Mobility: armadura baten indarra
Hiru urte eskasean, Gipuzkoako Gogoa Mobility ETEa mundu mailako erreferente bihurtu da industria eta osasun arloetarako exoeskeletoen garapenean
I+G-ren alde egin duen apustu irmoari esker, une honetan Euskadin dago exoeskeletoak fabrikatzeko eta saltzeko baimena duen Europako enpresa bakarra. Titaniozko edo karbono zuntzezko armadura moduko bat da, pertsona baten bizkarrera edo gerrira egokitzen dena eta mugimendua eragiten duena serbomotor edo sistema hidrauliko baten bidez. Eta horrek guztiak helburu bikoitza du: mugikortasun arazo larriak dituzten pazienteen bizitza hobetzea eta, lantegietako langileen kasuan, objektu astunak altxatzen eta manipulatzen laguntzea inolako kalte fisikorik eragin gabe.
Testuinguru horretan sortu zen Gogoa Mobility Robots enpresa gipuzkoarra. Goi-mailako Ikerketa Zientifikoen Kontseiluko spin off bezala sortu zen, eta hiru urteren buruan txoko bat lortu du robotika eramangarriaren sektorean. Gainera, hornitzaileen parke esklusibo bat bultzatu du Uribe Kostako ETEen artean. Enpresako zuzendari Carlos Fernández Isoirdek konpainia berezi honen giltzarriak aztertu ditu.
Mugitzeko ezgaitasuna duen pertsona batek –adibidez, gurpildun aulki batean dagoen norbaitek- amets egin dezake robotikari esker?
Bai. Robotikari esker posible izango da egoera horretan dagoen pertsona bat oinez ikustea, baina ez hori bakarrik, zeren giltzarria izan baitaiteke iktus baten ondorioz lesio partzialak dituzten pertsonak errehabilitatzeko edo mugikortasunean eragina duen endekapenezko gaixotasun neurologiko bat duten pertsonen bizitza hobetzeko.
Baina posible da egoera horiei buelta ematea?
Bai, hainbat kasutan lortu dugu lesioa leheneratzea eta pertsonek mugikortasun-patroi askoz hobea izatea.
Zein da Gogoaren balio bereizgarria?
Gure errehabilitaziorako exoeskeletoa da 2A mailako CE ziurtagiria duen Europako exoeskeleto bakarra. Munduan bost enpresak bakarrik daukate ziurtagiri hori.
Nola definituko zenuke zuen egitura?
Egitura elektro-mekaniko bat da, gorputzari egokitzen zaiona kanpoaldetik eta beheko artikulazioak (hankak) edo goikoak (besoak, aldaka eta bizkarraren zati bat) erreproduzitzen dituena pazienteak galdu duen mugikortasuna berreskuratzeko. Edo, industria arloan, kargak errazago mugitzen laguntzeko, inolako kalte fisikorik eragin gabe.
Zein abantaila eskaintzen ditu zuen garapenak industri arloan, adibidez, muntaia-kate batean?
Funtsean, exoeskeletoak eutsi beharreko pisua murrizten du karga astunak mugitzean edo denbora luzez besoak eta eskuak sorbalden gainetik jarrita lan egin behar denean. Exoeskeletoak aukera ematen dizu karga besoekin eusteko posizio horretan baina hainbeste nekatu gabe, zama gerrialdean kontzentratzen delako –non giharrak askoz indartsuagoak, gogorragoak eta lesionatzeko zailagoak baitira-, eta horrela, besoek “atseden hartzen” dutelako.
Zein da exoeskeleto industrial baten helburua?
Zalantzarik gabe, lesioak prebenitzea. Pentsa ezazu Espainian ia 40 milioi baja egun hartzen direla giharretako lesioen ondorioz eta horrek 1.700 milioi eurotik gorako kostua duela. Euskadin laneko bajen kostuaren ia erdia gihar eta hezurretako lesioek sortzen dute, beraz, normala da enpresak horren inguruan mugitzea eta teknologia berriak aztertzea, lagungarri izan baitaitezke pertsonentzat, eta ez lehiakide.
Eta hortik aurrera?
Hortik aurrera, exoeskeleto industrial batek langile baten lana errazten du, baldin eta denbora luzez mugimendu berberak egin behar baditu (halaxe gertatzen da, adibidez, logistika, retail edo automozio sektoreetan).
Non muntatzen dituzue zuen garapenak?
Hemen, etxean, %100ean. Urretxun dugun egoitzan diseinatzen eta fabrikatzen ditugu exoeskeleto guztiak, kasu honetan, ia “kartara” eginiko piezak ematen dizkiguten hornitzaileen parke batek lagundurik. Hiru urteotan lan asko egin dugu gure inguruko enpresa horiek kualifikatzeko, baina merezi izan du.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua