Acutronic Robotics enpresak Euskadin fabrikatu eta garatu du merkatuko lehen robot industrial modular eta kolaboratiboa
Egoitza Gasteizen duen konpainia honek euskal hornitzaileekin lan egiten du roboten osagaiak fabrikatu eta muntatzeko
Robotika industrialak beti izan du presentzia handia Euskadin, baina, euskal teknologi zentroen garapenez harago, sekula ez da egon gure enpresen artean horrelako robot bat fabrikatzeko epe luzeko proiekturik. Erle Robotics enpresa arabarrak -orain Acutronic Robotics bihurtua Acutronic multinazional suitzarrak erosi ondoren- erronka honi heldu dio eta Euskadin fabrikatu du Estatuko eta nazioarteko merkatuko lehenengo robot industrial modular eta kolaboratiboa. Acutronic Robotics enpresako zuzendari nagusi Víctor Mayoralekin hitz egin dugu.
Zein da Acutronic Robotics enpresaren jatorria?
Acutronic Suitzako multinazional bat da, mundu mailako lidergoa duena zehaztasun handiko mugimenduak simulatzeko konponbide robotikoetan, eta hainbat sektore barne hartzen ditu: aeronautika, garraioa, espazioa, defentsa eta dispositibo elektronikoak. Acuatronic-ek 2016an erosi zuen bi urte lehenago hiru bazkideren artean Gasteizen sortu genuen Erle Robotics empresa. Erosi ostean, Acutronic-ek erabaki zuen Araban ezarriko zuela Acutronic Robotics dibisioa eta neu izango nintzela zuzendari nagusia, helburutzat hartuz robotika industrialaren lider bihurtzea nazioartean. 2017an Sony enpresa japoniarra sartu zen Acutronic Robotics-en kapitalean. Gure bulego operatibo nagusia Araban dago eta 25 lagun ari gara lanean. Oso harro gaude Gasteizen gelditu garelako eta, enpresaren buru naizen bitartean, ez gara hemendik mugituko.
Denbora horretan MARA garatzen aritu zarete, Euskadin garatu eta fabrikatutako lehen beso robotiko kolaboratibo eta modularra. Zertan datza?
MARA merkatuko lehen robot modular industriala da, zeregin desberdinak egin ditzakeena bai industrian eta bai arlo akademikoan. Modularra izatea da, hain zuzen, beste robot industrial batzuengandik bereizten duena: pieza desberdinekin egina dago, Lego bat bezala. Posible da aldatzea motorrak, gripper edo pintzak, euste-mekanismoak… Segundo gutxitan alda ditzakegu sentsoreak, eragingailuak eta baita ere elementu mugikorrak, hau da, MARA toki batetik bestera mugitzeko aukera ematen dutenak. Nola modularra den, errazagoa da eraikitzeko, konpontzeko edo mantenimendu lanak egiteko.
Robot kolaboratibo hau bereziki pentsatuta dago gizakiekin besoz beso aritzeko, eta betetzen ditu pertsonekin ingurune hurbiletan kolaboratzeko ezarritako arauak. Langile bat inguruan duenean, abiadura gutxitzen du eta gai da langileari agindu sinple batzuk emateko zeregin desberdinak egin ditzan. Estatuko eta nazioarteko merkatuko lehen robot kolaboratibo modularra da.
Robotentzako osagaiak fabrikatzen dituzten enpresa askoren oztopo handienetako bat izan da beren piezak marka zehatz bateko robotekin bakarrik erabil zitezkeela. Orain, tokiko zein nazioarteko enpresekin ari gara lanean, osagai horiek MARArekin ere erabiltzeko modukoak izan daitezen.
MARA robot kolaboratiboa da. Cobotek badituzte hainbat muga robot industrial tradizionalekin alderatuta. Zergatik erabaki duzue robot kolaboratibo bat egitea?
Robot kolaboratiboak edo cobotak gehiago erabiltzen dira karga gutxiagoko lanetan edo hain konplexuak ez direnetan, baina coboten merkatua da gaur egun robotikaren munduan azkarren hazten ari dena. Iaz robot industrialak baino robot kolaboratibo gehiago merkaturatu ziren. Robot fabrikatzaile guztiak ari dira robot kolaboratiboen bertsio propio bat sortzen, beraz, merkatuan badago interesa.
Bestalde, robot kolaboratiboek badituzte muga batzuk zenbait zeregin gauzatzeko, baina MARArekin lortu dugu robota malguagoa izatea. Nola modularra den, posible dugu osagaiak aldatzea eta karga erabilgarri gehiago izatea azkarrago. Motor trukagarriak dauzkagu, 2 kiloko karga erabilgarritik 15 kiloraino pasa daitezkeenak, eta horrek lehiakorrago egiten gaitu.
Zuen beste apustu bat izan da ROS 2.0 erabiltzea robot modularretarako sistema operatibo bezala.
ROS 2.0 da robotikako aplikazioak garatzeko sektoreko framework garrantzitsuena. Mundu akademikoko kideen %95ek erabiltzen dute eta industrian ere gero eta presentzia handiagoa du. Amazon edo Google bezalako enpresek ere ROS 2.0 aukeratu dute beren garapen batzuetarako. Nik ROSen sorkuntzan parte hartu nuen 2014an, Kalifornian, nire doktoretza egiten aritu nintzenean. Lehen arkitektoetako bat izan nintzen. Oso ongi ezagutzen ditugu ROS eta bere abantaila guztiak. Hasieratik egin ginen ROS 2.0 komunitateko kide, asko lagundu dugu bere garapenean eta munduko enpresa bakarra gara ROS 2.0-n oinarritutako produktu bat duena merkatuan.
Non fabrikatuko da MARA?
MARA Euskadin fabrikatuko da. Dagoeneko badauzkagu hainbat pieza, bai eta osagaiak egingo dizkiguten tokiko hornitzaileak. Behar diren elementu batzuk ezin dira hemen aurkitu eta munduko beste toki batzuetatik ekartzen ditugu, baina zatirik handiena hemen egiten da eta hemen egingo da aurrerantzean ere.
Une honetan, gai gara hilean dozena bat unitate fabrikatzeko. Ez da asko, baina orain produkzioa hobetu nahian gabiltza. Hain zuzen, proiektu bat garatzen ari gara beste robot batzuk fabrikatzeko gai izango diren roboten lehen prototipoekin. Oso zaila da eta oraindik ez dago prest, baina uste dugu etorkizunean hori gertatuko dela eta baliabideak eta ahaleginak bideratu ditugu teknologia hori garatzeko.
Zeintzuk dira Acutronic Robotics enpresaren epe laburreko erronkak?
Plantilla handitu nahi dugu ekainerako 30 lagun izateko. Uste dugu talentua bultzatzen duen enpresa bat garela. Azken urteotan atzerrian lanean zebiltzan hainbat euskaldun etxera itzularazi ditugu eta orobat apustu egin dugu gure lantaldea nazioartekotzeko, kanpotik talentua ekartzea oso aberasgarria baita euskal ekosistemarentzat.
Azken urteotan, Erle eta Acutronic Robotics-en bitartez, 8 milioi euro inguruko ekarpena egin diogu euskal ekosistemari eta datozen hilabeteetan seguru asko kapital gehiago ekarriko dugu, indarra hartzeko eta azkarrago hazteko.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.