DURABLE proiektu europarrak droneak eta robotak erabiliko ditu energia berriztagarrien hedapena bultzatzeko
DURABLE proiektuak 3,9M€ko aurrekontua du eta Esparru Atlantikoko Interreg programak finantzatu du. Proiektua ezagutzera emateko bilera pasaden apirilaren 12an egin zen Bidarten (Frantzia).
Alerion Technologies, Lortek S. Coop eta Euskadiko Energia Klusterra dira Europa osoko bazkideak dituen 10 partaide euskaldunak. Parte hartzen duten herrialdeak Erresuma Batua, Espainia, Frantzia, Irlanda eta Portugal dira.
DURABLE proiektu europarrak Biarritzen egin du gaur ezagutzera emateko saioa, eremu atlantikoan (Erresuma Batua, Espainia, Frantzia, Irlanda eta Portugal) energia berriztagarrien garapena bultzatzeko asmoz. Proiektuak 3,9M€ko aurrekontua du eta Esparru Atlantikoko Interreg Programak finantzatu du Europako Eskualde Garapenerako Funtsaren bitartez.
DURABLE proiektuaren bitartez, energia berriztagarrien erabilgarritasuna bultzatu nahi da, energia eolikoko nahiz eguzki-energiako sistemen eragiketa eta mantentze-lanetako robotikari aplikatutako teknologia aeroespazialen baliozkotze eta erakustaldien bitartez. Teknologia honek aplikazioak arakatu eta konpontzeko lanak erraztuko ditu, kostuak murriztuz eta ekoizpena areagotuz.
Proiektu honek Frantziako Ecole Supérieure des Technologies Industrielles Avancées (ESTIA) deritzona du buru eta euskal presentzia zabala ere lortu du, horri atxikita baitaude hiru euskal bazkide hauek: Alerion Technologies, Lortek S. Coop. eta Energia Klusterra.
DURABLE akronimo hori ‘Mantentze-lanetako droneak eta robotak eremu atlantikoan energia berriztagarriak sustatzeko’ deritzon proiektuari dagokio. Lehenengo aldiz, proiektu honek teknologia disruptibo aeroespazialak eta robotikoak aplikatuko ditu, baita suntsipenik gabeko ikuskapenari nahiz fabrikazio aditiboari dagozkienak ere, energia eolikoko zein eguzki energiako parkeetako eragiketa eta mantentze-lanen egungo erronkak gainditzeko.
Proiektuak eguzki-energiako nahiz energia eolikoko parkeetako teknologia erabilgarrien eta eragiketa eta mantentze-lanetako beharren mapeoa egingo du, gerora teknologia horiek aplikatu ahal izateko. DURABLEren bukeran, proiektu pilotu baten maketa bat eta soluzio baten proba egingo dira.
Proiektuaren argudioak
Hauxe da DURABLE proiektuaren laguntzaz gainditu nahi den erronka Interreg eremu atlantikoko programaren barruan: energia berriztagarrien sektorearen egungo paradigma aldatzea, eremu atlantikoko esparru teknologiko, instituzional, industrial eta sozialaren eraldaketaren bitartez.
Izan ere, eremu atlantikoa Europar Batasunaren (EB) batezbestekoaren azpitik dago iturri berriztagarrietatik datorren energiaren kontsumoari dagokionez. Herrialdeek energia berriztagarria ekoizteko teknologiak eguneratu behar dituzte erronka horiek gainditzeko.
5 herrialde atlantikotako 10 bazkide
DURABLE proiektuak 5 herrialde atlantikotako 10 bazkide dituen partzuergo batek bultzatu du, 7 zentro teknologiko/unibertsitate, 2 kluster eta bazkide industrial 1 tarteko direla. Gainera, atxikitako beste 6 erakundek ere parte hartu dute, Aholku Batzorde bezala.
Hauexek dira proiektuko bazkideak:
Zentro teknologikoak /unibertsitateak
- Ecole Supérieure des Technologies Industrielles Avancées (ESTIA) – Frantzia (liderra)
- Teknologia Aeroespazialen Zentro Aurreratua (CATEC) – Espainia
- Dublin City University – Irlanda
- Instituto Superior Técnico – Portugal
- Lortek S. Coop – Espainia
- Sevillako Unibertsitatea – Espainia
- University of the West of England, Bristol – Erresuma Batua
Klusterrak
- Andaluziako Korporazio Teknologikoa (CTA) – Espainia
- Euskadiko Energia Klusterra – Espainia
Bazkide industrialak
- Alerion Technologies – Espainia
Aholku Batzordea
- Abengoa Energía – Espainia
- AETOS Droneen Klusterra – Frantzia
- Altran – Frantzia
- Drona`tech – Frantzia
- Agencia IDEA agentzia – Espainia
- Eraldaketa Lehiakorrerako Sozietatea (SPRI) – Espainia
Energia Klusterrari buruz
Energia Klusterrak Euskadin dauden energia sektorearen balio-kateko enpresa nagusiak (energia-operadoreak, ekipo eta osagaien fabrikatzaileak zein ingeniaritza eta zerbitzuetako enpresak), Zientzia, Teknologia eta Berrikuntzaren Euskal Sareko eragileak eta energia arloko erantzukizunak dituzten administrazio publikoko erakundeak biltzen ditu. Egun 177 bazkide ditu, eta jarduera ugari egiten ditu nazioartekotzearen, garapen teknologikoaren eta enpresa-berrikuntzaren esparruetan.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du